KINOBAḺIAN 11:4 - Alkitab Singog In Mongondow Masa In Tanaa

⁴ Guman monia, “Koḻigai in kita moposindog in kotá takin tobatú ḷangkeang inta ḻimonikannea modapot kon ḷangit, sinbá kita kotaauandon in bayongan dunia naa bo kita diá domandon moirarit kon dunia naa.”

KINOBAḺIAN 11:4 Iomraidhean Croise

KINOBAḺIAN 6:4

Kon zaman intua, bo kon noiduduimai kon tua, oyúon in intau mita inta mongo itoi bo mongoḷoben kon dunia naa. Mosia tua in buí in bobay mita inta notonibuḷoi takin i adí mita i allah. Intau mita inta moitoi bo moḷoben tua in mongoroton bo ponango-nangoian kon tungkuḷ intua.

SAMUEL 2 8:13

Tangoi i Daud nodungangdon ponango-nangoian kon dodai in sia nobui naonda in noḻimod kon 18.000 in intau in Edom kon Ḷopá in Asin.

MAZMUR 107:26

Kapaḷ mita noibingkat noḷantud kon toḷungayá, bo pinogambat kon apad in dagat. Intau mita in kinobuḻiandon in barani in tumayow kon anib moḷoben tatua.

MAZMUR 92:9

sin Iko, Tuhan, in mongawasa modapot in mononoi.

AMSAL 10:7

Monanob kon intau mopia in mobaḻíbí barakat, táe intau moraat in baḷúdon koḻiongan.

YEREMIA 51:53

Umpakabí Babel mokotakod kon ḷangit bo moposindog in tampat poḷoḷukadan inta diá kodapotan, Akuoi in tantúbí mopotabá kon intau sin momoguyaat kon tua. Akuoi, ki Tuhan, in nosingog.”

DANIEL 4:11

Pangkoi in kayu tatua noḷantud totok; pangkoinea in moḷoben bo moropot. Ḷuntungnea in nodapot in ḷangit, dá koontonganbí in bayongan in intau kon sinangkub in dunia naa.

DANIEL 4:22

Oo, Tuangku, ki Tuangkubí in pangkoi in kayu inta moḷantud bo moropot tatua. Koḷoḷoben i Tuangku modugang modapot in ḷangit bo kawasa i Tuangku in moiyoyanú modapot kon popod in dunia.

DANIEL 4:27

Tuamai in aka motaau dá ki Tuangku in dumuduipa kon tonggina in bobantung naa. Dikadon in ki Tuangku mogaid kon dosa, táe aidaidon in onu inta mopia bo moadil, bo kotabidon in intau nobiag nobogá. Takin natua ki Tuangku in umuranbí mobiag mopia-pia mako.”

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

LUKAS 1:51

Takin kawasa-Nea inta totok in moropot, Sia in mopoyayit in bayongan intau inta mododia, bo momoguyaat kon tomayá mita monia.

YOHANES 5:44

Naondabí in kopopirisaya monimu aka moiko tongábí motayak kompé dayowon in intau ibanea, diábí moramuji sinbá dayowon i Allah inta totobatú tua?

ULANGAN 1:28

Dá onubí in mangaḻenea in bayáan naton intua? Intau mita inta pinotabá naton minayá intua nopogogondok doman kon i naton takin noguman kon bangusa tatua in moropo-ropot bo motori-torindog nongkon i naton, bo mosia in nogutun doman kon kotá mita inta tondoknea ná koḷantud in ḷangit. Mosia noguman doman kon nokoontong kon tuyá kon tua!’

ULANGAN 4:27

Poyayitonbí i Tuhan in moiko kon sigad in bangusa mita ibanea bo tongádon topiḻik in mobiag in kon sigad monimu.

ULANGAN 9:1

“Indongogai Utat mita! Singgai naa moiko ḷumoḷandon kon Ongkag in Yordan sin mayá ḻimitú kon butá in bangusa mita inta moḷobe-ḷoben bo moropo-ropot nongkon i monimu. Kotá mita monia mongoḷoben bo dininding nodapot in ḷangit.