KINOBAḺIAN 12:4 - Alkitab Singog In Mongondow Masa In Tanaa

^4-5 Ki Abram in umur pitu nopuḷú boḻima notaong kon tungkuḷ in sia nonaḷámai kon Haran, sin dinumudui kon parenta i Tuhan kon inia. Ki Abram nobuat bo nopobayá in butá in Kanaan noyotakin i Sarai ki Buḷoinea, bo ki Lot pokuadíonnea, takin bayongan in kapunyaannea bo bobantungnea mita inta nouḻí monia kon Haran. Naonda in mosia nodapot kon Kanaan.

KINOBAḺIAN 12:4 Iomraidhean Croise

KINOBAḺIAN 11:27

Naadon buí i Terah: Ki Terah ki amá i Abram, i Nahor bo i Haran. Ki Haran in kogadí kon adí ḷoḷaki, tangoinea in ki Lot.

KINOBAḺIAN 11:31

Ki Terah in nonaḷámai kon kotá in Ur kon Babilonia noyotakin i Abram ki adínea, bo ki Lot ki ompunea, bo ki Sarai mototakanea bobay. Makusudnea mayá in butá in Kanaan. Táe naonda noyaputmai kon Haran, mosia nogutun notantú kon tua.

KINOBAḺIAN 13:5

Ki Lot inta dinumudui noyotakin i Abram in kobuḷoi kogadí doman bo kodomba, kosapi bo kobembé.

KINOBAḺIAN 16:16

Kon dodai intua ki Abram umurdon waḷu nopuḷú bo onom notaong.

KINOBAḺIAN 16:3

Dá natua in nobaḻí, ki Sarai in nogamá kon i Hagar bo inogoi kon i Abram sin baḻíonnea buḷoi. Dodai intua ki Abram aindon mopuḷú notaong kon Kanaan.

KINOBAḺIAN 25:7

Ki Abraham in minatoi kon tungkuḷ in sia nogoguyangdon totok in umurnea, sin mogatutdon bo pitu nopuḷú boḻima notaong.

KINOBAḺIAN 28:10

Ki Yakub nonaḷámai kon Bersyeba bo minayá in Haran.

OUMAN IN RASUL MITA 7:4

Dá iḷumuaidon in sia nongkon ḻipú intau in Kasdim bo nogutun kon Haran. Bo naonda in minatoidon in ki amánea, pinoki pomampingan i Allah in sia nongkon butá tatua bo minayá in butá inta pinogutunan monimu masai naa.

IBRANI 11:8

Popisí in mopirisaya, dá ki Abraham in dinumudui kon i Allah wakutu inoiní i Allah bo pinotabá minayá in butá inta pinodandi i Allah ogoi kon inia. Ki Abraham in minayábí doman umpaka diápa kinotaauannea mongo kon onda in bayáan.

IBRANI 6:15

Nosabar in ki Abraham in nogoḷat kon dandi tatua, sahingga nouḻínea in onu inta pinodandi tatua i Allah.