KINOBAḺIAN 17:10 - Alkitab Singog In Mongondow Masa In Tanaa

¹⁰ Iko bo bayongan buímu inta ḷoḷaki musti toiton.

KINOBAḺIAN 17:10 Iomraidhean Croise

KINOBAḺIAN 17:11

Nongkon tanaadon mako iko in musti monoit kon bayongan in adí mointok ḷoḷaki inta umur waḷu nosinggai, diá doman taḻiban bayongan in bobantung inta noilahir kon bonu in baḷoimu ande inta sinaḷuimu. Toit tatua in mobaḻí tanda in dodandian-Ku takinmu.

KINOBAḺIAN 17:23

Kon singgaipa doman tatua, ki Abraham dinumudui kon onu inta pinoguman i Allah bo sinunatneadon in ki Ismael ki adínea tatua, bo bayongan intau ḷoḷaki inta kon bonu in baḷoinea, pinotakin doman in bayongan bobantungnea inta pinononggadí kon bonu in baḷoinea ande inta sinaḷuinea.

KINOBAḺIAN 17:27

noyotakin in bayongan bobantung i Abraham.

KINOBAḺIAN 21:4

bo naonda in ki Ishak umurdon waḷu nosinggai, sinoit i Abraham in adí tatua, podudui in parenta i Allah.

KINOBAḺIAN 34:15

Kami in moibogbí dumudui kon onu in pinoigummu monimu tanion táe musti takin tobatú sarat,: Moiko musti mobaḻí ná doman kami, mangaḻenea bayongan ḷoḷaki kon sigad monimu in musti toiton komintan.

KINOBAḺIAN 34:22

Tongá intau mita tatua moibog mogutun moyotakin naton bo mobaḻí tobangusa naton takin tobatú sarat nanaa: bayongan ḷoḷaki kon sigad naton musti doman toiton ná mosia.

IḶUAIAN 12:48

Intau inta diá sinoit diá motaau mokaan kon kaanon rame tatua. Aka intau ango-angoi inta ain nogutun notantú kon i monimu moibog moraya kon Paska sin mohoromat kon i-Nakó, ki Tuhan, yo bayongan in ḷoḷaki kon bonu in baḷoinea musti munapa toiton. Mopaḷut mako kon tua mosia inanggap ná intau Israel taakan, bo motaaudon tumakin kon poramean singgai moḷoben Paska.

IḶUAIAN 4:25

Bo Ki Zipora ki buḷoinea, nogamá kon batu moḷanit bo pinonoit kon i adínea, bodongka pinoḻiainea kon sioḷ i Musa. Guman i Zipora, “Iko buḷoi inta dinugúku.”

YEREMIA 4:4

Kadaiai in dandimu kon i-Nakó, Tuhanmu, bo awakmu in tongádon ogoi kon i-Nakó, ei intau mita in Yohuda bo Yerusalem. Aka diá, yo torú-Ku in tumagabdon bo momokak naonda bo tuḷú inta diábí kopiongan i inekabí. Tua komintan in moiumabí kon inimu popisí in aidmu mita inta moraat.”

YOHANES 7:22

Ki Musa in nobogoi in atorang kon i monimu sinbá sunaton, umpakabí sunat tatua deemanbí atorang nongkon i Musa, táe nongkon mogoguyangbí mita tungkuḷ in ki Musa diápa. Tuamai, umpaka singgai in Sabat moiko monoit doman kon intau.

OUMAN IN RASUL MITA 7:8

Sunat in nobaḻí tanda kon dodandian tatua. Dá naonda in ki Ishak inta ki Adí i Abraham noilahirdon, adí tatua pinoki sunat kon singgai iwaḷunea; ki adí i Ishak in ki Yakub. Yo ki adí i Yakub tua in mopuḷú bodoyowá inta nobaḻí mogoguyang naton.

SURAT I PAULUS KON JAMAAT RUM 2:28

Sin aka totu-totuu intau in Yahudi; yo deemanbí tongá tangoinea intau in Yahudi, ná doman tua intau inta ain totu-totuu sinunat deemanbí tongá kai intau sinunatdon in sia.

SURAT I PAULUS KON JAMAAT RUM 3:25

Ki Allah ain nopokuruban kon i Yesus Kristus sinbá pinongin kinopatoian-Nea tatua intau in poniatadon kon pinilatandon nongkon bayongan taḷá monia aka mosia mopirisaya kon i Yesus. Tua in inaidan i Allah sin mopoontong in koadilan-Nea. Sin tungkuḷ intua nosabardon in Sia kon bayongan dosa in intau, sahingga in diá ihukum-Nea in mosia.

SURAT I PAULUS KON JAMAAT RUM 3:28

Sin nanaabí in simpod in singog: Intau in sinangoian noyopiadon bui i Allah, deemanbí popisí in nogaid kon onu inta pinais kon hukum in agama Yahudi, táe popisíbí in pirisayanea kon i Yesus Kristus.

SURAT I PAULUS KON JAMAAT RUM 3:30

Sin ki Allah tua in tongábí tobatú. Siabí tua inta nobogoi in kasampatan kon intau mita in Yahudi noyopia bui takin i Allah sin pinodoyon doman kon pirisaya monia. Bo Siabí doman tua inta nobogoi in kasampatan kon intau ibanea mobiag moyopia takin i Allah, bo tua in nobaḻí doman popisí in mosia mopirisaya.

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

GALATIA 6:12

Intau mita inta mokikoontong kon tumpaḷa intau, mosia inta moramuji momakisa kon i monimu sinbá sunaton. Táe tua in aidan monia sinbá diá pogutúon in intau Yahudi in mosia. Sin mosia in nopoyaput in habar soaḷ roriga i Kristus.

EPESUS 2:11

Utatku mita inta deeman intau in Yahudi! Toropka in kaadaan monimu koḻipod: Moiko in sinangoi “intau diá sinunat”. Tua in pinonangoi intau in Yahudi inta sinumangoi sinunat (makusudnea, ain nokouḻí kon tanda inta inaidan intau kon awak monia).

ULANGAN 10:16

Dá pinangkoi kon tanaa mako moiko in musti motoindudui kon i Tuhan bo dikadon bui mokopotontogat kon gina.

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

PILIPI 3:3

Bokaka kitabí naa in intau mita inta notarima kon sunat nongkon i Allah. Kitabí naa in intau inta ain dinia i Allah sin mosumba kon i-Nia, bo umuran mosukur mako in kita sin notobatúdon i Kristus Yesus. Diá bidon in kita moitogot mako kon upacara inta sipatnea in tongábí samantara.

YOSUA 5:2

Kon dodai intua ki Tuhan noguman kon i Yosua, “Pomiadon kon tosilad nongkon batu, bo pomiadon kon upacara ponoitan kon intau mita in Israel.”

YOSUA 5:4

Kon tungkuḷ in intau mita in Israel iḻumuai nongkon Mesir, bayongan intau monia ḷoḷaki nodaitdon sinoit. Táe naonda in mosia nodondaḷoi kon padang gurun opat nopuḷú notaong in koonggotnea, ki adí mita monia ḷoḷaki tobatúmai diápa in sinoit. Bo kon buit in opat nopuḷú notaong tatua, intau ḷoḷaki inta kon dodai in iḻumuai nongkon Mesir noitakindon nobaḻí tontara, komintandon minatoi, sin diá motoindudui kon parenta i Tuhan. Dá podudui in ibot i Tuhan, mosia in diá inogoi moindoi kon butá inta mopia totok bo moḷongó tua inta pinodandi-Nea kon mogoguyang monia.