KINOBAḺIAN 1:9 - Alkitab Singog In Mongondow Masa In Tanaa

⁹ Noiduduimai kon tua ki Allah noguman, “Koibog-Ku in bayongan tubig inta kon ḻimonag in ḷangit moiḻig kon tampat tobatú, sinbá butá in koontongandon.” Dá nobaḻí domandon intua.

KINOBAḺIAN 1:9 Iomraidhean Croise

KINOBAḺIAN 1:8

Botok tatua in sinangoian i Allah “Ḷangit”. Doḷom noitaḻib bo noiangoidon doḷo-doḷom. Tuata in singgai nogindua.

NEHEMIA 9:6

Onda intua rayat in Israel nosambayang nanaa, “Ikobí in Tuhan, Ikobí inta Totobatú tua; Inaidan-Mu in tundi bo toḷungayá, dagat bo butá takin bayongan in tombonunea, bo inogoian-Mu in kobiagan bo iḷukadan-Mu. Kon ini-Mu bayongan in kawasa kon ḷangit tumungkud mosumba; mosia in tumonsiup kon ini-Mu bo tumungkud.

AYUB 26:10

Ginambar-Nea in inta noḻimbung kon tayowon in baḷangon sin mopoyotondí in bayag nongkon sindip.

AYUB 26:7

Ki Allah in nobuká kon ḷangit, kon ḻimonikan in baḷangon, bo nobambé kon butá naa kon tampat inta diá in onu bo onu.

MAZMUR 104:3

bo noposindog in Baḷoi-Mu kon tudu in tubig kon ḷangit. Goḷom mita binaḻí-Mu kereta-Mu, Iko in sinumakoi kon koḻikip in tompot.

MAZMUR 33:7

Bayongan in tubig kon dagat sinobatú-Nea kon tampat tobatú, baḷangon sinipun-Nea kon bonu in bandungan.

MAZMUR 95:5

Sia in nongawasa kon dagat, sin Sia in nomia kon tua, toba doman Siabí in kitogi mia.

MOHOHUTUBA 1:7

Bayongan in ongkag moiḻig kon dagat, táe dagat in diábí doman mopuḻi-puḻing. Tubignea in buibí doman mayá in uḷuan ongkag bo moiḻig bui.

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

YUNUS 1:9

Tubag i Yunus, “Akuoi naa intau in Ibrani. Akuoi in nosumba kon i Tuhan Allah kon soroga, inta nomaḻí kon dagat bo toba.”

PETRUS 2 3:5

Tuodonbí monia diá pirisayaan, kon dunia naa in pinomia i Allah takin singog-Nea. Butá naa pinomia-Nea nongkon tubig doman, bo takin tubig;

WAHYU 10:6

Sia in nongibot pinodoyon kon tangoi i Allah inta diá mato-matoi bo inta ain nomia kon ḷangit bo butá, dagat bo bayongan in tombonunea. Malaekat tatua in noguman, “Wakutunea in diá bidon sorongon bui!