KINOBAḺIAN 12:9 - Alkitab Singog In Mongondow Masa In Tanaa

⁹ Onda intua sia nonggingguputdon bui kon bobayáannea nongkon tampat tobatú mopobayá in tampat ibanea, nopobayá in toḷatan butá in Kanaan.

KINOBAḺIAN 12:9 Iomraidhean Croise

KINOBAḺIAN 13:1

Ki Abram nonaḷámaidon kon Mesir bo nopobayá ná dotá in utuan, mopobayá kon dotá in toḷatan Kanaan takin ki buḷoinea bo bayongan kapunyaannea, bo ki Lot in sinumakin doman.

KINOBAḺIAN 13:3

Dá minayádon in sia nongkon tampat tobatú nopobayá in tampat ibanea, nopobayá in Betel. Sia nodapot bui in butá inta kon sigad in Betel bo Ai, kon tampat mokaramat inta koḻipod pinomiaannea kon ḷoḷaigan

KINOBAḺIAN 20:1

Ki Abraham nomamping nongkon Mamre minayá kon dotá in toḷatan butá in Kanaan, bo nogutun kon sigad in Kades bo Syur. Diá noonggot noiduduimai kon tua, naonda in sia nogutun kon Gerar,

KINOBAḺIAN 20:13

Dá tungkuḷ in ki Allah nopotabá kon inakó nonaḷámai kon baḷoi i amáku bo minaya-mayá mako kon butá mita inta diá kinotaauanku, akuoi in nogumandon kon i buḷoiku, ‘Poniatadon in kotoinduduimu kon inakó takin mopotaau kon bayongan intau kon akuoi naa in ki guya-guyangmubí.’ ”

KINOBAḺIAN 24:62

Kon dodai intua ki Ishak aindon namangoi nongkon padang gurun, nongin parigí inta sinangoi “Sia inta nonarukira kon inakó” bo nogutun kon dotá in toḷatan Kanaan.

MAZMUR 105:13

Mosia in nodondaḷoi nongkon bangusa tobatú minayá in bangusa ibanea, nomamping nongkon butá tobatú minayá in butá ibanea.

YESAYA 30:6

Nanaa in koyow i Tuhan soaḷ mahaḷuk mita inta kon butá in toḷatan, “Totabá mita nopodatog kon keledai bo unta monia in tombuinag mita, bo nongin butá inta nopuḻing in inta mokoondok inta pinogutunan in singa, uḷag mobisa bo naga kokoḻikipan. Tombuinag mita tatua pinosumba monia kon bangusa tobatú inta diá mokotuḷung kon i monia.

PINOGIAPAN 13:17

Naonda in pinotabá i Musa in mosia minayá, sia in nongoyow kon i monia, “Bayádon pongin utuan, mopobayá ná dotá in toḷatan kon butá in Kanaan, bo turus mopobayá ná buḷud.

ULANGAN 1:7

Tanaa kokaidon in ḷoḷaiganmu bo bayádon kon buḷud in intau Amori bo kon bayongan in butá inta kon diugneamai, tuata in Ḷopá in Yordan, butá inta notombuḷud bo inta nooyuk, butá inta kon dotá in toḷatan bo pintad in Dagat Toyuak. Bayádon ḻitúai in butá in Kanaan bo Buḷud in Libanon modapot kon ongkag moḷoben in Eprat.