KINOBAḺIAN 16:14 - Alkitab Singog In Mongondow Masa In Tanaa

¹⁴ Tuamai intau monangoi kon parigí inta kon sigad in Kades bo Bered tua, “Parigí i-Nia inta nobiag bo inta notabi kon inakó”.

KINOBAḺIAN 16:14 Iomraidhean Croise

KINOBAḺIAN 14:7

Nopaḷut mako kon tua intau mita inta nogaḷow tua nobuidon bui kon En-Mispat inta masai naa sinangoiandon Kades. Mosia in nopotungkud kon bayongan intau kon butá in Amalek poḷat nonaḷow kon intau in Amori inta nogutun kon Hazezon-Tamar.

KINOBAḺIAN 16:15

Bo ki Hagar in nopononggadídon in adí ḷoḷaki tobatú, bo ki Abram ki amá in adí tatua nonangoi kon adí tatua ki Ismael.

KINOBAḺIAN 21:19

Bo binaḻí i Allah notarang mata i Hagar, nodapot in sia nokoontongdon kon parigí tobatú. Dá minayádon in sia bo nomonu in tubig kon botutu kuḻit tatua, onda intua pinoinumneadon in adí tatua.

KINOBAḺIAN 21:31

Tuamai tampat tatua in sinangoian intau Bersyeba, sin kon tuata taya dua nongongibotan.

KINOBAḺIAN 24:62

Kon dodai intua ki Ishak aindon namangoi nongkon padang gurun, nongin parigí inta sinangoi “Sia inta nonarukira kon inakó” bo nogutun kon dotá in toḷatan Kanaan.

KINOBAḺIAN 25:11

Naonda in ki Abraham minatoi, ki Allah nomarakat kon i Ishak, ki adí i Abraham. Kon tungkuḷ intua ki Ishak nogutun kon diug in parigí inta sinangoian “Sia inta nonarukira kon inakó.”

PINOGIAPAN 13:26

bo nopotaau kon i Musa, kon i Harun bo kon bayongan umat in Israel inta noyosipunmai kon Kades, kon padang gurun Paran. Inouman monia onu inta inontong bo pinoontong doman monia in bungai mita in kayu inta dinia monia.