KINOBAḺIAN 1:5 - Alkitab Singog In Mongondow Masa In Tanaa

⁵ bo sinangoian-Neadon in bayag tatua “Singgai” bo sindip tatua “Doḷom”. Doḷom noitaḻibdon, bo noiangoidon in doḷo-doḷom. Tuata in singgai inta muna.

KINOBAḺIAN 1:5 Iomraidhean Croise

KINOBAḺIAN 1:13

Doḷom noitaḻib bo noiangoidon in doḷo-doḷom. Tuata in singgai nogintoḷu.

KINOBAḺIAN 1:19

Doḷom noitaḻib, bo doḷo-doḷom noiangoidon. Tuata in singgai inta noginggopat.

KINOBAḺIAN 1:23

Doḷom noitaḻib, bo doḷo-doḷom noiangoidon. Tuata in singgai noginḻima.

KINOBAḺIAN 1:31

Ki Allah in inimindoi kon bayongan inta ain pinomia-Nea tatua, bo nopia totok in gina-Nea. Doḷom noitaḻib bo namangoidon in doḷo-doḷom. Tuata in singgai inggonomnea.

KINOBAḺIAN 1:8

Botok tatua in sinangoian i Allah “Ḷangit”. Doḷom noitaḻib bo noiangoidon doḷo-doḷom. Tuata in singgai nogindua.

KINOBAḺIAN 8:22

Kon tungkuḷ in dunia naa oyúon, umuranbí oyúon in sempo monompinomuḷa bo monoḻisí kon bungai in pinomuḷa, oyúon in sempo in tumping bo sempo in patú, sempo in poninggai bo sempo in uagat, singgai bo doḷom.”

MAZMUR 104:20

Aka poangoi-Mu in sindip, singgai in modoḷomdon, bo bayongan in mahaḷuk kon kayuon in maya-mayá mako.

MAZMUR 19:2

Ḷangit noponiata in kamuliaan i Allah, bo baḷangon mopotaau in inta inaidan-Nea.

MAZMUR 65:8

Pinogogai-Mu in doradak in dagat bo torú in bokoḷ, bo pinoonow-Mu in kinodowawáan in bangusa mita.

MAZMUR 74:16

Ikobí in nomaḻí kon singgai bo doḷom, bo nonantú kon tampat in mata in singgai bo buḷan.

YESAYA 45:7

Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki Tuhan inta nogaid kon tua mita.

YEREMIA 33:20

“Akuoi in nomiadon kon dodandian takin in singgai bo doḷom, sinbá singgai bo doḷom umuran mamangoi kon wakutunea; dodandian tatua diábí motaau inggamáan.

PINOGIAPAN 20:29

Bayongan umat nokodongog kon ki Harun minatoidon, bo mosia komintan nonogumatoidon toḷu nopuḷú nosinggai in koonggotnea.

KORINTUS 1 3:13

Bayongan onu inta inaidan in intau modaitbí koontongan kon wakutu in koangoian bui i Kristus. Sin kon wakutu intua tuḷubí in mopoontong kon bayongan inta inaidan in intau. Tuḷubí in moguji bo monantú kon mopia andeka diá in oaidan mita tatua.

EPESUS 5:13

Bayongan in yagi-yagi inta kinodoí in bayag, modaitbí koontongan, sin bayagbí in mopoontong kon bayongan in yagi-yagi sinbá mosilang.

TESALONIKA 1 5:5

Utatku mita moiko nion in komintanbí intau inta nobiag kon nobayag, moiko in noibonu kon bayag inta motarang. Kita in deemanbí intau inta nobiag kon sindip, ande intau inta noituot kon doḷom inta mosindip.