KINOBAḺIAN 12:18 - Alkitab Singog In Mongondow Masa In Tanaa

¹⁸ Bo ki datu in nogoiní kon i Abram bo noḻibó kon inia, “Onudon in pinomiamu kon inakó naa? Nongonu sin diábí pinogumanmu kon sia naa in ki buḷoimu?

KINOBAḺIAN 12:18 Iomraidhean Croise

KINOBAḺIAN 12:19

Nongonu sin pinogumanmubí kon sia tua in ki ai-aimu bo pinomayámu doman mako sia ginamáku mobaḻí ki buḷoiku? Naa in sia, ki buḷoimu; gamádon bo bayádon!”

KINOBAḺIAN 20:3

Kon doḷom tobatú ki Allah nokipogontong kon i datu tatua kon bonu in togoindop, bo noguman, “Iko in matoi, popisí in ginamámudon in bobay tatua; sin sia ain bidon kobuḷoi.”

KINOBAḺIAN 29:25

Bain nobangon monik bo kinotaauannea kon ki Leabí in pinobuḷoinea. Bo minayádon in ki Yakub kon tayowon i Laban bo noguman, “Nongonu sin pomiaanmubí nanaa in akuoi? Akuoi in nogaid sinbá motaau motonibuḷoi i Rahel? Nongonu sin inuboḷanmubí in akuoi?”

KINOBAḺIAN 3:13

Ki Tuhan Allah in noḻibó kon bobay tatua, “Nongonu sin inaidanmubí intua?” Tubagnea, “Akuoi inuboḷan in uḷag tatua, sahingga in kinaanku bungai in kayu tatua.”

KINOBAḺIAN 31:26

Nopaḷut mako kon tua ki Laban noguman kon i Yakub, “Nongonu sin iko in monguboḷbí kon inakó bo nodia noḷagui kon i adíku mita, nádon onda bo mosia tua intau mita inta dinakop kon parang?

KINOBAḺIAN 4:10

Bo ki Tuhan in noguman, “Nongonu sin iko in nogaidbí kon soaḷ inta mokoondok natua? Dugú i ai-aimu in nokuani kon Inakó nongkon butá, naonda bo singog inta nomaḷú mokituḻí.

KINOBAḺIAN 44:15

Dá nosingogdon in ki Yusup, “Onu in pinomia monimu tanion? Diábí kinotaauan monimu degá kon intau ná akuoi naa monotaaubí kon oaidmu inta moraat takin sinotaauku?”

SAMUEL 2 3:24

Bo namangoidon in ki Yoab kon tayowon i datu bo noguman, “Naondabí in aid i Tuang Datu tua? Ki Abner ain namangoi kon tayowon i Tuang datu. Nongonu sin inogoibí i Tuang minayá mako natua in sia?

IḶUAIAN 32:21

Sia in noguman kon i Harun, “Onudon in inaidan monia kon inimu nodapot in pinomayámudon mako in mosia nogaid kon dosa moḷoben tatua?”

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

YOSUA 7:19

Ki Yosua noguman kon i Akhan, “Adíku, pongakudon bo pogumandon kosilang kon naa kon tayowon i Tuhan, Allah in Israel, onu inta ain inaidanmu. Potaaudon kon inakó, dikadon bunion.”

HAKIM MITA 2:2

Tuamai moiko in diá bidon motaau in mogaid kon dodandian ibanea takin intau mita inta nogutun kon butá tanaa. Mezbah mita monia in mustibí toko umpagon monimu.’ Táe diábí inaidan monimu in onu inta ain pinoki aid-Ku tatua. Tongábí inta diá pinoki aid-Ku in inaidan monimu!

SAMUEL 1 14:43

Bo ki Saul in noguman kon i Yonatan, “Onu in inaidanmu?” Ki Yonatan notubag, “Akuoi in nokaandon kon biluk topiḻik inta kinuilku in tungkudku; diábí nongonu aka matoi in akuoi.”