KINOBAḺIAN 10:15 - Alkitab Singog In Mongondow Masa In Tanaa

¹⁵ Ki adí mita i Kanaan, in ki Sidon in guya-guyang, bo ki Het.

KINOBAḺIAN 10:15 Iomraidhean Croise

KINOBAḺIAN 23:3

Nopaḷut mako kon tua ki Abraham nonaḷámai kon mayat i buḷoinea bo minayá kon intau mita in Het, inta nogutun kon butá kon tua. Sia in noguman,

KINOBAḺIAN 24:3

Pongibotdon podoyon kon i Tuhan, Allah inta nongawasa kon ḷangit bo butá, kon iko in diábí motayak kon bobay inta pobuḷoion i Ishak ki adíku nongkon sigad in intau mita in Kanaan tanaa.

KINOBAḺIAN 49:13

Ki Zebulon in mogutun kon diug in dagat; kapaḷ mita in sinumubu kon pintadnea; modapot kon Sidon in sigad toḻibutánea.

SAMUEL 2 11:3

Bo binayá i Daud pinoki ḻibó mongo ki ine in bobay tatua, bo pinotaaudon kon inia kon bobay tatua in ki Batsyeba in tangoinea; ki amánea in ki Eliam bo ki buḷoinea in ki Uria intau in Het.

SAMUEL 2 24:6

bo minayá doman in Gilead bo kon Kades kon butá in intau in Het. Kamungkinan mosia minayá in Dan, bo nongkon Dan mosia in nomurow ná dotá in toyopan, kon Sidon.

TAWARIKH 1 1:13

Ki adí mita ḷoḷaki i Kanaan in ki Sidon, inta guya-guyang, bo ki Het. Mosia tua in mogoguyang in bangusa mita inta sinangoian pinodudui in tangoi monia.

IḶUAIAN 3:8

Tuamai moponag in Akuoi sin mayá mopoḷuat kon i monia nongkon kawasa intau in Mesir bo modia kon i monia ḷumuai nongkon butá tatua mopobayá in butá tobatú inta moḷuas. Butánea nooyúon bo mopia totok, tanaa mako pinogutunan in bangusa Kanaan, bangusa in Het, Amori, Peris, Hewi bo Yebus.

IḶUAIAN 34:11

Duduiaidon in hukum mita inta inogoi-Ku kon inimu singgai naa. Akuoi in moguntundon kon bangusa Amori, Kanaan, Het, Peris, Hewi bo Yebus kon dodai in moiko mayá moparang.

YESAYA 23:4

Ei kotá in Sidon, kahoromatanmu ain nobuḻi! Baḷangon inta modaḷom diádon akuonnea in iko, gumannea, “Akuoi in diápabí kon dodai in onda in nononggadí, diápa kon dodai in onda nomiag kon adí ḷoḷaki andeka bobay.”

YEREMIA 47:4

Noiangoidon in wakutunea intau in Pilistin yopúon komintan, dá Tirus bo Sidon in diádon mokouḻí kon totuḷung. Akuoi, ki Tuhan, in moḻimod kon bayongan in intau in Pilistin inta kinotaḷáan nongkon Kreta.

YEHEZKIEL 27:8

Mobobotoimu in nongkon Sidon bo Arwad. Intau mita in kapaḷmu in moḷoḻeag mita inta mokaḻet.

YEHEZKIEL 28:21

“Ei intau ilo-ilow, kutukdon kotá in Sidon.

YOSUA 11:8

Bo Israel in pinopountung i Tuhan nongkon i monia. Intau in Israel nonubu bo nondudur kon i monia nodapot in Misrepot-Maim bo Sidon kon dotá in utuan, bo nodapot in Ḷopá in Mizpa kon dotá in pomukaan. Pinoparangan diápa doman mooyong nodapot in diádon tobatúmai in musung in kinotaḻiban – nodaitdon minatoi.

SAMUEL 1 26:6

Onda intua ki Daud noḻibó kon i Ahimelek intau in Het tatua, bo kon i Abisai utat i Yoab (ki iná monia in ki Zeruya), “Ki ine in mokobaḻí tumuot takinku kon bonu in ḷoḷaigan i Saul?” Ki Abisai notubag, “Akuoi!”