KINOBAḺIAN 10:32 - Alkitab Singog In Mongondow Masa In Tanaa

³² Tua mita in buí i Nuh, bangusa bo bangusa podudui kon buínea-buínea. Mosia tuata inta pinomuían in bangusa mita kon dunia naa naonda in nopaḷut mako in ḷunud moḷoben tatua.

KINOBAḺIAN 10:32 Iomraidhean Croise

KINOBAḺIAN 10:1

Naa in buí i adí mita i Nuh, inta ki Sem, ki Yapet bo ki Ham. Naonda in kinopaḷutan mako in ḷunud moḷoben, taya toḷu in nokouḻí kon adí mita ḷoḷaki.

KINOBAḺIAN 10:20

Tuata in bayongan buí i Ham. Pomuḷoi in bangusa bo sukunea nogutun kon butánea tontaní bo momaké doman in bahasanea tontaní.

KINOBAḺIAN 10:25

Ki Eber kogadí kon adí ḷoḷaki doyowa; inta guya-guyang tangoinea in ki Peleg, sin kon zamannea bangusa mita kon dunia nosila-silai; inta induanea tangoinea in ki Yoktan.

KINOBAḺIAN 10:31

Tuata in bayongan buí i Sem. Pomuḷoi in bangusa bo suku nogutun kon butánea-butánea bo momaké doman in bahasanea-bahasanea tontaní.

KINOBAḺIAN 10:5

Mosia tua in nobaḻí mogoguyang in bangusa mita inta nogutun kon bingkí mita in dagat bo inta kon ḻibuton mita. Tuata in bayongan buí i Yapet. Pomuḷoi in bangusa bo suku in nogutun kon butá monia tontaní, bo mosia komintanbí oyúon in bahasa tontaní.

KINOBAḺIAN 11:1

Dungkuḷmai, bangusa mita kon dunia naa tongábí tobatú in bahasanea bo pososingog monia in komintanbí notongkai.

KINOBAḺIAN 9:1

Ki Allah in nomarakat kon i Nuh bo kon i adínea mita takin noguman, “Pononggadí bo pononggompudon inta kobarongon, sinbá buímu in mogutun kon dunia naa.

KINOBAḺIAN 9:19

Ki adí i Nuh toḷu tatua nobaḻí mogoguyang in bayongan intau kon dunia naa.

KINOBAḺIAN 9:7

Iko in musti mononggadí bo mononggompu inta mobayong, sinbá buímu in mogutun kon dunia naa.”

AYUB 15:19

Tungkuḷ intua diá in intau ango-angoi kon ḻipú monia; diá in nopoḷangkam kon i monia nongkon i Allah.

OUMAN IN RASUL MITA 17:26

Nongkon intau tobatú pinomia-Nea in bayongan intau bo pinoutun-Nea kon dunia naa. Siabí doman tua inta nonantú nongkon pinomangkoianmai, toonu bo kon onda in motaau kobiagan in intau.