KINOBAḺIAN 15:5 - Alkitab Singog In Mongondow Masa In Tanaa

⁵ Ki Tuhan in nodia kon i Abram iḻumuai bodongka noguman kon inia, “Ḷangagka kon ḷangit, bo tungkuḷaika iyap in tundi mita; yo buímu in kobayongnea naonda bo tundi mita tatua.”

KINOBAḺIAN 15:5 Iomraidhean Croise

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 13:16

Akuoi in mobogoi kon inimu in buí inta totok in mobarong, dapot in diádon tobatúmai intau in mokoiap kon i monia. Ná doman ḷobud inta diá koiapan in intau, yo ná doman tua in buímu mita diá doman koiapan in intau.

KINOBAḺIAN 16:10

Bo malaekat tatua in bui noguman, “Akuoi in mobogoi kon inimu in adí bo ompu inta mobarong, dapot in diá tobatúmai intau mokoiyap kon i monia.

KINOBAḺIAN 17:2

Akuoi in mogaid kon dodandian takinmu bo mobogoi kon inimu in buí inta mobarong.”

KINOBAḺIAN 22:17

Akuoi mobogoi in barakat kobarongon totok kon inimu bo baḻíon-Ku in buímu moantó naonda bo tundi kon ḷangit bo ná kobayong in bungayon kon bingkí in dagat. Ki adí bo ki ompumu in monaḷowdon kon musung mita monia.

KINOBAḺIAN 26:4

Akuoi in mobogoibí kon inimu in adí bo ompu inta kobayongnea in naonda bo tundi kon ḷangit, bo butá mita kon naa daiton-Kubí ogoi kon i monia. Bayongan in bangusa kon dunia naa in mopoigumbí kon i-Nakó sinbá Akuoi momarakat kon i monia naonda Akuoi ain nomarakat kon buímu.

KINOBAḺIAN 28:14

Buímu in nádon kobarong in ḷobud kon butá. Mosia in moginḷoben kon butá monia kon bayongan tampat, bo pongin inimu bo buímu, Akuoi in momarakat kon bayongan bangusa kon dunia.

KINOBAḺIAN 32:13

Naonda in nosiugpa kon tua in doḷom tua, ki Yakub nogamá kon tosilai in bobiagonnea mita sin ogoi kon i Esau saḷaku tombuinagnea. Tombuinag tatua in doyowa nogatut in bembé kobaayan, doyowa nopuḷú in bembé koḷakian, doyowa nogatut domba kobaayan, doyowa nopuḷú in domba koḷakian, toḷu nopuḷú in unta inta koyogotpa mopoteté bo takin doman ki adínea inta monetépa tua, opat nopuḷú in sapi kobaayan, mopuḷú in sapi koḷakian, doyowa nopuḷú in keledai kobaayan bo mopuḷú in keledai koḷakian.

DATU MITA IMITÁNEA 3:8

Akuoi naa in kon yua-yuak in bangusa inta ain piniḻí-Mu nobaḻí umat-Mu tontaní. Mosia tua in bangusa moḷoben tobatú inta diádon koiapan in kobayongnea.

TAWARIKH 1 27:23

Ki Datu Daud in diá bidon nogiap kon intau mita inta umur kon ḻimonag in doyowa nopuḷú notaong, sin ki Tuhan in nodandidon kon mopobaḻí kon intau in Israel ná kobayong in tundi kon ḷangit.

NEHEMIA 9:23

Binaḻí-Mu in buí monia naonda bo kobayong in tundi mita kon ḷangit. Inogoian-Mu in mosia in butá sin pogutunan monia, butá inta ain pinodandi-Mu kon mogoguyangnea.

AYUB 35:5

Ḷangágdon kon ḷangit bo taridiai totuu moḷantud in goḷom mita.

MAZMUR 147:4

Sia in nonantú kon kobayong in tundi kon ḷangit, bo kon batúannea sinontangoian-Nea.

IḶUAIAN 32:13

Toropdon in ata-Mu mita inta ki Abraham, ki Ishak bo ki Yakub. Toropdon bui kon Iko ain nodandi takin nongibot kon mobogoi kon i monia in buí inta mobarong totok naonda bo tundi kon ḷangit, ná doman tua bayongan butá inta pinodandi-Mu tua in mobaḻí kapunyaan in buí monia mononoi.”

YESAYA 51:2

Toropdon in mogoguyangmu ki Abraham bo ki Sara inta nopononggadí kon i monimu; kon tungkuḷ in Akuoi nogoiní kon i Abraham, Sia in diá kogadí; bo binarakatan-Ku in sia bo inogoian-Ku in buí inta mobayong.

YEREMIA 33:22

Akuoi in modugangbí kon buí in mogogundoi-Ku ki Daud, bo imang mita suku in Lewi, dá kobayong monia in mobaḻídon ná kobayong in bungaion kon pintad bo tundi kon ḷangit inta diá koiapan.”

SURAT I PAULUS KON JAMAAT RUM 4:18

Ki Abraham in umuran mako moharap bo mopirisaya umpakabí diádon in harapan. Tuamai sia in nobaḻí ki amá in bayongan intau inta mopirisaya, ná inta pinais kon bonu in Buk Motusi, “Buímu in mobaḻídon mobayong totok.”

ULANGAN 1:10

ki Tuhan Allahmu nopobaḻídon kon i monimu nobarong totok naonda bo tundi mita kon ḷangit.

ULANGAN 10:22

Kon tungkuḷ in mogoguyangmu minayá in Mesir, kobayong monia tua in tongábí pitu nopuḷú in intau. Táe ki Tuhan Allahmu ain nomaḻí kon i monia nobarong nádon onda bo kobarong in tundi kon ḷangit.”

IBRANI 11:12

Umpaka wakutu intua ki Abraham nádon onda bo intau minatoi in awaknea, táe nobayongpabí doman in buínea, diábí koiapan in kobayongnea sin nádon tundi kon ḷangit bo bungaion kon bingkí in pintad kobayongnea.

YOSUA 24:3

Bo Akuoi nogoiní kon i Abraham, mogoguyangmu tua, nongkon butá kon ḷoḷan in Ongkag in Eprat tatua, bo nopotabá kon inia noḻibu kon butá in Kanaan. Akuoi in nobogoi kon inia in buí mobayong. Dungkuḷ totok ki Ishak in inogoi-Ku kon inia,