KINOBAḺIAN 17:17 - Alkitab Singog In Mongondow Masa In Tanaa

¹⁷ Bo dinumokódon in ki Abraham, táe kinumosing in sia kon dodai in norai kon bonu in ginanea, “Degá mokouḻípa kon adí in ḷoḷaki inta umurdon mogatut notaong, bo degá kumaanpa kon akaḷ in ki Sara inta ain umur siow nopuḷú notaong bo mononggadípa?”

KINOBAḺIAN 17:17 Iomraidhean Croise

KINOBAḺIAN 17:18

Bo ki Abraham in noguman kon i Allah, “Maníka ki Ismaeldon tua in mogabat kon kapunyaanku.”

KINOBAḺIAN 17:3

Bo dinumokódon in ki Abram, bo ki Allah in noguman kon inia,

KINOBAḺIAN 18:11

Tungkuḷ intua ki Abraham bo ki Sara nogoguyangdon totok, ki Sara in diádon angoionmai muḷoi in buḷan.

KINOBAḺIAN 18:12

Tuamai ki Sara in kinumosing kon bonu in ginanea bo noguman, “Akuoi naa ain nogoguyang bo noḷaotdon nanaa, yo umpaka mosiugpa doman moyotakin i buḷoiku? Apapa doman ki buḷoiku nogoguyang domandon.”

KINOBAḺIAN 21:5

Ki Abraham umurdon mogatut notaong tungkuḷ in ki Ishak pinononggadí.

KINOBAḺIAN 21:6

Ki Sara in nosingog, “Binaḻídon i Allah in akuoi kinumosing sin moḷunganga in gina. Pomuḷoi intau inta mokodongog kon soaḷ tanaa in kumosing sin moḷunganga in gina ná koḷunganga in ginaku.”

KINOBAḺIAN 21:7

Sia noguman doman, “Ki ine in koḻipod noguman kon i buḷoiku kon akuoi in diábí mopoteté in adí? Táe akuoi in nononggadípabí doman umpaka ki buḷoiku ain nogoguyang totok.”

TAWARIKH 1 21:16

Inontong i Daud in malaekat tatua iḷumayug magí mako kon toḷungayá takin kokada-kadai in kedang, malaekat tatua in nosadiadon moyopú kon Yerusalem. Dá ki Daud bo itoi mita in rayat, inta kon dodai in tua nogiḷambung in karong nobaḻí tomponuot kon nomanasaḷ, sinumungkud kon butá.

AYUB 1:20

Bo sinimindogdon in ki Ayub bo nomerak kon ḷambungnea nobaḻí tomponuot kon ponogumatoian. Nongarug in sia kon buoknea, bo sinumungkud

YEHEZKIEL 1:28

bo nopoyagi-yagimai in batangannea naonda bo aḻibobag. Tuata in bayag motarang inta mopoontong kon kinoangoian i Tuhan. Nokoontongmai kon tua, noitongkob in akuoi kon butá. Bo kinodongoganku in singog inta

DANIEL 8:17

Bo ki Gabriel inta sinimindog kon tayowonkumai tatua dinimiug kon inakó. Akuoi in inangoiandon totok in ondok, dá noumpag in akuoi. Guman i Gabriel kon inakó, “Ei intau mato-matoi, mustibí kotaauanmu kon oontongon tatua in mopoontongbí in inta mobaḻí kon singgai tumi.”

IMAMAT 9:24

Bo daḻídon in ki Tuhan nopoponag in tuḷú inta nomokak kon bayongan kuruban tubáan takin bayongan ḷongó inta kon tudu in mezbah. Naonda in umat Israel nokoontong kon tua, mosia norogiow bo dinumokó nosumba.

PINOGIAPAN 14:5

Dá ki Musa bo ki Harun dinumokó kon tayowon in bayongan umat.

PINOGIAPAN 16:22

Táe ki Musa bo ki Harun dinumokó nosumba bo noguman, “O Allah, Ikobí in nobogoi in kobiagan kon bayongan inta nobiag. Aka tongá tobatú in intau in binaradosa, yo degá Iko in tumorú domandon kon bayongan umat?”

PINOGIAPAN 16:45

“Pokoyayúdon kon intau mita tanion. Yopúon-Kudon in mosia nion kon tampat doman tanion!” Taya dua tua dinumokó bo nosumba,

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

LUKAS 1:18

Dá ki Zakharia in noḻibó kon malaekat tatua, “Nábí onda in kobobaḻí intua komintan? Kaminda motonibuḷoi naa in tumpaḷadon mogoguyang!”

YOHANES 8:56

Ki amá monimu in ki Abraham nopia totok in ginanea sin sia mokoontong kon singgai-Ku. Sia in nokoontongdon bo nopiadon in ginanea!”

ULANGAN 9:18

Bo komintanpa doman in akuoi minayá dinumokó kon tayowon i Tuhan kon tudu in buḷud opat nopuḷú nosinggai bo opat nopuḷú nogobii in koonggotnea takin diá nopongaa-ngaan ande diá noponginu-nginum. Tua in pinomiaku sin moiko aindon nogaid kon dosa kon i Tuhan takin nomia kon onu inta inanggap-Nea moraat, dá sinumorú in Sia.

ULANGAN 9:25

Kinotaauankubí kon ibogon i Tuhan yopúon-Neadon in moiko. Dá kon bonu in opat nopuḷú nosinggai bo opat nopuḷú nogobii akuoi dinumokó kon tayowon i Tuhan

YOSUA 5:14

“Deemanbí yobayat, bo deemanbí doman musung,” tubag in intau tatua. “Akuoi namangoi in naa saḷaku Itoi in tontara i Tuhan.” Naonda in nokodongogmai kon tua, ki Yosua baḷú sinumungkud nosumba kon intau tatua. Ki Yosua noguman, “Akuoi naa in mogogundoi i Tuang. Onu in motaau aidanku kon i Tuang?”

YOSUA 7:6

Noajar totok in gina i Yosua bo gina in itoi mita in umat Israel dá mosia nomera-merakdon kon pakeang monia, bo kino ouputdon in singgai dapot in doḷom mosia sinumungkud kon tayowon in Poti Dodandian i Tuhan poḷat nopoinggú in ḷobud kon uḷu monia nobaḻí tompoingat kon noajar totok in gina monia.

WAHYU 11:16

Dá itoi inta doyowa nopuḷú bo opat inta iḻimitú kon tampat pomomarentaan monia kon tayowon i Allah in sinumungkudon mita bo nosumba kon i Allah.

WAHYU 5:8

Koyogot in ki Adí in Domba tatua nogabat kon ḻitodan in buk tatua, sinumungkudon in mahaḷuk opat tatua takin itoi mita doyowa nopuḷú bo opat kon tayowon-Nea. Mosia notukid in kecapi bo palo buḷawan inta binonuan in kamania, tuata in sambayang mita in umat i Allah.

HAKIM MITA 13:20

Kon dodai in tuḷú tatua nodokot monik nongkon mezbah tatua, ki Manoah bo ki buḷoinea nokoontong kon malaekat tatua noponik kon bonu in dokot in tuḷú tatua, nopobayá in ḷangit. Bain tua bo kinotaauan i Manoah kon malaekatbí i Tuhan intua; dá sia bo ki buḷoinea sinumungkudon bo nosumba. Diádon dodai in onda in mosia nokoontong kon malaekat tatua bui.