KINOBAḺIAN 14:12 - Alkitab Singog In Mongondow Masa In Tanaa

¹² Ki Lot pokuadíon i Abram in nogutun doman kon Sodom, tuamai sia in noitakin doman dinia in musung takin bayongan kapunyaannea.

KINOBAḺIAN 14:12 Iomraidhean Croise

KINOBAḺIAN 11:27

Naadon buí i Terah: Ki Terah ki amá i Abram, i Nahor bo i Haran. Ki Haran in kogadí kon adí ḷoḷaki, tangoinea in ki Lot.

KINOBAḺIAN 11:31

Ki Terah in nonaḷámai kon kotá in Ur kon Babilonia noyotakin i Abram ki adínea, bo ki Lot ki ompunea, bo ki Sarai mototakanea bobay. Makusudnea mayá in butá in Kanaan. Táe naonda noyaputmai kon Haran, mosia nogutun notantú kon tua.

KINOBAḺIAN 14:11

Datu taya opat inta nountung tua, nogagow kon bayongan in yagi-yagi kon Sodom bo Gomora, nodapot in bahan kokaanon mita, bodongka minayá.

KINOBAḺIAN 14:14

Naonda in kinodongogan i Abram kon pokuadíonnea tua kinodomokan, sinipunnea in bayongan intau inta kon bonu in ḷoḷaigannea, mosia inta mongopandoi moparang, kobayong monia tua in toḷu nogatut bo mopuḷú bowaḷu, bo dongka minayá nondudur kon datu taya opat tatua nodapot kon kotá in Dan.

KINOBAḺIAN 14:16

Ki Abram bui nokoagow kon barang mita inta ain inagow in musung, ná doman tua in ki Lot takin bayongan in kapunyaannea, bo bobay mita takin intau mita ibanea inta dinakop monia.

AYUB 9:23

Aka intau inta diá kotaḷá bo modaḻí matoi, ki Allah in tongábí kumosing.

PINOGIAPAN 16:26

Ki Musa noguman kon intau mita in Israel, “Ḷuaidon nongkon ḷoḷaigan in intau mita inta moraat tanaa bo dika doman moḻiai kon kapunyaan monia. Aka moiko doí dumudui, yo moiko in yopúon poyotakinon monia popisí in dosa mita monia.”

WAHYU 18:4

Bo akuoi in nokodongog kon singog ibanea nongkon soroga noguman nanaa, “Ḷuaidon, umat-Ku! Ḷuaidon nongkon bonunea! Sinbá moiko in diádon dumudui mogaid kon dosanea mita, bo moitakin motanggung kon hukumannea!

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.