KINOBAḺIAN 15:16 - Alkitab Singog In Mongondow Masa In Tanaa

¹⁶ Naonda in opat nopobuían, ki adí bo ki ompumu in mobuidon mangoi kon naa, sin Akuoi in diábí moguntun kon intau in Amori aka mosia diápa totok in moraat dapot in paraḷu hukumon.”

KINOBAḺIAN 15:16 Iomraidhean Croise

KINOBAḺIAN 10:16

Kanaan naa in nobaḻí doman mogoguyang in bangusa Yebusi, Amori, Girgasi,

KINOBAḺIAN 15:13

Ki Tuhan noguman kon inia, “Pokotorop, buímu in mobaḻí intau ango-angoi kon butá intau; mosia in mobaḻí ata kon tua bo tonggataan kon bonu in opat nogatut notaong in koonggotnea.

KINOBAḺIAN 48:21

Bo ki Yakub nogumandon kon i Yusup, “Ná inta inontongmu tanaa, wakutuku matoi nodiugdon, táe ki Allah in motuḷungbí kon i monimu bo modia bui kon i monimu mayá in butá in mogoguyangmu.

KINOBAḺIAN 50:24

Gumannea kon i utatnea mita, “Wakutuku matoi nodiugdon, táe ki Allah pastibí kon umuranbí moḷukad kon i monimu bo modia kon i monimu ḷumuai nongkon butá tanaa, bo mayá in butá inta ain pinodandi-Nea takin nongibot kon i Abraham, kon i Ishak bo kon i Yakub.”

DATU MITA IMITÁNEA 21:26

Ki Ahab nogaid kon dosa mita inta totok in mokooyá: Nosumba in sia kon berhala ná inta pinomia in intau in Amori, intau mita inta ain pinoguntun i Tuhan iḻumuai nongkon butá in Kanaan kon dodai in intau in Israel tumuotdon kon butá tatua.

DATU MITA 2 21:11

“Ki Datu Manasye in moraatbí totok. Oaidnea in moraa-raat nongkon oaid in intau in Kanaan. Pinongin berhala mita inta pinomianea, sia in nokopopisídon kon intau in Yohuda binaradosa.

MAZMUR 105:43

Dá inatod-Nea in umat-Nea takin pia in gina, intau mita inta piniḻí-Nea takin giow sanang in gina.

IḶUAIAN 12:40

Bangusa Israel in nogutun kon Mesir 430 notaong in koonggotnea.

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 13:4

Kon singgai tatua, tanggal imitánea buḷan Abib ande buḷan imitánea, moiko nonaḷámai kon butá in Mesir.

DANIEL 8:23

Kon tungkuḷ in kopaḷutandon in dodatuan mita tatua, aka aid moraat moiḻiudon, dá moiangoidon in datu tobatú inta motogat in uḷu bo mopandoi monguboḷ.

IMAMAT 18:24

Awakmu dika ponajison in oaid mita tatua, sin natuata in dodia in bangusa mita inta nogutun kon Kanaan kon tungkuḷ in moiko diápa kon tua mosia noponajisdon in awak monia. Tuamai mosia inuntun i Tuhan, sinbá moiko motaaudon mogutun kon butá tatua.

ULANGAN 9:4

Naonda in ki Tuhan Allahmu mopoguntun kon i monia kon tayowonmu, dikabí morai kon moiko in dinia-Nea minayá intua sin pobogoian kon butá tatua popisí in moiko mopia bo nogaidon kon onu in kinoibog i Tuhan Allahmu dá patusdon in moiko motarima kon tua. Deemanbí natua! Ki Tuhan nopoguntun kon bangusa mita tatua kon tayowonmu sin moraat in mosia. Pinomayá mako i Tuhan in moiko mogamá kon butá monia, sin Sia moibog mogintompod kon dandi-Nea kon mogoguyangmu ki Abraham, ki Ishak bo ki Yakub.

TESALONIKA 1 2:16

Modapot in mosia moramuji totok in moḷamboi kon inami mopoyaput in Habar Mopia kon intau mita inta deeman Yahudi, Habar Mopia inta mokosaḷamat kon i monia. Intau mita in Yahudi tatua, umuran mogaid kon inta diá mopia kinobobúbí monia. Pangabisannea hukumon i Allah in mosia!