KINOBAḺIAN 10:6 - Alkitab Singog In Mongondow Masa In Tanaa

⁶ Ki Adí mita i Ham in ki Kus, Mesir, Libia bo Kanaan.

KINOBAḺIAN 10:6 Iomraidhean Croise

KINOBAḺIAN 10:5

Mosia tua in nobaḻí mogoguyang in bangusa mita inta nogutun kon bingkí mita in dagat bo inta kon ḻibuton mita. Tuata in bayongan buí i Yapet. Pomuḷoi in bangusa bo suku in nogutun kon butá monia tontaní, bo mosia komintanbí oyúon in bahasa tontaní.

KINOBAḺIAN 2:13

Tubig nogindua tangoinea in Gihon; tubignea in moiḻig noiḻibu kon butá in Kus.

KINOBAḺIAN 5:32

Naonda in ki Nuh umurdon ḻima nogatut notaong, sia in nokouḻí kon adí ḷoḷaki toḷu, tangoi monia ki Sem, ki Yapet bo ki Ham.

KINOBAḺIAN 9:18

Ki adí mita i Nuh inta iḻumuai nongkon uangga moḷoben tatua in ki Sem, ki Yapet bo ki Ham. (Ki Ham naa ki amá in Kanaan.)

KINOBAḺIAN 9:22

Naonda in ki Ham, inta ki amá in Kanaan, nokoontong kon ki amánea nomilang, sia in iḻumuai bo nopotaau intua kon i utatnea doyowa.

MAZMUR 105:23

Bo ki Yakub in minayá in Mesir bo nogutun notantú kon tua saḷaku intau ango-angoi.

MAZMUR 105:27

Kon Mesir mosia in nogaid kon inta mokoherang mita, aid mita moḷoben nongkon i Tuhan,

MAZMUR 106:22

Totuu motoyang in aid-Nea mita kon butá tatua, mokotongaw onu in inaidan-Nea kon Dagat in Gelagah.

MAZMUR 78:51

Sia in noḻimod kon adí mita guya-guyang kon batúan in motoḷuadí in Mesir.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YEREMIA 46:9

Poribatukdon, ei kabaḷo! Bayádon, ei kereta! Unadon, ei intau mita mongobarani inta nodia kon kaḻeaw nongkon Sudan bo Libia. Bo moiko doman, ei inta mongotoyang momiot nongkon butá in Lidia.’ ”

YEHEZKIEL 27:10

Tontara mita nongkon Persia, Lidia bo Libia in tumuot mobaḻí tontaramu. Mosia in motadang kon kaḻeaw bo sapoyo uwaja monia kon dinding mita in kotámu. Mosia in noduḷudon nonaḷow kon musung mita bo nokodugang kon koḷoḷantud in tangoimu.

YEHEZKIEL 38:5

Datu in sinakinan in tontara mita nongkon Persia, Sudan bo Libia, kon batúannea in nodia kon kedang bo sapoyo uwaja.