KINOBAḺIAN 11:27 - Alkitab Singog In Mongondow Masa In Tanaa

²⁷ Naadon buí i Terah: Ki Terah ki amá i Abram, i Nahor bo i Haran. Ki Haran in kogadí kon adí ḷoḷaki, tangoinea in ki Lot.

KINOBAḺIAN 11:27 Iomraidhean Croise

KINOBAḺIAN 11:31

Ki Terah in nonaḷámai kon kotá in Ur kon Babilonia noyotakin i Abram ki adínea, bo ki Lot ki ompunea, bo ki Sarai mototakanea bobay. Makusudnea mayá in butá in Kanaan. Táe naonda noyaputmai kon Haran, mosia nogutun notantú kon tua.

KINOBAḺIAN 12:4

Ki Abram in umur pitu nopuḷú boḻima notaong kon tungkuḷ in sia nonaḷámai kon Haran, sin dinumudui kon parenta i Tuhan kon inia. Ki Abram nobuat bo nopobayá in butá in Kanaan noyotakin i Sarai ki Buḷoinea, bo ki Lot pokuadíonnea, takin bayongan in kapunyaannea bo bobantungnea mita inta nouḻí monia kon Haran. Naonda in mosia nodapot kon Kanaan.

KINOBAḺIAN 14:12

Ki Lot pokuadíon i Abram in nogutun doman kon Sodom, tuamai sia in noitakin doman dinia in musung takin bayongan kapunyaannea.

KINOBAḺIAN 22:20

Ki Abraham koguya-guyang kon ḷoḷaki inta tangoinea in ki Nahor. Naonda in onu inta nobaḻí kon Buḷud in Moria tatua, ki Abraham in nokodongog kon ki Milka, ki buḷoi i Nahor aindon waḷu in ki adínea ḷoḷaki, naa in tangoi monia:

YOSUA 24:2

Onda intua ki Yosua noguman kon i monia komintan, “Indongogaipa onu inta pinoguman i Tuhan, Allah Israel kon inimu, ‘Tungkuḷ intua mogoguyangmu nogutun kon ḷoḷan in Ongkag in Eprat, bo nosumba kon dewa mita. Tobatú kon sigad monia tua tangoinea in ki Terah, ki amá i Abraham bo i Nahor.

PETRUS 2 2:7

Táe ki Lot in pinosaḷamat sin sia in dinumudui kon singog i Allah; mororiga totok in ginanea sin umuran mokoontong kon aid mita mokotor inta pinomia in intau mita inta moromú.