KINOBAḺIAN 12:15 - Alkitab Singog In Mongondow Masa In Tanaa

¹⁵ Tongonumai in pogawai komaḻig in nokoontong kon inia bo poḷat minayá nopotaau kon i datu kon totuubí moḷunat in bobay tatua; tuamai sia dinia kon komaḻig i datu.

KINOBAḺIAN 12:15 Iomraidhean Croise

KINOBAḺIAN 12:14

Bo noitotuu, naonda in ki Abram minayádon nongin sigad in butá tatua bo nodapotdon kon butá in Mesir, intau mita nokoontong kon ki Sarai totokbí in moḷunat.

KINOBAḺIAN 20:2

sia in noguman kon ki Sara ki buḷoinea tua in ki ai-ainea. Tuamai ki Datu Abimelek inta nongkon Gerar nopotabá in totabánea sin modia mangoi kon i Sara poangoi kon inia.

KINOBAḺIAN 26:7

Naonda in intau mita kon tua noḻibó mongo ki ine in ki Ribka, ki Ishak noguman kon ki Ribka tua in ki ai-aineabí, deemanbí ki buḷoinea. Sin ki Ishak in moondok dika-dikabo intau mita kon tua moḻimod kon inia bo mogamá kon i Ribka inta moḷunat totok tatua.

KINOBAḺIAN 40:2

Dá sinumorúdon in ki datu kon bobantungnea doyowa tatua,

KINOBAḺIAN 41:1

Naonda in doyowadon notaong noiduduimai, ki datu in Mesir sinumogoindop, kon sia sinimindog mako kon bingkí in Ongkag Nil.

DATU MITA IMITÁNEA 3:1

Ki Datu Salomo nobuḷoi kon i adí bobay i datu in Mesir. Ki adí bobay i datu in Mesir tatua in dinia i Salomo minayá in kotá i Daud bo nogutun kon tua nodapot in sia nopaḷut noposindog in komaḻig in datu bo baḷoi i Tuhan takin benteng in Yerusalem.

DATU MITA 2 18:21

Totuubí kon iko nion in mogoḷatbí mako kon totuḷung in Mesir, táe tua in notongkaibí in ná noponungkud in pangkoi in padang; dika-dika moputoḷ in tungkud tatua bo moiturak in ḻimamu. Natuata in dodia in datu in Mesir kon bayongan intau inta mogoḷat mako kon totuḷungnea.’ ”

MAZMUR 105:4

Poigumdon kon ropot nongkon i-Nia, umurandon sumba in Sia.

IḶUAIAN 2:15

Onda in dinongogdon i datu onu in nobaḻí tua, sia notayakdon kon naonda in poḷoḻimod kon i Musa. Táe ki Musa in noḷagui bo minayá nogutun kon butá in Midian. Imang nongkon Midian, inta tangoinea ki Yitro, kogadí kon bobay taya pitu. Kon singgai tobatú, ki Musa ḻimitú mako kon diug in parigí tobatú, namangoidon in ki adí bobay i Yitro taya pitu tua sin monangkob bo momonu kon tampat pongonginuman in paanan in bembé bo domba i amá monia.

IḶUAIAN 2:5

Kon dodai intua namangoidon in ki adí bobay i datu. Noponag in sia kon ongkag tatua sin moinggú, táe atanea mita in nodondaḷoi kon bingkí in ongkag. Bo daḻíbí in ki adí bobay i datu tatua nokoontong kon karansi tatua kon yua-yuak in utó, bo nopotabá in sia kon atanea bobay tobatú minayá nogamá kon karansi tatua.

AMSAL 29:12

Aka mongongawasa mokidongog kon habar uboḷ, pogawainea in mobaḻíbí moraat komintan.

AMSAL 6:29

Tua in notongkaibí in mosiug takin buḷoi in intau ibanea. Ki ine in mogaid kon tua diábí kotaḻiban in hukuman.

YEREMIA 25:19

Naa in tangoi mita in intau ibanea inta musti monginum nongkon galas in anggur i Tuhan tua: datu in Mesir takin pogawai bo pojabatnea mita; bayongan in intau in Mesir bo intau ango-angoi kon Mesir; bayongan datu kon butá in Us; bayongan datu in kotá mita in Pilistin kon Askelon, Gaza, Ekron; bayongan in intau inta nobiagpa kon Asdod, bayongan intau in Edom, Moab bo Amon; bayongan in datu kon Tirus bo Sidon; bayongan in datu kon bingkí in Dagat Toyuak; kotá mita in Dedan, Tema, bo Bus; bayongan in intau inta nokigonsing kinopoḷok in buoknea; bayongan in datu in Arab; bayongan in datu in suku mita noyobauk inta nogutun kon padang gurun; bayongan in datu kon Zimri, Elam, bo Madai; bayongan in datu kon utuan, noyayú bo nodiug, kon batúannea. Bayongan in bangusa kon sinangkub in dunia musti monginum kon anggur tatua. Bo intau pangabisan inta musti monginum kon anggur tatua in ki datu in Babel.

YEREMIA 46:17

Tontangoiaidon in tangoi mobagu in ki datu in Mesir. ‘Ki inta motontamá inta nonaḷámai kon kasampatan.’

YEHEZKIEL 32:2

“Ei intau ilo-ilow, potoingatdon totok kon i datu in Mesir. Potaau in koyow-Ku tanaa kon inia, ‘Iko in tumon naonda bo singa batánea kon sigad in bangusa mita, táe iko in naonda bo bangkeḻé inta mogutun mako kon tubig. Sioḷmu in mokoḷobog bo mokokotor kon bayongan in ongkag.

IBRANI 13:4

Mustibí untuon mako in mangaḻe in tonibuḷoi, tuamai doyowa motonibuḷoi musti mososatiaan tobatú bo tobatú. Sin intau inta mogaid kon mokotor bo inta mononuaḻing in adilonbí i Allah.