KINOBAḺIAN 10:5 - Alkitab Singog In Mongondow Masa In Tanaa

⁵ Mosia tua in nobaḻí mogoguyang in bangusa mita inta nogutun kon bingkí mita in dagat bo inta kon ḻibuton mita. Tuata in bayongan buí i Yapet. Pomuḷoi in bangusa bo suku in nogutun kon butá monia tontaní, bo mosia komintanbí oyúon in bahasa tontaní.

KINOBAḺIAN 10:5 Iomraidhean Croise

KINOBAḺIAN 10:20

Tuata in bayongan buí i Ham. Pomuḷoi in bangusa bo sukunea nogutun kon butánea tontaní bo momaké doman in bahasanea tontaní.

KINOBAḺIAN 10:25

Ki Eber kogadí kon adí ḷoḷaki doyowa; inta guya-guyang tangoinea in ki Peleg, sin kon zamannea bangusa mita kon dunia nosila-silai; inta induanea tangoinea in ki Yoktan.

KINOBAḺIAN 10:32

Tua mita in buí i Nuh, bangusa bo bangusa podudui kon buínea-buínea. Mosia tuata inta pinomuían in bangusa mita kon dunia naa naonda in nopaḷut mako in ḷunud moḷoben tatua.

KINOBAḺIAN 10:4

Buí i Yawan in intau mita inta nogutun kon butá in Elisa, Spanyol, Siprus bo kon Rodes.

KINOBAḺIAN 10:6

Ki Adí mita i Ham in ki Kus, Mesir, Libia bo Kanaan.

KINOBAḺIAN 9:19

Ki adí i Nuh toḷu tatua nobaḻí mogoguyang in bayongan intau kon dunia naa.

ESTER 10:1

Ki Datu Ahasyweros in nomakisa kon intau mita mogaid, deemanbí tongá kon rayat inta nogutun kon bingkí in pintad inta kon bonu in dodatuan nea, táe kon butábí doman mita inta nongoyayú kon pintad.

MAZMUR 72:10

Datu mita in Tarsis bo ḻibuton mita in modiabí kon sosumba kon inia. Datu mita in Arab bo in Etiopia in mamangoi modia kon iba.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YESAYA 24:15

bo intau mita kon dotá in toyopan in modayowbí kon i-Nia. Intau mita inta kon bingkí in dagat in mopoḷantudbí kon i Tuhan Allah in Israel.

YESAYA 40:15

Kon i Tuhan in bangusa mita in naonda bo tubig tongo totuyú kon bonu in totayuk, naonda bo ḷobud tougat kon pononimbangan; ḻibuton mita notongkai in kogaannea in ḷobud moaḷus.

YESAYA 41:5

Intau kon butá moyayú in mokoontong kon onu inta ain inaidan-Ku Moitaḻikokog in mosia bo mourot sin moondok, bo mosipun moyotakin bo mamangoi.

YESAYA 42:10

Podondong in dondong mobagu kon i Tuhan, dayowdon in Sia ei sinangkub in dunia! Ponggonugurdon, ei dagat bo bayongan in tombonunea, ḻipú mita inta moyayú bo bayongan in intau inta nogutun kon tua!

YESAYA 42:4

Diá in gagawang andeka kobuḻian in kamang, modapot in inta moadil in posindogon kon dunia. Ḻipú mita inta moyayú mokotanob kon totundúnea.”

YESAYA 49:1

Indongogaidon in Akuoi, ei butá mita inta moyayú tondudut kopira in tosingogonku mita. Ki Tuhan in nogoiní kon inakó kon dodai in Akuoi diápa pinononggadí, Sia in nomiḻídon kon inakó pinangkoipamai kon akuoi in bonupa in sian.

YESAYA 51:5

Kasaḷamatan inta ogoi-Ku in nodiugdon; wakutu kountungan-Ku motoyongdon moiangoi. Akuoi tontaní in momarenta kon bangusa mita. Butá mita inta moyayú mogoḷat mako kon i-Nakó bo moharap mako kon oaidan-Ku inta motorindog.

YESAYA 59:18

Sia in motuḻí kon musung-Nea mita podudui in aid monia. Nodapot in bangusa mita kon ḻibuton mita inta moyayú in diábí kotaḻiban in hukuman-Nea.

YESAYA 60:9

Tuata in kapaḷ mita inta namangoi sinumubu nodia kon umat i Allah nobui nongkon butá moyayú. Saḷaka bo buḷawan dinianea noyotakin sin modayow kon i Tuhan Allahmu; kon i Allah in Israel Inta Totok in motusi, inta nomaḻí kon umat-Nea ihoromat.

YEREMIA 2:10

Bayádon pongin bingkí in dagat in Siprus kon dotá in toyopan, potabádon in intau mayá in dotá in utuan kon butá in intau in Kedar, taridiaidon kon tua kotaridion, mongo nokoimontandon in nobaḻí in natua?

YEHEZKIEL 26:15

Ki Tuhan Inta Totok in moḷantud ain noguman kon kotá in Tirus, “Intau inta nogutun kon pintad in mourotbí in ondok aka mokodongog kon karak kinotaḷowanmu bo kurik in intau inta totadonmai.

YEHEZKIEL 26:18

Tanaa, kon singgai iko sinaḷow, intau mita inta nogutun kon ḻibuton mita mourot mako. Noitaḻikokog in mosia komintan in nokoontong kon kinorimumudanmu inta diádon kinoraian.”

DANIEL 11:18

Mopaḷut mako kon tua monubu in sia kon bangusa mita kon bingkí in dagat, bo mobayong in taḷowonnea. Táe tobatú itoi kon butá in intau in mopogogaibí in singkuḻe inta inaidannea tatua, nodapotbí in motuḻí kon pinoningkuḻeannea tatua kon inia.

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.

ULANGAN 32:8

Kon dodai in ki Inta Totok in Moḷantud nosilai kon butá, batúan bangusa sinantúdon in butánea takin ilah tobatú in nobaḻí pongawasa.