KINOBAḺIAN 13:7 - Alkitab Singog In Mongondow Masa In Tanaa

⁷ Bo nobaḻídon in bobayowan kon sigad in gombala i Abram bo gombala mita i Lot. (Kon tungkuḷ intua intau mita in Kanaan bo intau mita in Peris nogutunpa kon butá tatua.)

KINOBAḺIAN 13:7 Iomraidhean Croise

KINOBAḺIAN 10:19

sahingga sigad mita in butá monia iḷumoben nongkon Sidon mopobayá in toḷatan kon Gerar, nodapot kon diug in Gaza, bo kon pomukaan mopobayá in Sodom, Gomora, Adma, bo Zeboim, dapot kon diug in Lasa.

KINOBAḺIAN 12:6

Ki Abram noḻibu kon butá tatua bo noidapotdon in sia kon tobatú pangkoi in kayu inta kai monia mokaramat kon More, inta tampat pososumbaan kon Sikhem. (Kon dodai intua intau in Kanaan nogutunpa kon butá tatua.)

KINOBAḺIAN 21:25

Táe nopaḷut mako kon tua oyúon in nokomanasaḷ kon i Abraham soaḷ ki Abimelek popisí in parigí tobatú inta ain inagow in bobantung mita i datu tatua.

KINOBAḺIAN 26:20

Táe gombala mita kon Gerar in nobobayowan takin gombala mita i Ishak. Guman monia, “Tubig tanaa kamibí in kitogi.” Tuamai parigí tatua sinangoian i Ishak “Bobayowan”.

KINOBAḺIAN 34:30

Ki Yakub noguman kon i Simeon bo kon i Lewi, “Moiko mokopororigamaidon kon inakó. Tanaa intau in Kanaan bo intau in Peris bo bayongan intau kon butá kon naa moyaatdon in gina monia kon inakó. Intau mita naton tongábí topiḻik; aka komintan intau kon naa motobatú komintan moḷawang bo monubu kon inakó, yo bayongan buḷoi, adí bo ginaḷum naton modaitbí moyopú.”

KINOBAḺIAN 46:34

potaaudon kon inia kon moiko in mononombobiagon nongkon mointokanmai, notongkai ná mogoguyang monimu. Aka natua dá potabáneadon in moiko mayá mogutun kon butá in Gosyen.” Ki Yusup noguman natua sin intau in Mesir ná pokopoonagonmai aka moyobayat takin gombala mita.

NEHEMIA 5:9

Bo Gumanku bui, “Aidmu tua in diábí mopia! Mustibí in moiko mobiag takin motoguondok kon i Allah. Dá musung naton inta diá ko Tuhan tua in diá ogoian monimu in kasampatan moningkuḻe kon inaton.

IḶUAIAN 2:17

Táe tongonumai in gombala noguntun kon i adí mita bobay tatua. Bo ki Musa in namangoi notuḷung kon i monia bo pinoinumneadon in bobiagon mita monia tatua.

AMSAL 20:3

Tongábí intau bodok inta moibog morogenggeng; aid inta dayowon in yumayúbí kon rogenggengan.

MARKUS 3:25

Ande, aka motoḷuadí diá motobatú bo mosisaturuan doman yo mogoguyaatbí in motoḷuadí tatua.

KORINTUS 1 3:3

sin moiko tantúpabí doman dinumudui kon tabiatmu saḷaku intau. Sin aka oyúonpa doman in ointoian bo yogenggeng kon sigad monimu, yo mangaḻenea kon tua moiko in dumuduipabí kon tabiat in intau, ná intau inta diá nonotaau kon i Allah.

GALATIA 5:20

Mosia in moibog mosumba kon ilah mita ibanea, mongonggaing, moibog mosisaturuan, moibog moropatoi, mointoi kon intau ibanea, ḷagi tumorú, bo tongá morai kon kopontingan tontaní, momoguyaat kon jamaat; bo moibog mopoyoposi kon inta,

KOLOSE 4:5

Mokopobijaksanadon in mobiag moyotakin intau mita inta diá mopirisaya, bo pakédon kopira pomuḷoi oyúon in kasampatan.

TESALONIKA 1 4:12

Sahingga in moiko mobiagdon motoḷutui kon tayowon intau mita ibanea, bo diá tongá moharap mako kon intau ibanea.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

YAKOBUS 3:16

Kon onda in oyúon intoi bo sipat inta tongá morai kon kopontingan tontaní, yo kon tua oyúon domandon in ropatoi bo bayongan in oaid inta moraat.

YAKOBUS 4:1

Onu in pinomangkoian in ropatoi bo rogenggeng kon sigad monimu? Tua in pinangkoibí kon ibogmu mita inta umuran mobobayowan kon bonu in ginamu popisí in moibog mokouḻí kon kasanangan in dunia naa!

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.