KINOBAḺIAN 1:20 - Alkitab Singog In Mongondow Masa In Tanaa

²⁰ Onda intua ki Allah in noguman, “Koibog-Ku kon bonu in tubig mobiag in moyagi-yagimai in mahaḷuk, bo kon toḷungayá mobarong in ḷagapan inta noḷayu-ḷayugan.”

KINOBAḺIAN 1:20 Iomraidhean Croise

KINOBAḺIAN 1:14

Noiduduimai kon tua ki Allah in noguman, “Koibog-Ku oyúon in barang mita kon ḷangit inta motaau monimbayag kon dunia naa, bo mopoyotondí in singgai bo doḷom bo monantú kon pomangkoian in singgai, taong bo singgai moḷoben in agama.” Dá nobaḻí domandon in soaḷ tatua.

KINOBAḺIAN 1:19

Doḷom noitaḻib, bo doḷo-doḷom noiangoidon. Tuata in singgai inta noginggopat.

KINOBAḺIAN 1:21

Dá ki Allah in nomaḻí kon mahaḷuk mita mongoḷoben kon bonu in dagat, bo noyagi-yagimai in mahaḷuk inta nobiag kon bonu in tubig, takin noyagi-yagimai in ḷagapan. Bo nopia in gina i Allah in nokoontong kon tua.

KINOBAḺIAN 1:22

Ki Allah in nomarakat kon bayongan tua takin nomarenta kon mahaḷuk mita inta nobiag kon bonu in tubig sinbá modugang mobarong bo mopuḻing in dagat, bo nomarenta doman kon ḷagapan mita sinbá modugang doman mobarong.

KINOBAḺIAN 1:30

Táe kon bayongan in ḷagapan bo mahaḷuk ibanea, ogoi-Ku in bonok bo pinomuḷa inta oyúon in daunnea saḷaku kokaanon monia.” Dá soaḷ tatua in nobaḻí domandon.

KINOBAḺIAN 2:19

Dá Sia in nogamá kon butá topiḻik bo nomia kon bayongan in mahaḷuk in toba bo mahaḷuk inta ḷumoḷayug. Onu inta pinomia-Nea tatua komintan dinia kon intau sinbá tontangoiannea. Tuata in kinobobaḻí in mahaḷuk mita kon toba bo inta ḷumoḷayug nokouḻí kon tangoi monia tontaní.

KINOBAḺIAN 7:21

Ki Tuhan noyopú kon bayongan in mahaḷuk inta nobiag kon dunia naa: Intau, ḷagapan bo mahaḷuk mita kon toba pinomayá mointok ande moḷoben. Inta diá minatoi in tongá bidon ki Nuh bo bayongan inta noyotakinnea kon bonu in uangga moḷoben tatua.

KINOBAḺIAN 8:17

Diadon ḷumuai in bayongan ḷagapan bo mahaḷuk mita ibanea, moḷoben ande mointok, sinbá mosia in modugangdon mobarong kon dunia naa.”

DATU MITA IMITÁNEA 4:33

Sia in mokosanggupbí in mosingog soaḷ pangkoi mita in kayu bo pinomuḷa mita – nongkon pangkoi in ḷokuyú in Libanon nodapot kon bonok hisop inta nobiag kon dinding mita in batu. Sia in nongonguman doman kon soaḷ bobiagon kon toba bo bobiagon ḷumoḷayug, bobiagon ḷumandai bo toyá.

AYUB 12:9

Ki ine in kon sigad intua komintan in diá nonotaau, kon inta nomia kon i monia tua in ki Allahbí tontaní?

MAZMUR 148:10

bayongan in bobiagon bo mahaḷuk ḻindong, bayongan in mahaḷuk ḷumandai bo ḷagapan!

MOHOHUTUBA 2:21

Sin intau imibo-ibog in mogaid takin mopomaké in bayongan hikmat, ilimu bo onu inta totok in kinotaauannea sin momatuk kon onu in koibognea. Táe kon imbuitnea musti in sia monaḷámai kon bayongan inta irorigaannea kon intau inta diá kotoguḷopí kon tua. Dá, tua in diá domandon in mangaḻenea, apa doman totuubí kon diá motuḻid!

IMAMAT 11:43

Dika moponajis in awakmu takin mokaan kon mahaḷuk natua.

OUMAN IN RASUL MITA 17:25

Sia tua in diábí moparaḷu kon totuḷung in intau, sin Sia tua inta mobogoi in kobiagan, tompot bo bayongan yagi-yagi kon intau.