KINOBAḺIAN 15:1 - Alkitab Singog In Mongondow Masa In Tanaa

¹ Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

KINOBAḺIAN 15:1 Iomraidhean Croise

KINOBAḺIAN 15:2

Táe ki Abram in noguman, “Tuhan Inta Totok in Moḷantud, ki Tuhan diá nobogoi in adí kon inakó. Intau inta mogabat kon kapunyaanku tongábí ki Eleazer, bobantungku inta nongkon Damsyik. Dá onubí in mangaḻenea ki Tuhan mobogoi kon inakó in tondan pinogaidanku?”

KINOBAḺIAN 15:4

Onda intua ki Abram nokodongog ki Tuhan in noguman bui kon inia, “Deemanbí bobantungmu in motarima kon kapunyaanmu, táe ki adímubí tontaní inta ḷoḷaki.”

KINOBAḺIAN 21:17

Ki Allah in nokodongog kon ombaḷ i Ismael, bo malaekat i Allah in noguman kon i Hagar nongkon ḷangit, kainia, “Onu in mokorobonoḷ kon dodobmu, Hagar? Dikadon moondok. Dinongogdon i Allah in ombaḷ i adímu.

KINOBAḺIAN 22:1

Diá noonggot kon tua, kotoindudui Abraham sinungkuḷan i Allah. Ki Allah in nogoiní, “Abraham!” Bo ki Abraham sinumubag, “Ya Tuhan.”

KINOBAḺIAN 22:20

Ki Abraham koguya-guyang kon ḷoḷaki inta tangoinea in ki Nahor. Naonda in onu inta nobaḻí kon Buḷud in Moria tatua, ki Abraham in nokodongog kon ki Milka, ki buḷoi i Nahor aindon waḷu in ki adínea ḷoḷaki, naa in tangoi monia:

KINOBAḺIAN 26:24

Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

KINOBAḺIAN 31:7

Bo umpaka natua táe akuoi inuboḷanneapa doman bo binaḷuaineadon tondan in pinogaidanku nodapot in kopuḷú. Táe diábí pinomayá mako i Tuhan in sia nopoaid in inta moraat kon inakó.

SAMUEL 2 22:3

Ki Tuhan in naonda bo poḷoḷukadan inta moropot tampat pogogadopanku. Ki Allahku in naonda bo buḷud batu, tampat pononiunganku. Naonda bo kaḻeaw in Sia mogoḻingoi kon inakó, bo moḷukad kon inakó sinbá umuran mosaḷamat.

DATU MITA 2 1:15

Kon dodai doman intua malaekat i Tuhan in noguman kon i Elia, “Dika moondok! Duduidon kon inia mosiḻig kon buḷud tanaa.” Dá tuamai in minayá in ki Elia noyotakin in porwira tatua bo minayá kon i datu.

TAWARIKH 1 28:20

Onda intua ki Datu Daud noguman bui kon i Salomo adínea ḷoḷaki. “Iko in musti mokopoyakin bo mokopobarani. Pangkoidon in oaidan tatua bo dika moondok kon onuka. Ki Tuhan Allah inta sinumbaku in motuḷungbí kon inimu. Diábí in Sia monaḷámai kon inimu. Umuran-Neabí takinan in iko modapot in moḷapatdon komintan in oaidan tatua.

MAZMUR 115:10

Ei imang mita, pongamangdon kon i Tuhan, Siabí in motuḷung bo mogoḻiung kon inimu

MAZMUR 119:114

Ikobí in mododuḷu bo mogogoḻingoiku, akuoi in mogoḷat mako kon dandi-Mu.

MAZMUR 142:5

Kon dodai in akuoi nobobui kon sikumai, diábí in inontongku in motuḷung kon inakó. Diábí in nogoḻingoi kon inakó, andeka inta nopandungmai kon inakó.

MAZMUR 18:2

Akuoi in motabi kon ini-Mu, o Tuhan, Ikobí in nobaḻí ropotku.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

MAZMUR 3:3

Nobarong in noguman kon ki Allah in doí motuḷung kon inakó.

MAZMUR 3:4

Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

MAZMUR 5:12

Igumon mako bayongan in intau inta noniung kon ini-Mu mopia in gina bo tantú monggoḷokap. Ḷukadaidon in intau mita inta motabi kon ini-Mu, sinbá moḷunganga in gina monia popisí in Iko.

MAZMUR 58:11

Mokoontong kon intau moraat hukumon, mopia in gina in intau motuḻid, bo momatá kon sioḷnea kon bonu in dugú in intau moromú.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

MAZMUR 84:9

Indongogaipa kaasí in sambayangku, o Tuhan Allah Inta Totok in mokawasa, indongogaipa, o Allah Yakub.

MAZMUR 91:4

Iko in koḷoban-Neabí in koḻikip-Nea, dá moodombí in iko kon bonu in oḻiung-Nea; kososatia-Nea in naonda bo kaḻeaw inta noḷukad kon inimu.

IḶUAIAN 14:13

Ki Musa in noguman, “Dika moondok! Korigonon in gina! Ontongonbí monimu onu in aidan i Tuhan sin moposaḷamat kon i monimu. Intau in Mesir inta inontong monimu tanaa, diá bidon ontongon bui monimu.

AMSAL 11:18

Kauntungan in intau moraat in kauntunganbí inta diá in mangaḻenea, kauntungan in intau inta nogaid kon inta mopia in kauntungan inta moḷoben in mangaḻenea.

AMSAL 30:5

Ki Allah in nogintompodbí kon bayongan in dandi-Nea. Sia in naonda bo kaḻeaw kon bayongan in intau inta mamangoi moniung kon i-Nia.

YESAYA 35:4

Poguman kon i monia inta mointok in gina, “Korigon in ginamu, dika moondok, ki Allahmu in mamangoi mohukum kon musung, Sia in mamangoi sin moposaḷamat kon i monimu.”

YESAYA 40:10

Indoiai, ki Tuhan Allah in namangoi takin kawasa sin mogaid kon oaidan pongin ropot-Nea. Sia in sinakinan in intau mita inta ain pinoḷuat-Nea.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

YESAYA 43:1

Israel, nanaa in guman i Tuhan, “Akuoibí in inta nomaḻí bo inta nomia kon inimu, dika moondok, iko in notantú bidon kon posaḷamaton-Ku! Akuoi in nogoinídon kon inimu pinongin tangoimu, iko in Akuoi in kitogi.

YESAYA 43:5

Dika moondok, sin Akuoi in moḷukad kon inimu. Nongkon toyopan bo nongkon dotá in pomukaan pinotabá-Ku in ki adí bo ki ompumu mamangoi moyosipun.

YESAYA 44:2

Akuoibí in ki Tuhan inta nomaḻí kon inimu, inta nomia kon inimu nongkon bonupa in sian, bo inta notuḷung kon inimu. Dika moondok, iko in mogogundoi-Ku, umat inta piniḻí-Ku inta kinotabi-ku.

YESAYA 44:8

Bangusa-Ku, dika moondok andeka moitaḻikokog; sin nongkon dungkuḷmaipabí nodapot in tanaa Akuoi in nonoḻindapdon kon onu in mobaḻí? Moiko in sakusi-Ku mita. Moḷoḷukad ibanea in diábí bo diábí kinotaauan-Ku.”

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YEREMIA 39:17

Táe Akuoi, ki Tuhan, in moḷukadbí kon inimu. Iko in diábí ogoi kon intau mita inta kinoondokmu.

OMBAḶ 3:24

Ki Tuhan in kapunyaankubí totobatú tua. Tuamai, umandoḷ in akuoi kon i-Nia.

YEHEZKIEL 1:1

Kon singgai iḻimanea buḷan inggopatnea kon taong intoḷu nopuḷúnea, kon bonu in taong iḻimanea ki Datu Yoyakhin inakut pinobayá in pinoḷumbúan, akuoi, ki Imang Yehezkiel ki adí i Busi, in kon bingkí in Ongkag in Kebar kon Babel noyotakin in intau mita in Yahudi ibanea inta iḷumbú. Daḻíbí nobukat in ḷangit bo akuoi in nokouḻí kon oontongon soaḷ ki Allah. Dinongogku in ki Tuhan in nopoyaput in singog kon inakó bo kinorasaanku in ropot in kawasa-Nea.

YEHEZKIEL 11:24

Kon bonu in oontongon tatua, Roho i Allah nobingkat kon inakó bo dinia bui pinobayá kon intau mita intau iḷumbú kon Babel. Onda intua diádon inontong in oontongon tatua.

YEHEZKIEL 3:4

Ki Allah in bui noguman, “Ei intau inta ilo-ilow, bayádon kon intau mita in Israel bo potaaudon in bayongan in koyow-Ku kon i monia.

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.

PINOGIAPAN 18:20

Ki Tuhan noguman doman kon i Harun, “Moiko in diábí mokouḻí kon tonsilai onu bo onu. Kon butá inta pinodandi-Ku tua diábí in tobonsigmai in butá in mobaḻí kapunyaanmu. Akuoi, ki Tuhan, in nobaḻí tonsilaimu.”

PINOGIAPAN 24:4

inta ain nokidongog kon tosingogon mita i Allah bo inta ain pinoki pogontongan i Inta Totok Mokawasa, kouḻi-uḻid, tongá kobuka-buká in mata.

MATIUS 28:5

Táe malaekat tatua in noguman kon bobay mita tatua, “Dikadon moondok in moiko! Sin kinotaauankubí kon moiko in mamangoi motayak kon i Yesus inta ain pinopopakú kon kayu pinoyotaḻempang.

MATIUS 8:26

Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

LUKAS 1:13

Táe kain singog in malaekat tatua kon inia, “Dika moondok Zakharia, sin mintahangmu inindongogandon i Tuhan, dá ki Elisabet ki buḷoimu tua in mopolahirbí in adí ḷoḷaki, bo mustibí tangoianmu ki Yohanes in adí tatua.

LUKAS 1:30

Dá malaekat tatua in noguman kon inia nanaa, “Dika moondok Maria, sin iko in kinosanang gina i Allah.

LUKAS 12:32

“Moiko inta tongá topiḻik, dikabí moondok! Sin mosanangbí in gina i Amámu in mobogoi in barakat kon i monimu kon bonu in kawasa-Nea.

OUMAN IN RASUL MITA 10:22

Dá mosia in notubag, “Kami naa in namangoi sin pinotabá i Kornelius, tobatú itoi in tontara Rum, inta totok mopia bo motoindudui kon i Allah bo ihoromat in bayongan intau in Yahudi. Tobatú malaekat i Allah in namangoi kon inia bo nopotabá mogoiní kon i Tuang sinbá ki Tuang in mamangoi in baḷoinea, saḷaku tubag i Tuhan kon bayongan inta pinoigumnea kon doa. Sia in pinoki indongogan kon onu in poguman i Tuang kon inia.”

KORINTUS 1 3:22

Ki Paulus, ki Apolos, ki Petrus, dunia naa, kobiagan bo kopatoian, masa in tanaa andeka kon singgai moiduduimai naa, bayongan yagi-yagi in kapunyaanmu bidon.

ULANGAN 18:2

Mosia in diábí motaau kobutá ná suku mita ibanea, sin ki Tuhanbí in nobaḻí silai budel monia, ná inta pinodandi i Tuhan kon i monia.

ULANGAN 31:6

Moiko in musti morigon in gina bo mobarani! Dika moondok kon i monia, sin ki Tuhan Allahmu tontaní inta motuḷung kon i monimu. Diábí pokuyangon-Nea in gina ande monaḷámai kon i monimu.”

IBRANI 1:1

Dungkuḷmai in noyagi-yagimaidon daya i Allah in mosingog kon mogoguyang naton, singog-Nea tatua in pinoyaput pinongin nabi mita.

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.

RUT 2:12

Poigumon mako ki Tuhan in mobogoi in tontuḻí kon bayongan in aidmu inta mopia. Poigumon mako iko in motarima kon onu inta patus ogoi i Tuhan, Allah in Israel kon inimu, sin iko ain namangoi mokiḷukad kon i-Nia!”

SAMUEL 1 15:10

Bo nogumandon i ki Tuhan kon i Samuel,

SAMUEL 1 9:9

“Mopia uḻe!” tubag i Saul, “Igai mayá in kita.” Bo minayádon in mosia kon kotá, kon tampat in mogogundoi i Allah tua. Naonda in mosia notakod kon buḷud inta mopobayá ná kotá tatua, noyodungkuḷdon in mosia in tongonumai in mongodeaga inta mayá monangkob kon tubig kon parigí. Bo mosia noḻibó kon mongodeaga mita tatua, “Degá mododoyangow oyúon kon kotá?” (Kon tungkuḷ intua nabi tobatú sinangoi mododoyangow, dá aka oyúon in intau moḻibó kon i Allah, dá sia in moguman nanaa, “Igai in kita mayá kon mododoyangow.”)