KINOBAḺIAN 15:17 - Alkitab Singog In Mongondow Masa In Tanaa

¹⁷ Naonda in nodoḷomdon, indoianmai yo daḻíbí inontong in tuḷú popoyokan takin poḷombow inta koyongki-yongkit, bo sinumaḻib kon tapú mita inta ain iḷosi-ḷosi tatua.

KINOBAḺIAN 15:17 Iomraidhean Croise

KINOBAḺIAN 15:10

Bo ki Abram nogamá kon mahaḷuk mita tatua bo pinokuruban kon i Allah. Sapi, bembé bo domba tatua komintan iḷosinea doyowa, bo kinatadnea doyowa bo pinoyogintayow. Táe ḷagapan mita tatua in diábí iḷosinea.

SAMUEL 2 22:9

Poyok in ginumabut nongkon bubú in ngiung-Nea, tuḷú bo baga iḻumuai nongkon bibig-Nea.

DATU MITA IMITÁNEA 18:38

Bo pinopoangoidon i Tuhan in tuḷú nongkon ḷangit bo nomokak kon kuruban tatua takin kayunea mita, batunea mita bo butánea nodapot in tubig kon gotnea in nodaitnea dinilá.

TAWARIKH 1 21:26

Bo ki Daud in noposindog in mezbah tobatú kon tua sin posumbaan kon i Tuhan, bo noposumba in kuruban payongon bo kuruban dodamean. Onda intua sia nosambayang bo inindongogan i Tuhan in sambayangnea tatua takin nopoangoi in tuḷú nongkon ḷangit inta nomokak kon kuruban mita kon tudu in mezbah tatua.

IḶUAIAN 19:18

Buḷud in Sinai tatua komintandon kinokoḷoban in poyok, sin ki Tuhan noponag kon tudunea kon bonu in tuḷú. Poyok tatua nodondon naonda bo poyok pinonuruban, bo bayongan buḷud nodandú totok in noropot.

IḶUAIAN 20:18

Naonda in intau mita nokodongog kon gotup bo singog in torompet, bo nokoontong kon kilat bo buḷud inta nopuḻing poyok, mosia urot mako sin moondok bo sinimindogdon iyumayú.

YESAYA 62:1

Podoyon kon Yerusalem Akuoi in mosingog, podoyon kon Sion Akuoi in diábí tongá kibio-biómai, modapot in sia posaḷamaton bo kountungannea in monindar naonda bo poḷombow kon tungkuḷ in doḷom.

YEREMIA 11:4

Dodandian tatua in inaidan-Ku takin mogoguyang monia kon dodai in mosia dinia-Ku iḻumuai nongkon Mesir, ḻipú inta naonda bo naraka kon i monia. Akuoi in nopotabá kon i monia tumoindudui kon i-Nakó bo mogaid kon bayongan inta pinarenta-Ku. Tanaa in pinoguman-Kudon doman kon intau mita in Yohuda bo intau in Yerusalem kon aka mosia bo motoḷutui kon i-Nakó yo mosia in mobaḻí umat-Ku bo Akuoi in ki Allah monia.

ULANGAN 4:20

Táe moiko in bangusa inta pinosaḷamat-Nea nongkon Mesir, tampat inta kinororigaan totok monimu. Moiko in dinia-Nea iḻumuai nongkon butá tatua, sinbá mobaḻí bangusa-Nea tontaní ná kaadaanmu tanaa mako.

HAKIM MITA 13:20

Kon dodai in tuḷú tatua nodokot monik nongkon mezbah tatua, ki Manoah bo ki buḷoinea nokoontong kon malaekat tatua noponik kon bonu in dokot in tuḷú tatua, nopobayá in ḷangit. Bain tua bo kinotaauan i Manoah kon malaekatbí i Tuhan intua; dá sia bo ki buḷoinea sinumungkudon bo nosumba. Diádon dodai in onda in mosia nokoontong kon malaekat tatua bui.

HAKIM MITA 6:21

Onda intua malaekat i Tuhan nopotundú in tungkud inta kokada-kadainea nodapot in popodnea tatua noiḻiai kon ponoyá bo roti tatua. Dinumokot in batu tatua bo nodaitdon nopokak in ponoyá bo roti tatua. Onda intua malaekat tatua diádon inontong.