KINOBAḺIAN 1:14 - Alkitab Singog In Mongondow Masa In Tanaa

^14-15 Noiduduimai kon tua ki Allah in noguman, “Koibog-Ku oyúon in barang mita kon ḷangit inta motaau monimbayag kon dunia naa, bo mopoyotondí in singgai bo doḷom bo monantú kon pomangkoian in singgai, taong bo singgai moḷoben in agama.” Dá nobaḻí domandon in soaḷ tatua.

KINOBAḺIAN 1:14 Iomraidhean Croise

KINOBAḺIAN 1:13

Doḷom noitaḻib bo noiangoidon in doḷo-doḷom. Tuata in singgai nogintoḷu.

KINOBAḺIAN 8:22

Kon tungkuḷ in dunia naa oyúon, umuranbí oyúon in sempo monompinomuḷa bo monoḻisí kon bungai in pinomuḷa, oyúon in sempo in tumping bo sempo in patú, sempo in poninggai bo sempo in uagat, singgai bo doḷom.”

KINOBAḺIAN 9:13

dá aḻibobag ukaton-Ku kon goḷom mobaḻí tanda dodandian-Ku takin dunia naa.

AYUB 25:3

Koiapan degá in malaekat inta nogundoi kon i-Nia? Oyúon degá in tampat inta diá sinindaran in bayag-Nea?

AYUB 25:5

Kon i Allah, nodapot in buḷan diábí notarang, bo tundi in inanggapneabí nokudow.

AYUB 3:9

dika modapot in tundi pariama monindar, dika pomayá mako in sindar doḷo-doḷom monindar! Biódon mako in doḷom tua diá in mangaḻe in pogoḷatan kon koangoian in singgai bo kamang inta mobagu.

MAZMUR 119:91

Bayongan inta oyúon tanaa mako, oyúon popisí in parenta-Mu, sin mosia in mogogundoi-Mubí mita.

MAZMUR 148:3

Dayowdon in Sia, ei mata in singgai bo buḷan, dayowdon in Sia, ei tundi mita inta moriang mako!

MAZMUR 148:6

Sinantú-Nea in tampat kon batúannea, atorang-Nea in paké modapot in mononoi.

MAZMUR 150:1

Dayowdon in ki Tuhan! Dayowdon in ki Allah kon bonu in Baḷoi-Nea! Dayowdon in ropot-Nea kon ḷangit!

MAZMUR 81:3

Tobogdon in rebana, pododondongdon in dondong, kutidon in gambus bo kecapi kopiaan.

YESAYA 40:26

Ḷangagdon kon ḷangit, bo taridika! Ki ine in nomaḻí kon tundi mita? Sia inta nonompia kon i monia naonda bo tontara, kinotaauan-Nea in kobayong monia, bo mogoiní kon batúannea podudui in tangoinea-tangoinea. Diábí tobatúmai in mobuḻi, popisí in moḷoben totok in kawasa i Tuhan!

YEREMIA 10:2

Sia in noguman, “Dika duduian in kabiasaan in bangusa mita ibanea, bo dika moondok in mokoontong kon tomponuot mita kon ḷangit inta kinoondok in bangusa mita tatua.

YEREMIA 31:35

Mata in singgai sinadia i Tuhan sin monimbayag kon tungkuḷ in singgai; buḷan bo tundi mita in monimbayag kon tungkuḷ in doḷom. Dagat in kinaui-Nea dá mobokoḷ monomburá, Ki Tuhan Inta Totok in mokawasa, tuata in tangoi-Nea.

YEREMIA 33:20

“Akuoi in nomiadon kon dodandian takin in singgai bo doḷom, sinbá singgai bo doḷom umuran mamangoi kon wakutunea; dodandian tatua diábí motaau inggamáan.

YEREMIA 33:25

Táe ná doman onda in Akuoi, ki Tuhan, ain nomia kon dodandian takin in singgai bo doḷom, bo nomia kon hukum inta nonompia kon ḷangit bo butá,

YEHEZKIEL 46:1

Ki Tuhan Inta Totok in moḷantud in noguman, “Bonawang dotá in pomukaan inta nopobayá in palas kon bonunea in mustibí umuran ḻingkopan kon bonu in onom nosinggai pogaidan. Bonawang tatua in tongábí motaau bukatan kon singgai in Sabat bo kon poramean kon singgai Moḷoben Buḷan Mobagu.

YEHEZKIEL 46:6

Kon Poramean kon Singgai Moḷoben Buḷan Mobagu sosumba tatua in musti sapi koḷakian tobatú, ki adí in domba onom, bo domba koḷakian tobatú, komintan inta diá in bogitnea.

YOËL 2:10

Kon tungkuḷ in mosia minayá butá nogugur, bo ḷangit in nodandú doman. Bo nosindipdon in mata in singgai bo buḷan, bo sindar in tundi mita noinggamádon.

YOËL 3:15

Mata in singgai bo buḷan in simindipdon, bo tundi mita in diádon monindar bui.”

AMOS 5:8

Ki Tuhanbí inta nomia kon tundi mita kon toḷungayá – tundi Belantik bo tundi Kartika. Sia in nomaḷui kon sindip nobaḻí bayag bo singgai nobaḻí doḷom; tubig nongkon dagat pinobutak-Nea kon toba. Inta nogaid kon tua mita tangoi-Nea in ki Tuhan.

AMOS 8:9

Moiangoibí in wakutunea baḻíon-Ku in mata in singgai tumoyop moutupa in singgai bo dunia in simindipdon kon dodai in singgaipa. Akuoi, ki Tuhan, Inta Totok in moḷantud, ain nosingog.

MATIUS 2:2

Bo mosia noḻibó magí-mako: “Kon onda degá in Sia, datu intau Yahudi inta bagu pinononggadí tua? Kami aindon nokoontong kon tundi-Nea kon dotá in Timur, bo kami naa mamangoi sin mosumba kon i-Nia.”

MATIUS 24:29

“Naonda in mopaḷutdon roriga wakutu intua, yo mata in singgai mosindip, bo buḷan diádon monindar. Bo tundi mita in mongoḷabú nongkon ḷangit, bo kawasa mita kon baḷangon moirangkap.

MARKUS 13:24

“Táe naonda in kon wakutudon in roriga tatua, mata in singgai mobaḻídon mosindip, bo buḷan diádon monindar.

LUKAS 23:45

Bo kon dodai doman intua gorden kon Baḷoi Tuhan nobisik nosilai doyowa.

ULANGAN 4:19

Dikadon baradosaan popisí in mosumba bo mogundoi kon onu inta inontong monimu kon ḷangit: mata in singgai, buḷan bo tundi mita. Pinomayá mako i Tuhan Allahmu in bangusa mita ibanea nosumba kon tua mita.

WAHYU 6:12

Bo akuoi in nokoontongdon bui kon i Adí in Domba tatua nomukat kon meterai inggonomnea. Bo nobaḻídon in ḻinug inta totok mokoondok kon dunia naa. Mata in singgai irumondí naonda bo didit morondí inta nokasar bo buḷan sinimimpuya naonda bo dugú.

WAHYU 8:12

Onda intua malaekat inggopatnea nogirup domandon kon torompetnea. Dá noidatongdon in sepertiga in mata in singgai, sepertiga in buḷan bo sepertiga doman in tundi mita, sahingga noinggamádon sepertiga nongkon ropot in sindar monia. Ná doman tua, sepertiga nongkon bayag in diádon notarang bo ná doman tua in doḷom.

WAHYU 9:2

Dá tundi tatua in nomukatdon kon ḷoḻingkop in bubú in irang popatoi tatua, dá iḷumuaidon in poyok nongkon bonunea naonda bo poyok kon tungku moḷoben. Mata in singgai bo baḷangon sinimindip lantaran poyok inta nongkon bubú tatua.