KINOBAḺIAN 1:24 - Alkitab Singog In Mongondow Masa In Tanaa

²⁴ Onda intua ki Allah in noguman, “Koibog-Ku butá mopoḷuai in bayongan mahaḷuk in toba, inta moyonok bo kaḻig, moḷoben ande mointok.” Dá nobaḻí domandon in tatua.

KINOBAḺIAN 1:24 Iomraidhean Croise

KINOBAḺIAN 1:23

Doḷom noitaḻib, bo doḷo-doḷom noiangoidon. Tuata in singgai noginḻima.

KINOBAḺIAN 2:19

Dá Sia in nogamá kon butá topiḻik bo nomia kon bayongan in mahaḷuk in toba bo mahaḷuk inta ḷumoḷayug. Onu inta pinomia-Nea tatua komintan dinia kon intau sinbá tontangoiannea. Tuata in kinobobaḻí in mahaḷuk mita kon toba bo inta ḷumoḷayug nokouḻí kon tangoi monia tontaní.

KINOBAḺIAN 7:14

Noyotakin doman monia sinumuot in bayongan ḷagapan bo mahaḷuk ibanea, pinomayá inta moyonok ande inta kaḻig, inta moḷoben ande inta mointok.

KINOBAḺIAN 8:19

Bayongan in ḷagapan bo mahaḷuk in toba iḻumuai nongkon uangga tatua, mosia iḻumuai podudui in rupanea tontaní.

AYUB 39:1

Kinotaauanmu degá mongo toonu bembé in buḷud pinogadí i inánea? Nokoimontandon degá inontongmu in rusa ḻindong nopogadí in ki adínea?

AYUB 39:19

Ei Ayub, iko degá in nobogoi in ropot kon kabaḷo bo buoknea inta suge-sugepé kon sindunnea?

AYUB 39:5

Ki ine in momuḻi kon keledai ḻindong kon kayuon? Ki ine in mobuká kon tontogotnea bo mopobió kon inia maya-mayá mako?

AYUB 39:9

Degá sapi ḻindong moibog in pakéonmu mogaid? Moibog degá in sia mosiug doḷom kon ḷantungmu?

AYUB 40:15

Taridika in Behemot, ki mahaḷuk tuyá; ná iko, sia in Akuoi doman in nomaḻí. Bonok mita in nobaḻí kokaanonnea, naonda bo sapi bo biag biasa.

MAZMUR 104:18

Buḷud mita moḷantud nobaḻí tampat in bembé in kayuon; rusa in mogadop kon batu karang.

MAZMUR 104:23

Bo ḷumuaidon in intau sin mogaid kon oaidannea, bo umuran mogaid modapot in ḷoḷabungnea.

MAZMUR 148:10

bayongan in bobiagon bo mahaḷuk ḻindong, bayongan in mahaḷuk ḷumandai bo ḷagapan!