KINOBAḺIAN 14:20 - Alkitab Singog In Mongondow Masa In Tanaa

²⁰ Dinayo-dayowdon in ki Allah Inta Totok in Moḷantud, inta ain nobogoi kon inimu in ropot dapot in nokountung nonayow kon musungmu.” Nopaḷut mako kon tua ki Abram nobogoi kon i Melkisedek in mopuḷú noporsen nongkon bayongan barang inta inagownea kon parang tatua inta ain dinianea mangoi.

KINOBAḺIAN 14:20 Iomraidhean Croise

KINOBAḺIAN 14:21

Bo nogumandon ki datu in Sodom kon i Abram, “Gamádon in barang mita inta inagow tatua, táe poigumonku totok pobuidon mangoi kon inakó in intauku mita.”

KINOBAḺIAN 24:27

Gumannea, “Dinayo-dayowdon in ki Tuhan, ki Allah i tuangku Abraham. Ki Tuhan noniata kon mosatia bo motabi kon i tuangku Abraham. Dinia-Nea in akuoi baḷú noyodungkuḷ in ginaḷumnea.”

KINOBAḺIAN 28:22

Bo akuoi in mobogoi kon i Tuhan mopuḷú noporsen nongkon bayongan in yagi-yagi inta inogoi i Tuhan kon inakó. Batu tompoingat inta pinosindogku tanaa in mobaḻí tampat posumbaan kon i Tuhan.”

KINOBAḺIAN 47:24

Kon dodai in mosipundon kon boyó, moiko musti in mobogoi kon i datu in seperlima nongkon bungai in boyó tatua. Noiḻiu kon tua kon tua motaaubí pakéon monimu pomuḷaan bui ande kaanon monimu takin buḷoi bo adímu.”

KINOBAḺIAN 47:26

Noiduduimai kon tua binaḻídon i Yusup atorang kon butá in Mesir in soaḷ seperlima nongkon bungai in boyó musti mobaḻí kapunyaan i datu. Dapot masai in naa atorang tatua umuranpa pinaké. Tongábí butá mita in imang mita in diá nobaḻí kapunyaan i datu.

KINOBAḺIAN 9:26

Dinayo-dayowdon Tuhan, ki Allah i Sem! Kanaan in mobaḻí ata i Sem.

SAMUEL 2 18:28

Takin nomaḷú in ki Ahimaas nopoyaput in salam kon i datu, bodongka sinumungkud bo noguman, “Dinayo-dayowdon in ki Tuhan Allah i Tuang, inta ain noposarakan kon i Tuang in intau mita inta nomarontak kon i Tuangku!”

TAWARIKH 2 31:12

bo motagú kon bayongan in oogoi bo mopuḷú noporosen tatua kon bonu in ontag mita tatua. Intau in Lewi tobatú inta ki Konanya in tangoinea, sinantúdon nobaḻí moḷoḷukad bo ki Simei ki ai-ainea in binaḻí mobobantungnea.

NEHEMIA 10:37

Kami in mogatod doman kon imang mita kon Baḷoi Tuhan in pomiaan kukis nongkon gandum inta muna-munamai kinoyut pomuḷoi in taong, bo sosumba doman mita ibanea ná anggur, ḷana in zaitun bo bayongan in ayop. Sosumba mopuḷú noporosen nongkon bungai in boyó kon gobá nami in diaan nami kon intau mita in Lewi inta nogamá kon sosumba mita mopuḷú noporosen kon kotá mita inta monononggobá.

NEHEMIA 13:12

Bo bayongan in rayat Israel buidon nobogoi in persepuluhan nongkon gandum, anggur, bo ḷana zaitun, dinia pinobayá in gopot mita pototagúan kon tongkaaḷ.

MAZMUR 144:1

Nongkon i Daud. Dayowdon in ki Tuhan moḷoḷukadku! Sia in notundú kon inakó moropatoi, bo notundú kon inakó moparang.

MAZMUR 44:3

Iko tontaní in noguntun kon bangusa mita sinbá umat-Mu in mogutun motantú kon butá monia. Bangusa mita ibanea pinobodito-Mu, táe umat-Mu in pinomayá-Mu mako in kodugangannea.

MAZMUR 68:19

Ki Tuhan in notakod kon tampat inta moḷantud; nobayong in inta dinakop in dinia-Nea noyotakin. Sia in notarima kon sosumba nongkon intau mita nodapot in nongkon sigad in inanakan momomarontak; sinbá mosia in kibio-biómai moyotakin i Tuhan Allah.

IḶUAIAN 18:10

bo noguman in sia, “Dinayo-dayowdon in ki Tuhan inta noposaḷamat kon i monimu nongkon kawasa i datu bo in bangusa Mesir! Dinayo-dayowdon in ki Tuhan inta nopoḷuatdon kon bangusa Israel nongkon pinononggataan!

AMOS 4:4

Ki Tuhan Inta Totok in Moḷantud in noguman, “Ei umat in Israel! Bayádon kon pooibadaan kon Betel, bo pogaidon kon dosa kon tua! Bayádon in Gilgal, bo pogaidon kon dosa kinoibog in ginamu! Kumudungdon in moposumba in kuruban pomuḷoi in doḷo-doḷom, bo modia kon mopuḷú noporosen nongkon bayongan inta nouḻímu pomuḷoi in toḷu nosinggai!

MALEAKHI 3:10

Diadon in mopuḷú noporosenmu komintan kon Baḷoi-Ku sinbá oyúon in kaanon mobayong totok kon tua. Tungkuḷaidon in Akuoi, dá ontongbí monimu kon Akuoi in momukat kon ḷoḻingkop mita in soroga bo mobogoi kon i monimu in bayongan inta mopia.

MALEAKHI 3:8

Tanaa in Akuoi moḻibó kon inimu: Motaau degá akaḷan in intau in ki Allah? Notantúbí kon diá. Táe moiko in monguboḷbí doman kon i-Nakó. Moiko in moḻibó, ‘Naonda?’ Tubag-Ku: Kon daḷom in moguboḻi kon mopuḷú noporosen bo mobogoi in sosumba.

PINOGIAPAN 28:26

Kon singgai dungkuḷ kon Pesta Posipunan kon boyó, singgai moḷoben nopaḷut mako kon pitu nodiminggu, kon dodai in moiko moposumba in gandum mobagu kon i Tuhan, moiko in musti momia kon poyodungkuḷan sin moibada, bo diá in motaau mogaid kon oaidan inta mobogat.

LUKAS 18:12

Akuoi in mopuasa kodua in todiminggu, bo kon pomuḷoi in diminggu akuoi in umuran mobogoi in mopuḷú noporsen nongkon onu inta nouḻíku.’

SURAT I PAULUS KON JAMAAT RUM 15:16

Binaḻí-Neadon in akuoi mogogaid kon oaidan i Kristus sin pinotabá minayá kon intau mita inta deeman Yahudi. Bo akuoi in nogaidon naonda bo imang, inta nopoyaput in Habar Mopia nongkon i Allah, sinbá intau mita inta deeman Yahudi in mobaḻí tobatú sosumba kon i Allah inta motaau tarimaan-Nea. Poigumondon mako bá baḻíondon in Roho i Allah in mosia tobatú sosumba kon i Allah tontaní.

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

ULANGAN 12:17

Kon tampat pogogutunanmu diábí motaau in moiko mokaan kon sosumba mopuḷú noporosen nongkon gandummu, anggurmu, ḷana zaitunmu, sapi ande bembé dombamu inta muna pinogadí, kuruban poguboḻi kon dandimu, kuruban ibogmu tontaní ande sosumba ibanea.

ULANGAN 14:23

Kon tayowon i Tuhan Allahmu, kon tampat inta piniḻí-Nea, inta mobaḻí tampat pooibadaan, moiko musti mokaan kon sosumba mopuḷú noporosen nongkon gandum, tubig in anggur, ḷana in zaitun takin adí in sapi bo adí in bembé dombamu inta muna pinogadí. Aidai intua sinbá umuran in moiko mobalajar mohoromat kon i Tuhan Allahmu.

ULANGAN 14:28

Kon buit in taong nogintoḷu, moiko musti modia kon mopuḷú notonsilai nongkon bungai in boyómu kon butámu bo sipunon kon kotámu mita.

YOSUA 10:42

Tongá komintan noparang, ki Yosua nokotaḷowdon kon bayongan in datu tatua bo nogagow kon bayongan butá inta kon bonu in kawasa monia, sin ki Tuhan, Allah Israel, noparang noyotakin in Israel.