KINOBAḺIAN 1:29 - Alkitab Singog In Mongondow Masa In Tanaa

²⁹ Bo aka soaḷ kaanon monimu yo ogoi-Ku in bayongan mobobiag inta kobatoḷ bo bayongan in ayop.

KINOBAḺIAN 1:29 Iomraidhean Croise

KINOBAḺIAN 2:16

Ki Tuhan in noguman kon intau tatua, “Iko in motaaubí in mokaan kon bungai mita in pangkoi ayop kon taman tanaa,

KINOBAḺIAN 6:21

Podia doman kon bayongan kokaanon monimu bo kaanon in bayongan mahaḷuk tatua.”

KINOBAḺIAN 9:3

Bayongan intua motaaubí mobaḻí kokaanonmu, ná doman tua in mobobiag mita inta nongoḷunow; bayongan tua in ogoi-Ku kon inimu sin baḻíon kokaanonmu.

AYUB 36:31

Natuata in pomomiag-Nea bangusa mita bo mobogoi in kaanon inta mobayong totok.

MAZMUR 111:5

Sia in nobogoi in rijiki kon intau inta motoguondok, bo inta umuran mokotorop kon dodandian-Nea.

MAZMUR 115:16

Ḷangit in tongábí ki Tuhan in kitogi, táe butá in inogoi-Nea kon intau.

MAZMUR 136:25

Kon batúan in inta nobiag inogoian-Nea in kaanon; tabi-Nea in umuran mononoi.

MAZMUR 146:7

Sia in moduḷu kon hak in intau mita inta sinoko dorot, bo mobogoi in kaanon kon intau inta ginogoi. Ki Tuhan in mopoḷuai kon intau mita inta pinonjara,

MAZMUR 147:9

Sia in nopokaan kon bobiagon, bo kon adí in ḷagapan kawag inta kumarakmai mogoiní.

MAZMUR 24:1

Mazmur i Daud. Ki Tuhanbí in kitogi kon butá bo tombonunea, dunia bo bayongan inta nogutun kon tua.

YESAYA 33:16

Dá moiko in kosiunganbí takin moaman, naonda bo kon bonu in poḷoḷukadan inta moropot. Kaanon bo inumon in sadiaanbí kon inimu.

HOSEA 2:8

Ki inámu diábí kon dodai in onda in akuonnea kon Akuoibí in nobogoi kon inia in gandum, anggur, ḷana zaitun, bo bayongan in buḷawan, saḷaka inta pinakénea nosumba kon Baal tatua.

MATIUS 6:11

Ogoiaidon kaanon in kami in singgai naa, inta tugat kon inami.

OUMAN IN RASUL MITA 14:17

Táe umuran-Neabí poniata in totabi-Nea bo mobogoi kon onu inta mopia. Ogoian-Nea in uyan nongkon ḷangit bo hasil in butá kon musimnea. Umuran-Nea inogoian in kaanon in moiko bo pinosanang in gina monimu.”

OUMAN IN RASUL MITA 17:28

Sin ná inta kain singog in intau, ‘Kita naa in nobiag bo motaau mamagí mamako modapot in oyúon kon dunia, lantaranbí kawasa-Nea.’ Ná doman kain momomantun monimu, ‘Kita naa in komintanbí ki adí-Nea mita.’

TIMOTIUS 1 4:3

Mosia in motundú kon intau bá diá mobuḷoi bo diá doman mokaan kon kaanon inta ain sinantú monia. Bokaka kaanon tatua in pinomia i Allah sin kaanon takin mosukur kon i-Nia in intau mita inta ain nopirisaya kon i Kristus bo inta ain nonotaau kon totundú inta mobanar nongkon i Allah.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.