KINOBAḺIAN 16:15 - Alkitab Singog In Mongondow Masa In Tanaa

¹⁵ Bo ki Hagar in nopononggadídon in adí ḷoḷaki tobatú, bo ki Abram ki amá in adí tatua nonangoi kon adí tatua ki Ismael.

KINOBAḺIAN 16:15 Iomraidhean Croise

KINOBAḺIAN 16:11

Diádon moonggot bo iko in mopononggadí in adí ḷoḷaki tobatú; tangoiaidon in sia ki Ismael, sin dinongogdon i Tuhan in ombaḷmu.

KINOBAḺIAN 16:14

Tuamai intau monangoi kon parigí inta kon sigad in Kades bo Bered tua, “Parigí i-Nia inta nobiag bo inta notabi kon inakó”.

KINOBAḺIAN 16:16

Kon dodai intua ki Abram umurdon waḷu nopuḷú bo onom notaong.

KINOBAḺIAN 17:18

Bo ki Abraham in noguman kon i Allah, “Maníka ki Ismaeldon tua in mogabat kon kapunyaanku.”

KINOBAḺIAN 17:20

Táe duduian-Ku doman in oigummu soaḷ ki Ismael. Tuamai sia in barakatan-Ku bo ogoian-Ku in buí inta mobarong. Sia in mobaḻíbí doman mogoguyang in mopoḷú bodoyowá doman itoi in suku, bo buínea in baḻíon-Ku doman tobatú bangusa inta moḷoben.

KINOBAḺIAN 25:12

Ki Ismael naa in ki adí i Abraham kon i Hagar, bobay in Mesir, bobantung i Sara tua.

KINOBAḺIAN 25:9

Sia in iḷobongdon i adínea mita, inta ki Ishak bo ki Ismael, kon Angob in Makhpela inta noiukat kon gobá kon dotá in pomukaan kon Mamre. Tungkuḷ intua gobá tatua gobábí i Epron ki adí i Zohar, intau in Het,

KINOBAḺIAN 28:9

tuamai ki Esau minayádon kon i Ismael, ki adí i Abraham, bo notonibuḷoi takin ki adí i Ismael inta tangoinea ki Mahalat, ki adí i Nebayot.

KINOBAḺIAN 37:27

Igai bá potaḷuidon naton in sia kon intau in Ismael tatua. Dikadon rorigaan naton in sia. Naondaka in sia táe ki ai-aibí doman naton tontaní in sia.” Ki utatnea mita noyopakatdon kon tosingogon tatua,

TAWARIKH 1 1:28

Ki Abraham in kogadí kon adí ḷoḷaki doyowa, ki Ishak bo ki Ismael.