KINOBAḺIAN 11:3 - Alkitab Singog In Mongondow Masa In Tanaa

³ Mosia in nosigumanan tobatú bo tobatú, nanaa: “Igai, kita in mogaid kon tela bo tubáan naton dapot in motogat.” Natuata in mosia nogaid kon tela inta motaau pakéon kon bangunan, bo aspal in pakéon monia pongompit.

KINOBAḺIAN 11:3 Iomraidhean Croise

KINOBAḺIAN 11:4

Guman monia, “Koḻigai in kita moposindog in kotá takin tobatú ḷangkeang inta ḻimonikannea modapot kon ḷangit, sinbá kita kotaauandon in bayongan dunia naa bo kita diá domandon moirarit kon dunia naa.”

KINOBAḺIAN 11:7

Maníka kita in momangoi bo mopotombauk in bahasa monia sinbá diádon mosia mosimangaḻean kon singog in tobatú bo tobatú.”

KINOBAḺIAN 14:10

Ḷopá tatua nopuḻing in parigí aspal, bo naonda in datu mita nongkon Sodom bo Gomora noramuji noḷagui nongkon parang, mosia in noḷabú kon bonu in parigí mita tatua. Toḷu in datu ibanea nosaḷamat bo noḷagui nopobayá in buḷud.

SAMUEL 2 12:31

Koḻikud intua intau mita inta nogutun kon tua dinia, bo pinoki diaan in garagaji, pasoḷ uatoi, bo boḻiung uatoi bo mosia in pinoki aidan kon tampat pogogaidan kon tela. Soaḷ tatua pinomianea doman kon intau mita inta nogutun kon kotá mita in Amon ibanea. Nopaḷut mako kon tua ki Daud takin tontaranea mita nobuidon kon Yerusalem.

MAZMUR 64:5

Nongkon pinogadopannea mosia in mopoyaput in ouman mita uboḷ, diábí in ondok monia moponapud in uboḷ kon intau inta diá kotaḷá.

IḶUAIAN 1:14

bo kobobiag intau Israel pinosagedon totok monia. Mosia in pinakisa totok mogaid kon oaidan mita moposindog in bangunan bo mogaid doman kon gobá mita takin diádon in totabi monia.

IḶUAIAN 2:3

Táe adí mointok tatua diábí motaau in umurannea bunion mako. Dá ki iná in adí tatua in nogamá kon karansi bo inaipannea in bonok poḷat inaipan doman in aspal sinbá diá tuotan in tubig. Adí mointok tatua pinopouḻidnea kon bonu in karansi tatua, bodongka dinianea kon Ongkag in Nil bo inukatnea kon yua-yuak in ḷontad in utó inta kon bingkí in ongkag tatua.

AMSAL 1:11

Aka mosia in moguman, “Koḻigai, kita motayak kon intau bo ḻibutan naton bongkugon. Tongábí yambá, dá koḻigai in kita momongkug kon intau inta diá kotaḷá.

MOHOHUTUBA 2:1

Sinimpodkudon kon tongádon moposanang in gina sinbá monotaaudon kon onu in kopiaan. Táe noniata magí diábí doman in mangaḻe intua.

YESAYA 5:5

Nanaa in aidan-Ku kon gobá in anggur-Ku tatua: Tondok inta pinoḻibu in rabuton-Ku, dinding inta pinogoḻingoi kon inia in umpagon-Ku, bo pinomayá-Ku mako in mahaḷuk moraat momoguyaat bo moritak-ritak mako kon inia.

YESAYA 65:3

Mosia in umuranbí mopobaḻí kon i-Nakó tumorú popisí in moposumba kon sosumba kon gobá mita sin ogoi kon dewa mita bo motubá kon kamania kon mezbahnea mita.

YESAYA 9:10

Ki Tuhan ain nopotabá kon musung monia sin monayow kon i monia.

NAHUM 3:14

Ponangkobdon kon tubig mobaḻí tongkaaḷmu kon dodai in iko kopungon, bo irigonaidon in bentengmu mita! Ritakaidon in yoná sin aidan tela, bo sadiadon in dodoyonannea!

IBRANI 10:24

Bo kita in mustibí mosiindoian, sinbá umuran motaau mosiponoropan kon bá motabi kon tumpaḷa intau bo momia doman kon soaḷ mita inta mopia.

IBRANI 3:13

Manangka intua bá diá tobatúmai in kon sigad monimu in kotombodokan in aid inta moraat bo moḷawangdon kon i Allah, dá umurandon positongginaan in moiko pomuḷoi in singgai wakutu in tumpaḷapa nobiag kon masa inta sinangoian kon Buk Motusi “Singgai in Naa”.

YAKOBUS 4:13

Utat mita inta nosingog: “Singgai naa ande ikoḷom kami in mayá in kotá i Kuon bo mogutun kon tua totaong in koonggotnea sin modagang bo motayak kon doit,” – indongogai in tongginaku tanaa.

YAKOBUS 5:1

Utat mita, intau inta nobiag nooyúon! Indongogaidon in tongginaku naa. Moiko in musti mongombaḷ bo mogamui sin moiko in koantuganbí in roriga!