KINOBAḺIAN 1:11 - Alkitab Singog In Mongondow Masa In Tanaa

¹¹ Ki Allah in noguman bui, “Koibog-Ku in butá mopoḷuaidon in bayongan inta mobobiag, bayongan inta oyúon in batoḷ bo bayongan ayop.” Bo nobaḻí domandon intua.

KINOBAḺIAN 1:11 Iomraidhean Croise

KINOBAḺIAN 1:12

Natuata in nobaḻí, butá nopoḷuaidon in bayongan inta mobobiag. Bo nopia in gina i Allah in nokoontong kon soaḷ tatua.

KINOBAḺIAN 1:29

Bo aka soaḷ kaanon monimu yo ogoi-Ku in bayongan mobobiag inta kobatoḷ bo bayongan in ayop.

KINOBAḺIAN 2:16

Ki Tuhan in noguman kon intau tatua, “Iko in motaaubí in mokaan kon bungai mita in pangkoi ayop kon taman tanaa,

KINOBAḺIAN 2:5

diápabí in nobiag nion nonokat bo diápabí doman in pinomuḷa kon dunia naa, sin diápa pinopoponagan i Tuhan in uyan bo diápa doman in intau mononggobá kon butá tatua.

KINOBAḺIAN 2:9

Ki Tuhan Allah in nopobiag in bayongan pangkoi in kayu inta mongogaga, inta mopomungai doman in ayop inta mopia. Kon yua-yuak in taman tatua nobiag domandon in kayu inta mobogoi in kobiagan bo pangkoi in kayu inta mobogoi in pongotahuan kon soaḷ inta mopia bo inta moraat.

AYUB 28:5

Butá mobogoi in pakéon in intau, táe kon ḻimonag in butá tatua doman, komintan sinunggai magí mako dá tombonu in butá in notungkauidon.

MAZMUR 1:3

Intau tatua in mokodapot kon bayongan totayaknea; sia in naonda bo pangkoi in kayu inta kon bingkí in tubig inta momungai kon sempo in pomomungainea bo inta diá moḷaḷo-ḷaḷow in daunnea.

MAZMUR 147:8

Siabí in nopoukat in goḷom kon ḷangit; Sia in nosadia kon uyan poonag kon butá, bo nomiag bui kon bonok kon tombuḷud.

YESAYA 61:11

Naonda bo bibit inta inambor mobiag mobaḻí pinomuḷa, natuata in ki Tuhan Allah nopobiag in kasaḷamatan bo bayongan in bangusa modayow kon i-Nia.”

YEREMIA 17:8

Sia in naonda bo pangkoi in kayu kon bingkí in ongkag moiḻig; uakatnea in noidapot in tubig sia in diábí moondok kon sempo in poninggai daunnea mita in tantúbí moḷunow. Umpakabí butá inonag in singgai yo sia in diábí moḻia-ḻiaw in gina sin sia in umuran momungai.

MATIUS 3:10

Pokotorop! Boḻiung aindon inukat mako kon uakat in kayu. Bo pomuḷoi in pangkoi inta diá mopomungai in mopia yo notantú kon pupuḷonbí bo pogonag kon tuḷu.

MATIUS 6:30

Dá aka ki Allah bo nobogoi kon inta mopia kon bungang mita inta singgai naa oyúon bo ikoḷom in tubáan. Yo tantú moikobí in kotabi-tabi-Nea! Táe moiko in diá totok mopirisaya!

MARKUS 4:28

Butábí tatua in mopoḷuai in hasilnea; muna in tanganea, onda intua ḷumondut bodongka momatu in bungainea.

KORINTUS 1 15:38

Ki Allahbí tontaní in mobogoi in pangkoi kon batoḷ tatua podudui in onu in kinoibog-Nea. Pomuḷoi in batoḷ, ki Allahbí doman in mobogoi podudui batangannea tonta-tontaní.

IBRANI 6:7

Butá inta umuran kouyanan bo mobogoi in hasil kon bayongan in pinomuḷa inta baraguna kon intau monononggobá, barakatanbí i Allah in butá tatua.

YAKOBUS 3:12

Utatku mita, pangkoi in ara diábí in sia mopomungai in zaitun, bo pangkoi in anggur diábí mopomungai in ara. Bokaká in tubig noibung diábí in sia mopoḷuai in tubig inta moḻiau.