KINOBAḺIAN 16:13 - Alkitab Singog In Mongondow Masa In Tanaa

¹³ Ki Hagar noḻibó kon bonu in ginanea, “Totuu degá kon akuoi aindon nokoontong kon i Allah inta notabi kon inakó?” Dá sia in nodonoi kon i Tuhan, inta ain nopoyaput in tosingogon kon inia, “Ki Allah Inta Nonotabi.”

KINOBAḺIAN 16:13 Iomraidhean Croise

KINOBAḺIAN 16:7

Malaekat i Tuhan namangoi nokipodungkuḷ kon i Hagar kon diug in bokaká kon padang gurun, kon daḷan mopobayá in padang gurun Sur.

KINOBAḺIAN 22:14

Tampat tatua sinangoian i Abraham “Ki Tuhan noposadia onu inta paraḷu”. Bo dapot in masai naa intau moguman “Kon tudu in buḷud-Nea ki Tuhan moposadia kon onu inta paraḷuon”.

KINOBAḺIAN 28:17

Sia inagíandon in ondok bo noguman, “Totokbí in mokoondok in tampat tanaa! Pastibí kon tanaa in baḷoi i Allah, ngara in soroga.”

KINOBAḺIAN 31:42

Aka kuma bo akuoi diá iḷukadan i Allah in mogoguyangku, ki Allah inta sinumba i Abraham bo i Ishak, dá tantú akuoi ain bidon pinotabámu minayá takin diá nodia kon onu bo onu. Táe ki Allah ain noindoi kon rorigaku bo oaidan inta ain inaidanku, bo kogobíi Sia ain nobogoi in kaputusan-Nea.”

KINOBAḺIAN 32:30

Onda intua ki Yakub noguman, “Akuoi ain noyodungkuḷ noyopogotmai i Allah, bo akuoi nobiagpa.” Tuamai tampat tatua sinangoiannea Pniel.

KINOBAḺIAN 32:31

Kon dodai mata in singgai nomukádon, ki Yakub nonaḷámaidon kon Pniel, bo bobayánea in nododengkódon sin kayangnea in noyoḷogit.

IḶUAIAN 24:11

Itoi mita Israel tatua aindon nokoontong kon i Allah; umpaka natua yo mosia in diábí iyopú-Nea. Nopaḷut mako kon tua mosia nongaan bo nonginumdon.

AMSAL 15:3

Ki Tuhan in nokoontongbí kon bayongan inta nobaḻí kon bayongan in tampat; Sia in noindoibí kon bayongan inta mopia bo inta moraat.

AMSAL 5:21

Ki Tuhan in moindoibí kon bayongan yagi-yagi inta inaidan in intau. Kon ondaka in intau mayá umuranbí indoian mako i Tuhan.

HAKIM MITA 6:24

Bo ki Gideon noposindog in mezbah tobatú kon tua bo sinangoiannea “Ki Tuhan Pangkoi in Kobiagan Motompia”. Mezbah tatua oyúonpa kon Opra, inta kotá intau in Abiezer.