KINOBAḺIAN 1:22 - Alkitab Singog In Mongondow Masa In Tanaa

²² Ki Allah in nomarakat kon bayongan tua takin nomarenta kon mahaḷuk mita inta nobiag kon bonu in tubig sinbá modugang mobarong bo mopuḻing in dagat, bo nomarenta doman kon ḷagapan mita sinbá modugang doman mobarong.

KINOBAḺIAN 1:22 Iomraidhean Croise

KINOBAḺIAN 1:21

Dá ki Allah in nomaḻí kon mahaḷuk mita mongoḷoben kon bonu in dagat, bo noyagi-yagimai in mahaḷuk inta nobiag kon bonu in tubig, takin noyagi-yagimai in ḷagapan. Bo nopia in gina i Allah in nokoontong kon tua.

KINOBAḺIAN 1:23

Doḷom noitaḻib, bo doḷo-doḷom noiangoidon. Tuata in singgai noginḻima.

KINOBAḺIAN 1:28

Onda intua binarakatan-Neadon in mosia poḷat noguman, “Pononggadí bo pononggompudon kobarongon, sinbá buímu in ḻimitú bo mongawasa kon tua mita. Moiko in ogoian-Ku in oaidan monompia kon toyá mita, ḷagapan mita, bo bayongan mahaḷuk ibanea inta kaḻig.

KINOBAḺIAN 30:27

Ki Laban in noguman kon inia, “Indongogaipa muna: Kinoontongankudon kon ki Tuhan ain nomarakat kon inakó sin popisí in iko.

KINOBAḺIAN 30:30

Kon tungkuḷ in akuoi diápa namangoi, kapunyaanmu diápa naonda, táe tanaa iko in totokdon in nooyúon. Ki Tuhan ain nomarakat kon inimu sin popisí in akuoi. Tanaa wakutuneadon akuoi mogaid sin pomiagku kon buḷoi bo adíku tontaní”.

KINOBAḺIAN 35:11

Bo ki Allah in noguman doman, “Akuoibí naa in ki Allah Inta Totok in Mokawasa. Pononggadí bo pononggompudon inta kobarongon! Nongkon inimu momukádon in bangusa mita bo mobaḻí mogoguyang in datu mita.

KINOBAḺIAN 8:17

Diadon ḷumuai in bayongan ḷagapan bo mahaḷuk mita ibanea, moḷoben ande mointok, sinbá mosia in modugangdon mobarong kon dunia naa.”

KINOBAḺIAN 9:1

Ki Allah in nomarakat kon i Nuh bo kon i adínea mita takin noguman, “Pononggadí bo pononggompudon inta kobarongon, sinbá buímu in mogutun kon dunia naa.

AYUB 40:15

Taridika in Behemot, ki mahaḷuk tuyá; ná iko, sia in Akuoi doman in nomaḻí. Bonok mita in nobaḻí kokaanonnea, naonda bo sapi bo biag biasa.

AYUB 42:12

Ki Ayub in binarakatan i Tuhan kino bayong totok kon ki agat in kinobiagannea, nongkon inta dungkuḷ kon dodai in sia diápa kinoantugan in bodito. Ki Ayub in kodomba bembé 14.000, unta 6.000, sapi 2.000, bo keledai 1.000.

MAZMUR 107:31

Patusbí in mosia mopoyaput in sukur popisí in tabi-Nea, popisí in mia-Nea mita inta nokotongaw kon intau.

MAZMUR 107:38

Ki Tuhan in nobogoi in adí mobayong kon i monia, bo bobiagon monia in umuran momuí.

MAZMUR 128:3

Ki buḷoimu bobay in naonda bo pangkoi in anggur inta moḷumbá kon bonu in baḷoimu. Ki adímu mita in naonda bo poḻimping in pangkoi in zaitun kon ḻibu in mejamu.

AMSAL 10:22

Tongábí popisí in barakat i Tuhan dá intau in mobaḻí mooyúon; simiḷopí totok diábí mokodugang kon kaoyúonan.

IMAMAT 26:9

Barakatan-Ku in moiko bo mobogoi in adí bo ompu inta mobayong kon inimu. Onu inta ain pinodandi-Ku kon inimu, notantúbí kon aidan-Ku.