KINOBAḺIAN 15:13 - Alkitab Singog In Mongondow Masa In Tanaa

¹³ Ki Tuhan noguman kon inia, “Pokotorop, buímu in mobaḻí intau ango-angoi kon butá intau; mosia in mobaḻí ata kon tua bo tonggataan kon bonu in opat nogatut notaong in koonggotnea.

KINOBAḺIAN 15:13 Iomraidhean Croise

KINOBAḺIAN 15:16

Naonda in opat nopobuían, ki adí bo ki ompumu in mobuidon mangoi kon naa, sin Akuoi in diábí moguntun kon intau in Amori aka mosia diápa totok in moraat dapot in paraḷu hukumon.”

KINOBAḺIAN 17:8

Akuoi in mobogoibí kon inimu bo kon buímu in butá tanaa, inta pinogutunanmu tanaa mako saḷaku intau ango-angoi. Bayongan butá in Kanaan in mobaḻíbí kapunyaan mononoi i adí bo i ompumu bo Akuoi in mobaḻí ki Allah monia.”

KINOBAḺIAN 47:4

Kami namangoi sin mogutun kon butá tanaa, sin kon butá in Kanaan totokdon motoyang in malarat, dapot in diádon bonok kaanon in bobiagon bembé domba nami. Ogoidon in kami mogutun kon butá in Gosyen.”

MAZMUR 105:42

Sin ki Tuhan in nokotorop kon dandi-Nea kon i Abraham, mogogundoi-Nea.

IḶUAIAN 1:11

Dá intau mita in Mesir nomiḻídon kon intau mita nobaḻí toimata kon intau mita Israel sin moposaged kon kobobiag monia takin momakisa totok kon i monia mogaid. Mosia in pinakisa moposindog kon i datu in kotá mita Pitom bo Raamses sin baḻíon tampat potagúan kon barang mita.

IḶUAIAN 1:13

Bo totokdon moraat in pogogaid monia kon intau in Israel,

IḶUAIAN 1:14

bo kobobiag intau Israel pinosagedon totok monia. Mosia in pinakisa totok mogaid kon oaidan mita moposindog in bangunan bo mogaid doman kon gobá mita takin diádon in totabi monia.

IḶUAIAN 2:24

Inindongogan i Allah in mosia, bo kinotoropan-Neadon in dodandian-Nea takin i Abraham, i Ishak bo i Yakub.

IḶUAIAN 22:21

Donaaibí mondorot ande mopoaid in diá moadil kon intau ango-angoi; pokoingatdon kon moiko nion in koḻipod in intaubí doman tongá ango-angoi kon Mesir.

IḶUAIAN 23:9

Dika mopomia ibo-ibog kon intau ango-angoi; sin kinorasaandon monimu naonda in mobaḻí intau ango-angoi, sin koḻipod moiko nion intau doman ango-angoi kon butá in Mesir.”

IḶUAIAN 3:10

Tanaa iko in potabá-Kudon mayá kon tayowon i datu in Mesir sinbá iko in motaau modia kon bangusa-Ku ḷumuai nongkon butá tatua.”

IḶUAIAN 3:17

Bo sinantú-Kudon kon mosia in diaan-Kudon ḷumuai nongkon Mesir, tampat inta pinononggataan kon i monia, bo mogatod kon i monia mayá in butá tobatú inta nooyúon bo mopia totok, butá in bangusa Kanaan, bangusa Het, Amori, Peris, Hewi bo Yebus.

IḶUAIAN 3:8

Tuamai moponag in Akuoi sin mayá mopoḷuat kon i monia nongkon kawasa intau in Mesir bo modia kon i monia ḷumuai nongkon butá tatua mopobayá in butá tobatú inta moḷuas. Butánea nooyúon bo mopia totok, tanaa mako pinogutunan in bangusa Kanaan, bangusa in Het, Amori, Peris, Hewi bo Yebus.

IMAMAT 19:34

Baḻí in mosia ná intau mita tobangusamu bo kotabidon in mosia ná kototabi monimu kon awak monimu tontaní. Toropdon kon moiko tontaní nokoimontan doman nobiag nobaḻí intau ango-angoi kon butá in Mesir. Akuoi in ki Tuhan Allahmu.

PINOGIAPAN 20:15

Mogoguyang nami minayá in Mesir bo nogutun notantú kon tua kon taongannea. Mogoguyang nami bo kami doman pinomiadon ibo-ibog in bangusa Mesir,

OUMAN IN RASUL MITA 7:17

Táe naonda in motoyongdon in wakutu i Allah mogintompod kon dandi-Nea kon i Abraham, noantódon totok in intau naton in nogutun kon Mesir.

GALATIA 3:17

Makusudku nanaa: Dandi i Allah aindon inaidan bo aindon muna pinosah. Tuamai hukum i Musa inta inogoi kon taong 430 noiduduimai, diábí motaau monginggamá kon tua andeka momopat kon dandi i Allah tatua.

ULANGAN 10:19

Dá moiko doman in mustibí moponiata in tabimu kon intau mita ango-angoi tatua, sin koḻipod in moiko in nobaḻíbí doman intau ango-angoi kon Mesir.

ULANGAN 5:15

Toropdon kon moiko in koḻipod in sinonggata doman kon Mesir, bo pinoḷuat i Tuhan Allahmu takin ropot inta moḷoben. Tuamai moiko parentaan-Ku sinbá morame kon singgai in Sabat.