KINOBAḺIAN 1:16 - Alkitab Singog In Mongondow Masa In Tanaa

¹⁶ Dá ki Allah nomaḻí kon barang ponimbayag inta moḷoben, mata in singgai in tangoinea inta mongawasa kon wakutu in singgai, bo buḷan inta mongawasa kon wakutu in doḷom; koḻikud intua binaḻí-Nea doman in tundi mita.

KINOBAḺIAN 1:16 Iomraidhean Croise

AYUB 31:26

Diábí dodai in onda in sinumbaku in mata in singgai inta nonindar andeka buḷan inta nonimbayag nodarit.

AYUB 38:7

kon tungkuḷ in tundi mita in doḷo-doḷom nodondong noyotakin bo mahaḷuk mita in soroga moronggoḷokap takin pia in gina.

MAZMUR 148:3

Dayowdon in Sia, ei mata in singgai bo buḷan, dayowdon in Sia, ei tundi mita inta moriang mako!

MAZMUR 148:5

Biódon mako in mosia komintan in modayow kon tangoi Tuhan, sin bayongan tua binaḻí podudui in parenta-Nea.

MAZMUR 19:6

doḷo-doḷom momuká in sia naonda bo nonikaan ḷoḷaki iḻumuai nongkon gopotnea, naonda bo pahlawan inta noḷunganga in gina momangkoi kon bobayáannea.

MAZMUR 74:16

Ikobí in nomaḻí kon singgai bo doḷom, bo nonantú kon tampat in mata in singgai bo buḷan.

MAZMUR 8:3

podondong in mongoadí mita bo adí mita mointok. Pomarentaan-Mu in moroton bo diá motundan sin momompon kon bibig in musung bo saturu.

YESAYA 13:10

Batúan in tundi bo pinosipunan in tundi mogogai in monindar; mata in singgai in simindip kon dodai in sia momuká, bo buḷan in diá bidon monindar bui.

YESAYA 24:23

Buḷan in simindip bo mata in singgai in diá bidon monindar, sin ki Tuhan Inta Totok in mokawasa in momarentabí mobaḻí datu. Sia in momarentabí kon Yerusalem, kon tudu in Buḷud in Sion, bo mopoontong in koagung-Nea kon itoi mita in umat-Nea.

YESAYA 40:26

Ḷangagdon kon ḷangit, bo taridika! Ki ine in nomaḻí kon tundi mita? Sia inta nonompia kon i monia naonda bo tontara, kinotaauan-Nea in kobayong monia, bo mogoiní kon batúannea podudui in tangoinea-tangoinea. Diábí tobatúmai in mobuḻi, popisí in moḷoben totok in kawasa i Tuhan!

YESAYA 45:7

Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki Tuhan inta nogaid kon tua mita.

YEREMIA 31:35

Mata in singgai sinadia i Tuhan sin monimbayag kon tungkuḷ in singgai; buḷan bo tundi mita in monimbayag kon tungkuḷ in doḷom. Dagat in kinaui-Nea dá mobokoḷ monomburá, Ki Tuhan Inta Totok in mokawasa, tuata in tangoi-Nea.

HABAKUK 3:11

Sindar in piotnea mita moḻikat totok, ginubat-Mu mopouḻi-uḻinag, dá nogogaidon in mata in singgai bo buḷan kon tampatnea.

MATIUS 24:29

“Naonda in mopaḷutdon roriga wakutu intua, yo mata in singgai mosindip, bo buḷan diádon monindar. Bo tundi mita in mongoḷabú nongkon ḷangit, bo kawasa mita kon baḷangon moirangkap.

MATIUS 27:45

Pinangkoi kon jam mopuḷú bodoyowá moutu in singgai nodapot in jam nogintoḷu sinimindip in ḻipú tatua.

KORINTUS 1 15:41

Ná doman tua, kogaga mata in singgai noposibí doman kogaga in buḷan. Tundi mita noyoposibí doman in kogaganea mita. Kogaga in tundi tobatú noyoposibí doman kogaga in tundi ibanea mako.

ULANGAN 4:19

Dikadon baradosaan popisí in mosumba bo mogundoi kon onu inta inontong monimu kon ḷangit: mata in singgai, buḷan bo tundi mita. Pinomayá mako i Tuhan Allahmu in bangusa mita ibanea nosumba kon tua mita.

WAHYU 21:23

Kotá tatua diá bidon paraḷu simbayagan mata in singgai ande buḷan, sin kamuliaan i Allah aindon nokosimbayag kon tua, bo ki Adí in Domba in nobaḻí togánea.