KINOBAḺIAN 14:17 - Alkitab Singog In Mongondow Masa In Tanaa

¹⁷ Naonda in nonaḷow mako kon i datu Kedorlaomer takin datu mita inta notobatú, ki Abram in nobuidon. Bo datu in Sodom minayá nonontomu kon inia kon Ḷopá in Syawe inta sinangoian doman Ḷopá in Datu.

KINOBAḺIAN 14:17 Iomraidhean Croise

KINOBAḺIAN 14:1

Datu opat: ki Amrapel nongkon Babilonia, ki Ariokh nongkon Elasar, ki Kedorlaomer nongkon Elam, bo ki Tideal nongkon Goyim

KINOBAḺIAN 14:10

Ḷopá tatua nopuḻing in parigí aspal, bo naonda in datu mita nongkon Sodom bo Gomora noramuji noḷagui nongkon parang, mosia in noḷabú kon bonu in parigí mita tatua. Toḷu in datu ibanea nosaḷamat bo noḷagui nopobayá in buḷud.

KINOBAḺIAN 14:5

Kon bonu in taong impuḷú boopat, ki Kedorlaomer bo topotakinnea mita namangoi takin tontara monia bo nonaḷow kon intau in Repaim kon Asyterot-Karnaim, intau in Zuzim kon Ham, intau in Emim kon Syawe-Kiryataim,

SAMUEL 2 18:18

Kon wakutu in nobiagpa, ki Absalom noposindogdon kon inia in tobatú tugu kon Ḷopá in Datu, sin sia in diá kogadí kon ḷoḷaki inta mongingguput kon buínea. Tugu tatua sinangoiannea in tangoinea tontaní, bo nodapot in singgai naa tugu tatua umuran kinotaauan saḷaku tugu i Absalom.

AMSAL 14:20

Intau bogá in kodoíbí umpaka yobayatnea mita; táe intau nooyúon nobayong in yobayatnea.

AMSAL 19:4

Intau nooyúon, yobayatnea in umuran modugang; intau bogá taḷaanmai in yobayatnea.

IBRANI 7:1

Ki Melkisedek naa in datu nongkon Salem bo imang i Allah inta totok in moḷantud. Wakutu in ki Abraham nobuidon nongkon pinoparangan bo nonaḷowdon kon datu mita, dá ki Melkisedek naa in namangoidon nonontomu bo nomarakat kon inia.

HAKIM MITA 11:34

Naonda in ki Yepta nobui nongkon Mizpa, ki adínea mongodeaga namangoi nonontomu kon inia sindaḷan nomanari takin notobog kon rebana. Tongábí totobatú tua in ki adínea bobay.

SAMUEL 1 18:6

Kon dodai in ki Daud nobui naonda in nonaḷow mako kon i Goliat intau in Pilistin tatua, bo tontara mita nopipid in sinumuot kon bonu in kotá, bobay mita iḻumuai nongkon bayongan in kotá kon Israel sin motomu kon i Datu Saul. Mosia in nopodondong in dondong ḷunganga in gina, mosia notayok takin nopogogitog in rebana bo kecapi.