KINOBAḺIAN 15:7 - Alkitab Singog In Mongondow Masa In Tanaa

⁷ Onda intua ki Tuhan bui noguman kon inia, “Akuoi naa in ki Tuhan, inta ain nodia kon inimu iḻumuai nongkon butá in Ur kon Babilonia, sin mobogoi in butá tanaa kon inimu mobaḻí kapunyaanmu.”

KINOBAḺIAN 15:7 Iomraidhean Croise

KINOBAḺIAN 12:1

Ki Tuhan noguman kon i Abram, “Taḷaaidon in butámu, ginaḷummu bo baḷoi i amámu, bo bayádon kon butá inta bain tundúon-Ku kon inimu.

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

KINOBAḺIAN 28:4

Poigumon mako ki Tuhan momarakat kon inimu bo buímu naonda bo pinomomarakat-Nea kon i Abraham, bo igumon mako mobaḻí kapunyaanmu in butá inta iḻitúanmu mako tanaa, inta ain inogoi i Allah kon i Abraham!”

KINOBAḺIAN 50:24

Gumannea kon i utatnea mita, “Wakutuku matoi nodiugdon, táe ki Allah pastibí kon umuranbí moḷukad kon i monimu bo modia kon i monimu ḷumuai nongkon butá tanaa, bo mayá in butá inta ain pinodandi-Nea takin nongibot kon i Abraham, kon i Ishak bo kon i Yakub.”

MAZMUR 105:11

Guman-Nea, “Butá in Kanaan in ogoi-Kubí kon inimu, mobaḻí butá budelmu.”

MAZMUR 105:42

Sin ki Tuhan in nokotorop kon dandi-Nea kon i Abraham, mogogundoi-Nea.

MAZMUR 105:44

Butá in bangusa mita inogoi-Nea kon i monia, gobá mita monia binaḻí-Nea kapunyaan in umat-Nea,

IḶUAIAN 32:13

Toropdon in ata-Mu mita inta ki Abraham, ki Ishak bo ki Yakub. Toropdon bui kon Iko ain nodandi takin nongibot kon mobogoi kon i monia in buí inta mobarong totok naonda bo tundi kon ḷangit, ná doman tua bayongan butá inta pinodandi-Mu tua in mobaḻí kapunyaan in buí monia mononoi.”

PINOGIAPAN 33:53

Butá tatua musti agowon monimu bo poḷat ḻitúai, sin ogoi-Kudon kon inimu.

SURAT I PAULUS KON JAMAAT RUM 4:13

Ki Allah ain nodandi kon i Abraham bo buínea kon dunia naa in mobaḻíbí kapunyaan i Abraham. Dandi tatua in deemanbí pinodoyon kon kotoindudui i Abraham kon hukum in agama Yahudi, táe popisíbí in sia mopirisaya kon i Allah, dá sinarima i Allah in sia saḷaku intau inta mokosanang kon gina-Nea.

ULANGAN 3:18

Kon dodai intua akuoi nobogoi kon i monia in parenta tanaa: Ki Tuhan Allahmu nobogoi kon inimu in butá kon dotá in pomukaan kon Ongkag in Yordan sin pogutunanmu. Táe tontaramu mita in musti kodia-dia in sonjata bo ḷumoḷan kon Ongkag in Yordan umuna kon suku mita Israel ibanea.