KINOBAḺIAN 12:2 - Alkitab Singog In Mongondow Masa In Tanaa

² Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 12:2 Iomraidhean Croise

KINOBAḺIAN 13:16

Akuoi in mobogoi kon inimu in buí inta totok in mobarong, dapot in diádon tobatúmai intau in mokoiap kon i monia. Ná doman ḷobud inta diá koiapan in intau, yo ná doman tua in buímu mita diá doman koiapan in intau.

KINOBAḺIAN 15:5

Ki Tuhan in nodia kon i Abram iḻumuai bodongka noguman kon inia, “Ḷangagka kon ḷangit, bo tungkuḷaika iyap in tundi mita; yo buímu in kobayongnea naonda bo tundi mita tatua.”

KINOBAḺIAN 17:20

Táe duduian-Ku doman in oigummu soaḷ ki Ismael. Tuamai sia in barakatan-Ku bo ogoian-Ku in buí inta mobarong. Sia in mobaḻíbí doman mogoguyang in mopoḷú bodoyowá doman itoi in suku, bo buínea in baḻíon-Ku doman tobatú bangusa inta moḷoben.

KINOBAḺIAN 18:18

Diá bo diá buínea in mobaḻíbí bangusa inta moḷoben bo mongawasa? Sin pongin inia, bayongan in bangusa kon dunia naa in barakatan-Ku?

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

KINOBAḺIAN 19:29

Natuata, tungkuḷ in ki Allah nomokak kon kotá mita tatua bo ḷopá inta pinogutunan i Lot, kinotoropan i Allah in ki Abraham bo sinuḷungan-Nea in ki Lot noḷagui.

KINOBAḺIAN 24:1

Ki Abraham nogoguyangdon totok, bo totok doman binarakatan i Tuhan in sia onukadon in inaidannea.

KINOBAḺIAN 24:35

Ki Tuhan in nomarakat totok kon i tuangku tua bo binaḻí-Nea nooyúon totok. Ki Tuhan ain nobogoi kon inia in paanan in domba, bembé, sapi, unta, keledai, bo saḷaka doman, buḷawan, takin doman bobantung ḷoḷaki bo bobay.

KINOBAḺIAN 25:11

Naonda in ki Abraham minatoi, ki Allah nomarakat kon i Ishak, ki adí i Abraham. Kon tungkuḷ intua ki Ishak nogutun kon diug in parigí inta sinangoian “Sia inta nonarukira kon inakó.”

KINOBAḺIAN 26:3

Akuoi in moḷukadbí bo momarakat kon inimu. Komintan butá tanaa in ogoi-Kubí kon inimu bo kon buímu. Intompodan-Kubí in dandi-Ku inta ain pinoguman-Ku kon i Abraham ki amámu.

KINOBAḺIAN 26:4

Akuoi in mobogoibí kon inimu in adí bo ompu inta kobayongnea in naonda bo tundi kon ḷangit, bo butá mita kon naa daiton-Kubí ogoi kon i monia. Bayongan in bangusa kon dunia naa in mopoigumbí kon i-Nakó sinbá Akuoi momarakat kon i monia naonda Akuoi ain nomarakat kon buímu.

KINOBAḺIAN 27:29

Poigumon mako bangusa mita in mobaḻí bobantungmu, bo suku mita in bangusa tumungkud kon tayowonmu. Poigumon mako iko in mongawasa kon bayongan ginaḷum motoḷuadímu, bo buí i inámu in tumungkud kon tayowonmu. Poigumon mako katuḷaan in intau mita inta mogodi-godimai kon inimu bo barakatan in intau mita inta momarakat kon inimu.”

KINOBAḺIAN 28:14

Buímu in nádon kobarong in ḷobud kon butá. Mosia in moginḷoben kon butá monia kon bayongan tampat, bo pongin inimu bo buímu, Akuoi in momarakat kon bayongan bangusa kon dunia.

KINOBAḺIAN 35:11

Bo ki Allah in noguman doman, “Akuoibí naa in ki Allah Inta Totok in Mokawasa. Pononggadí bo pononggompudon inta kobarongon! Nongkon inimu momukádon in bangusa mita bo mobaḻí mogoguyang in datu mita.

KINOBAḺIAN 46:3

“Akuoi ki Allah, inta sinumba i amámu,” guman-Nea. “Dika moondok in mayá kon Mesir. Baḻíon-Ku in buímu bangusa inta moḷoben kon tua.

SAMUEL 2 7:9

Sinakinan-Ku in iko kon ondakabí in binayáanmu, bo bayongan in musungmu aindon sinoko yompat-Ku kon dodai in iko noparang. Iko in baḻíon-Kudon ponango-nangoian ná itoi mita inta totok in moḷoben kon dunia.

DATU MITA IMITÁNEA 1:47

Nodapot in bayongan porwira i datu ain minayá nopoyaput in tosingogon saḷamat kon i Datu Daud. Mosia in noguman, ‘Igumon mako ki Allah i tuang Datu in mopobaḻí kon i Salomo mobaḻí ponango-nangoian moiḻiu kon i tuang datu; igumon mako pomarentaan i Salomo in mopia-pia nongkon pomarentaan i tuang Datu.’ Onda intua kon tosiugannea, ki Datu Daud sinumungkud nosumba kon i Allah,

AYUB 35:8

Tongábí tumpaḷa intau in pinorugi in dosamu mita. Sia doman in mountung sin aidmu mopia.

MAZMUR 107:38

Ki Tuhan in nobogoi in adí mobayong kon i monia, bo bobiagon monia in umuran momuí.

IḶUAIAN 1:7

Táe buí monia, inta intau mita Israel, in nononggadí bo nononggompu mobarong totok, bo motoyong totok in kinododugang monia, dá butá in Mesir notoimpaḷotdon kon i monia.

IḶUAIAN 32:10

Donaai monungkuḷ moḷamboi kon i-Nakó. Tumorú in Akuoi kon i monia bo yopúon-Ku in mosia. Táe iko takin buímu in baḻíon-Ku bangusa moḷoben tobatú.”

YESAYA 51:2

Toropdon in mogoguyangmu ki Abraham bo ki Sara inta nopononggadí kon i monimu; kon tungkuḷ in Akuoi nogoiní kon i Abraham, Sia in diá kogadí; bo binarakatan-Ku in sia bo inogoian-Ku in buí inta mobayong.

YEHEZKIEL 34:26

Barakatan-Kudon in mosia bo ogoi-Ku in mosia mogutun kon diug in tombuḷud-Ku inta motusi. Mosia in ogoian-Ku in uyan aka moibog in mosia.

MIKHA 7:20

Kon umat-Mu, buí i Abraham bo i Yakub, poontong-Mubí in kososatia-Mu bo tabi-Mu inta diá in obotnea tua ná inta pinodandi-Mu kon mogoguyang nami dungkuḷmai.

ZAKHARIA 8:13

Ei intau in Yohuda bo Israel! Kon tungkuḷ intua, aka intau ango-angoi mosikutukandon, yo mosia in moguman, ‘Igumon mako bodito inta noiuma kon Yohuda bo israel in moiuma doman kon inimu!’ Táe Akuoi in moposaḷamatbí kon i monimu, dá intau mita ango-angoi tatua in mosigumanan, ‘Igumon mako barakat inta moiponag kon Yohuda bo Israel, moiponag doman kon inimu!’ Tuamai in koropotdon in ginamu bo dika moondok!”

PINOGIAPAN 14:12

Putúan-Ku in mosia takin mopouma in takit inta dumodakit. Táe iko in baḻíon-Ku guyanga ḷoḷaki nongkon bangusa tobatú inta moḷobe-ḷoben bo moropo-ropot nongkon i monia!”

PINOGIAPAN 22:12

Guman i Allah kon i Bileam, “Dika mayá takin intau mita tatua, bo dika mongutuk kon bangusa tatua, sin mosia ain binarakatan-Ku.”

PINOGIAPAN 23:20

Akuoi in pinotabá momarakat; bo aka ki Allah in momarakat, yo diábí in motaau indoianku bui.

SURAT I PAULUS KON JAMAAT RUM 4:11

Sia in sinunat bambí noiduduimai, tongá sunatnea tatua in tongábí saḷaku tanda kon sia ain sinarima i Allah saḷaku intau inta mokosanang kon gina-Nea, popisí in mopirisaya kon i Allah. Sia in sinarima i Allah kon wakutu in diápa dinumudui kon atorang in sunat tatua. Bo ki Abraham in nobaḻí guyanga in bayongan intau inta mopirisaya kon i Allah, bo popisí intua, dá sia sinarimadon i Allah saḷaku intau inta mokosanang kon gina-Nea, umpakabí mosia in diá sinunat.

GALATIA 3:14

Tua komintan inaidan i Kristus Yesus sinbá barakat inta pinodandi i Allah kon i Abraham ogoi doman kon intau mita inta deeman Yahudi. Natua in pinogogaid-Nea, sahingga kita inta mopirisaya kon i Allah, motaau motarima kon Roho inta pinodandi i Allah.

GALATIA 3:7

Yo bá kotaauan monimu kon intau inta totu-totuu mopirisaya kon i Allah, yo mosia tua in buí i Abraham.

ULANGAN 26:5

Onda intua kon tayowon i Tuhan Allahmu, musti in iko mopoyaput in tosingogon mita tanaa: ‘O Tuhan, mogoguyangku naa intau in Aram inta nodondaḷoi. Sia nodia kon koluarganea minayá in Mesir bo nogutun kon tua nobaḻí mokokiangoi. Kon tungkuḷ in minayá intua mosia tongá topiḻik, táe mosia in nobaḻí bangusa inta moḷoben bo moropot.