KINOBAḺIAN 1:27 - Alkitab Singog In Mongondow Masa In Tanaa

²⁷ Natuata in ki Allah nomia kon intau, pinomia-Nea in mosia naonda bo batangan-Nea tontaní. Pinomia-Nea in mosia ḷoḷaki bo bobay.

KINOBAḺIAN 1:27 Iomraidhean Croise

KINOBAḺIAN 2:18

Bo ki Tuhan Allah in noguman, “Diábí mopia intau aka mobiag tongá sia-sia mita. Pomiaan-Kudon kon yobayatnea inta motombuḷoi sinbá motaau motuḷung kon inia.”

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

KINOBAḺIAN 9:6

Intau in pinomia ná batangan-Ku; tuamai, ki ine in moḻimod kon intau, yo sia tua in ḻimodon doman in intau.

MAZMUR 139:14

Akuoi in modayow kon ini-Mu sin akuoi in diá in poḻiuan! Bayongan in aid-Mu in mokoherang bo mokotongaw, totokbí in kinotaauanku intua.

MOHOHUTUBA 7:29

Tongábí naa in nouḻíku: Pinomia i Allah in kita diá noiḻiu bo biasabímai. Táe kitabí tontaní in mopororigamai bo mopoyagi-yagimai.

YESAYA 43:7

Sin mosia komintan ain inoiní pinodoyon kon tangoi-Ku. Mosia in binaḻí-Ku sin mohoromat kon i-Nakó.”

YEREMIA 29:6

Pobuḷoidon sinbá mokouḻí kon adí in moiko, bo biódon mako in ki adímu mita in mobuḷoi doman sinbá mosia in mokouḻí doman kon adí. Kobayongmu in musti modugang bo diábí motaau in mogaat.

MALEAKHI 2:15

Kinotaauan monimu kon ki Allah Inta Totobatú tua noponobatúdon kon awak bo jiwa takin bobay tatua? Onu degá in makusud i Tuhan kon tua? Tongábí bá moiko in mokouḻí kon adí mita inta mobaḻí umat i Allah inta mopia. Dá ḷukadaibí in awakmu, dika modapot in oyúon in kon sigad monimu inta diá mosatia kon i buḷoinea bobay.

MATIUS 19:4

Ki Yesus in noḻibó bui kon i monia, “Degá diápa binaca monimu, kon Sia in nogaid kon intau ḷoḷaki bo bobay nongkon pinomangkoianmai?

MARKUS 10:6

Bokaka nongkon pinomangkoianmai, wakutu in ki Allah nomia kon intau, noguman in Sia nanaa, ‘Ki Allah nomia kon i monia ḷoḷaki bo bobay.

EPESUS 2:10

Ki Allahbí in nomia kon i naton, bo pinongin i Kristus pinomia-Nea in kita, sinbá kita in mogaid kon soaḷ mita inta mopia inta ain sinadia-Nea kon i naton.

EPESUS 4:24

Bo kobiagdon in moiko saḷaku intau mobagu inta pinomia podudui in ibog i Allah, inta moibog dinumudui kon tabiat moitutui, motuḻid bo motusi.

ULANGAN 4:32

Tarididon in singgai koḷabung, kon dodai in moiko diápa pinononggadí, pinangkoi kon singgai kon wakutu in ki Allah nomia kon intau kon dunia naa. Tayakdon kon bayongan dunia. Dodaibí in onda in soaḷ inta motoyang tua nobaḻí? Dodai in onda in oyúon in intau inta nokodongog kon soaḷ onu inta nobaḻí ná tatua?

KOLOSE 1:15

Ki Kristus tua in gambar inta noniata nongkon awak i Allah inta diá koontongan; Sia in ki Adí i Allah inta guya-guyang, bo inta totok in moponting nongkon bayongan inta pinomia.

KOLOSE 1:26

habar inta noonggotdon totok in binuni-buni mako i Allah kon bayongan intau, táe tanaa in pinoontong-Neadon kon umat-Nea.

KOLOSE 3:10

Bo tanaa moiko inogoiandon in kobiagan inta mobagu. Moiko nion in nobaḻí bidon intau nobagu, inta koyogot toimbaguon i Allah inta nopomia kon i monimu podudui in batangan-Nea tontaní. Makusudnea bá totu-totuudon kotaauan monimu in ki Allah.

HAKIM MITA 21:22

Aka ki amá ande ki utatnea ḷoḷaki mamangoi bo monuntut kon inia, moiko motaau moguman, ‘Poigumon nami, pomayádon mako in mosia kon inami. Diábí inagow nami in mosia kon parang. Bo popisí in moiko diá mobogoi kon i monia kon inami, dá moiko in diábí iḻimimpat kon dandi, dá diábí kotaḷá.’ ”