KINOBAḺIAN 13:18 - Alkitab Singog In Mongondow Masa In Tanaa

¹⁸ Onda intua ki Abram nomamping kon ḷoḷaigannea bodongka nogutun notantú kon diug in pangkoi in kayu mita karamat tampat pososumbaan kon Mamre kon diug in Hebron, bo kon tua sia in noposindog in Mezbah kon i Tuhan.

KINOBAḺIAN 13:18 Iomraidhean Croise

KINOBAḺIAN 13:4

bo noposindog in mezbah. Kon tua sia in nosumba kon i Tuhan.

KINOBAḺIAN 14:13

Táe intau tobatú inta nokoḷagui minayá nopotaau in bayongan inta nobaḻí tatua kon i Abram, intau Ibrani tatua. Ki Abram in nogutun kon diug in pangkoi mita in kayu karamat tampat pososumbaan kapunyaan i Mamre, intau in Amori. Ki Mamre bo ki utatnea mita, inta ki Eskol bo ki Aner in yobayat mita i Abram inta notobatúnea doman.

KINOBAḺIAN 18:1

Ki Tuhan nokipogontong kon i Abraham kon diug in pangkoi kayu mita mokaramat inta tampat pososumbaan kon Mamre. Tungkuḷ intua singgai totok in mopatú, bo ki Abraham ḻimitú mako kon ngara in ḷoḷaigannea.

KINOBAḺIAN 22:9

Naonda in mosia nodapotdon kon tampat inta pinoguman i Allah kon i Abraham, sia in noposindog in mezbah tobatú bodongka nopotudu in kayu inta pakéon potubaan tatua. Nopaḷut mako kon tua sinogotneadon in ki adínea bo pinopouḻidnea kon tudu in mezbah tatua, kon tudu in kayu inta tubáan tatua.

KINOBAḺIAN 23:2

sia in minatoi kon Hebron kon butá in Kanaan. Norobonoḷ totok in gina i Abraham kinopatoian i buḷoinea tua, sia in nongombaḷ.

KINOBAḺIAN 26:25

Bo ki Ishak in noposindog in mezbah bo nosumba kon i Tuhan kon tampat tatua. Sia nomia kon ḷoḷaigan kon tua bo bobantungnea mita in nongaḻi kon parigí ibanea.

KINOBAḺIAN 35:27

Bo noyaputdon in ki Yakub kon i Ishak ki amánea, kon tampat pinogutunannea kon Mamre kon diug in Hebron. (Koḻipod ki Abraham inta ki ḷakinea, nogutun doman kon tua).

KINOBAḺIAN 37:14

Guman i amánea, “Indoiaipa in kaadaan i guya-guyangmu bo paanan in bembé domba, bo bui angoi potaau kon inakó.” Dá pinotabáneadon in ki Yusup minayá nonaḷámai kon Ḷopá in Hebron. Diá noonggot kon tua nodapotdon in ki Yusup kon Sikhem.

KINOBAḺIAN 8:20

Ki Nuh noposindog in mezbah tobatú kon i Tuhan. Sia in nogamá kon tumongo batu nongkon sigad in ḷagapan bo mahaḷuk mita ibanea inta halal, bodongka pinosumbanea saḷaku kuruban inta sinubá kon tudu in mezbah tatua.

SAMUEL 2 2:1

Nopaḷut mako kon tua ki Daud in noḻibó kon i Tuhan, “Tuhan degá ogoi-Mu in akuoi mayá mongawasa kon kotá tobatú in kotá kon Yohuda?” “Oo,” tubag i Tuhan. “Kotá inta táonda?” noḻibó in ki Daud. “Hebron,” tubag i Tuhan.

MAZMUR 16:8

Akuoi in umuranbí mokotorop kon i Tuhan; Sia in oyúonbí kon diugku, dá diá in akuoi modandú.

PINOGIAPAN 13:22

Muna-munamai mosia minayá kon dotá in toḷatan butá tatua bo noiyaput kon kotá in Hebron, tampat pinogutunan in intau mita in Ahiman, Sesai bo Talmai, buí i Enak. Hebron pinosindog noiuna pitu notaong nongkon kotá in Zoan kon Mesir.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.

IBRANI 11:9

Takin pirisayanea tatua, sia in nogutun saḷaku intau mokokiangoi kon butá inta pinodandi i Allah kon inia tua. Ki Abraham in nomia kon ḷoḷaigan bo nogutun kon tua. Natua doman in ki Ishak bo ki Yakub inta notarima doman kon dandi natua nongkon i Allah.

YOSUA 14:13

Dá ki Yosua in nomarakat kon i Kaleb adí i Yepune, bo nobogoi kon inia in kotá in Hebron nobaḻí butá kapunyaannea.

YOSUA 15:13

Podudui in parenta i Tuhan kon i Yosua, tongosilai in butá i Yohuda ogoi kon i Kaleb adí i Yepune nongkon suku in Yohuda. Inogoi kon inia in Hebron, kotá inta kapunyaan i Arba, ki amá i Enak.