KINOBAḺIAN 12:8 - Alkitab Singog In Mongondow Masa In Tanaa

⁸ Nopaḷut mako kon tua sia nongingguputdon kon bobayáannea nopobayá in toḷatan, kon butá inta notombu-tombuḷud kon dotá in pomukaan kon kotá in Betel, bo nogaid kon ḷoḷaigan kon sigad in Betel bo kotá in Ai: Betel kon dotá in toyopan bo Ai kon dotá in pomukaan. Kon tua sia in noposindog doman in mezbah tobatú bo nosumba kon i Tuhan.

KINOBAḺIAN 12:8 Iomraidhean Croise

KINOBAḺIAN 13:18

Onda intua ki Abram nomamping kon ḷoḷaigannea bodongka nogutun notantú kon diug in pangkoi in kayu mita karamat tampat pososumbaan kon Mamre kon diug in Hebron, bo kon tua sia in noposindog in Mezbah kon i Tuhan.

KINOBAḺIAN 13:3

Dá minayádon in sia nongkon tampat tobatú nopobayá in tampat ibanea, nopobayá in Betel. Sia nodapot bui in butá inta kon sigad in Betel bo Ai, kon tampat mokaramat inta koḻipod pinomiaannea kon ḷoḷaigan

KINOBAḺIAN 13:4

bo noposindog in mezbah. Kon tua sia in nosumba kon i Tuhan.

KINOBAḺIAN 21:33

Bo ki Abraham nopomuḷa in pangkoi in kayu tamariska kon Bersyeba bo nongkon dodaidon tatua tampat tatua pinakénea mosumba kon i Tuhan, Allah inta mononoi.

KINOBAḺIAN 22:9

Naonda in mosia nodapotdon kon tampat inta pinoguman i Allah kon i Abraham, sia in noposindog in mezbah tobatú bodongka nopotudu in kayu inta pakéon potubaan tatua. Nopaḷut mako kon tua sinogotneadon in ki adínea bo pinopouḻidnea kon tudu in mezbah tatua, kon tudu in kayu inta tubáan tatua.

KINOBAḺIAN 26:25

Bo ki Ishak in noposindog in mezbah bo nosumba kon i Tuhan kon tampat tatua. Sia nomia kon ḷoḷaigan kon tua bo bobantungnea mita in nongaḻi kon parigí ibanea.

KINOBAḺIAN 28:19

Tampat tatua sinangoiannea Betel. (Koḻipod tangoinea Lus.)

KINOBAḺIAN 31:25

Kon dodai intua ki Yakub ain noposindog in ḷoḷaigannea kon buḷud tobatú. Onda intua kon buḷud toḷosi kon butá tatua doman ki Laban bo intaunea mita noposindog doman in ḷoḷaigan monia.

KINOBAḺIAN 33:20

Onda intua sia in noposindog in mezbah kon tua bo sinangoiannea “El, Allah Israel”.

KINOBAḺIAN 35:7

Kon tua ki Yakub noposindog in mezbah bo sinangoiannea in tampat tatua “El-Betel”. sin ki Allah ain nokipogontong kon inia kon tua kon dodai in sia noḷagui kon i guya-guyangnea.

KINOBAḺIAN 4:26

Ki Set in kogadí kon adí ḷoḷaki inta sinangoian ki Enos. Kon tungkuḷ intuata intau nomangkoidon nonangoi kon tangoi Tuhan aka mosia in mosumba.

KINOBAḺIAN 8:20

Ki Nuh noposindog in mezbah tobatú kon i Tuhan. Sia in nogamá kon tumongo batu nongkon sigad in ḷagapan bo mahaḷuk mita ibanea inta halal, bodongka pinosumbanea saḷaku kuruban inta sinubá kon tudu in mezbah tatua.

NEHEMIA 11:31

Tongonumai in intau nongkon suku Benyamin in nogutun kon Geba, Mikhmas, Ai, Betel bo ḻipú mita kon diugnea,

MAZMUR 116:4

Dá nokuani in akuoi kon i Tuhan, “O Tuhan, poigumonku, posaḷamatpa in akuoi!”

IḶUAIAN 17:15

Bo ki Musa noposindog in mezbah tobatú bo sinangoiannea “Ki Tuhan in Banderaku.”

YESAYA 10:28

Tontara in Asyur ain nogagow kon kotá in Ayat. Mosia in noitaḻibdon kon Migron! Tongkaaḷ monia in sinaḷáan kon Mikhmas!

YOËL 2:32

Táe ki ine in mokituḷung kon i Tuhan, in posaḷamatonbí. Ki Tuhan in noguman, “Kon Yerusalem intau mita inta piniḻí-Ku in mosaḷamatbí.”

OUMAN IN RASUL MITA 2:21

Kon singgai tatua ki ine in mokuani kon tangoi i Tuhan mosia in posaḷamaton.’

IBRANI 11:9

Takin pirisayanea tatua, sia in nogutun saḷaku intau mokokiangoi kon butá inta pinodandi i Allah kon inia tua. Ki Abraham in nomia kon ḷoḷaigan bo nogutun kon tua. Natua doman in ki Ishak bo ki Yakub inta notarima doman kon dandi natua nongkon i Allah.

YOSUA 22:10

Naonda in suku i Ruben, i Gad, bo suku i Manasye kon dotá in pomukaan kon Yordan tatua nodapot kon Gelilot – kon dotápa in toyopan kon Ongkag in Yordan – mosia noposindogdon in mezbah tobatú inta moḷoben bo mogaga kon diug in ongkag.

YOSUA 7:2

Kon dodai intua ki Yosua nopotabá in tongonumai in intau nongkon Yerikho minayá in Ai, kotá tobatú kon dotá in pomukaan kon Betel, kon diug in Bet-Awen. Intau mita tatua pinotabá pinoki taridian in butá tatua. Naonda in mosia nobui nongkon oaidan tatua,

YOSUA 8:12

Degá 5.000 in intau inta ain pinotabánea nogadop kon dotá in toyopan kon kotá tatua, inta kon sigad in Ai bo Betel.

YOSUA 8:17

Bayongan intau kon Ai iḻumuai sin mogaḷow kon intau in Israel, dá kotá tatua in pinomayádon nobukat mako natua, diádon iḷukadan.

YOSUA 8:3

Dá ki Yosua nosadiadon mayá in Ai moyotakin in bayongan tontaranea. Sia nomiḻí kon 30.000 in tontara mita inta totok mopia, bo nopotabá kon i monia kon wakutu in doḷom,

YOSUA 8:30

Onda intua ki Yosua noposindog in mezbah kon i Tuhan, Allah Israel, kon Buḷud in Ebal.

YOSUA 8:9

Onda intua ki Yosua nopotabádon kon i monia, bo mosia minayá nogadop kon dotá in toyopan kotá in Ai kon sigad in Ai bo Betel, bo nogoḷat kon tua. Táe ki Yosua in nosiugpa kon pinononḷoḷaigan in umat Israel.

HAKIM MITA 6:24

Bo ki Gideon noposindog in mezbah tobatú kon tua bo sinangoiannea “Ki Tuhan Pangkoi in Kobiagan Motompia”. Mezbah tatua oyúonpa kon Opra, inta kotá intau in Abiezer.

SAMUEL 1 30:27

Kotá mita tatua in Betel bo Rama kon dotá in toḷatan Yohuda, Yatir, Aroër, Sipmot, Estemoa, Rakhal, bo kotá doman mita in intau in Yerahmeel, kotá mita in intau in Keni, Horma, Bor-Asan, Atakh bo Hebron. Bayongan in kotá inta ain kinobayáan i Daud bo intaunea, in pinoki diaannea in tombuinag tatua.