IMAMAT 1:3 - Alkitab Singog In Mongondow Masa In Tanaa

³ Aka inta pinosumbanea tua bo sapi tobatú, dá biag tatua in musti koḷakian bo inta mopia totok. Sapi tatua musti diaannea pobayá in ngara in Ḷoḷaigan i Tuhan, sinbá koibog i Tuhan in intau tatua.

IMAMAT 1:3 Iomraidhean Croise

KINOBAḺIAN 22:13

Bo ki Abraham nobobui bo nokoontong kon domba koḷakian tobatú kon tumineamai, Tungoi in domba tatua noikarit kon singsing mita. Ki Abraham minayá nogamá kon domba tatua bo dongka pinosumbanea kon i Tuhan saḷaku kuruban sinubá nobaḻí toḻiu i adínea.

KINOBAḺIAN 22:2

Guman i Allah, “Bayádon kon butá in Moria takin ki Ishak, ki adímu tuḷong tua, inta totok in kinotabimu tua. Kon tua, kon buḷud tobatú inta tundúon-Ku kon inimu, posumbadon in ki adímu tatua kon i-Nakó mobaḻí kuruban inta tubáan.”

KINOBAḺIAN 22:8

Ki Abraham in notubag, “Ki Allahbí in moposadia in tua.” Bo taya dua in nogingguputdon kon bobayáan.

KINOBAḺIAN 8:20

Ki Nuh noposindog in mezbah tobatú kon i Tuhan. Sia in nogamá kon tumongo batu nongkon sigad in ḷagapan bo mahaḷuk mita ibanea inta halal, bodongka pinosumbanea saḷaku kuruban inta sinubá kon tudu in mezbah tatua.

TAWARIKH 2 29:32

Mosia in nodia kon sapi koḷakian pitu nopuḷú, domba mogatut, bo ki adí in domba doyowa nogatut bo noposumba binaḻí kuruban payongon kon i Tuhan.

TAWARIKH 2 35:12

Pomuḷoi in paanan in inanakan inta namangoi intua mokouḻí kon tumongo batu in bobiagon mita inta posumba mobaḻí kuruban payongon. Takin natua dá mosia in motaaudon moposumba in kuruban podudui in atorang inta ain pinais kon bonu in buk Hukum i Musa.

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

MAZMUR 40:8

Bo akuoi in noguman, “Naadon in akuoi, kon bonu in ḻitodan in buk pinais kon inakó.

IḶUAIAN 12:5

Moiko in motaaubí momiḻí kon domba ande bembé, táe musti koḷakian, umurnea in totaongdon, bo inta notaka.

IḶUAIAN 24:5

Bo ki Musa nopotabá in tongonumai tayowmobiag, bo mosia noposumba in kuruban inta sinubá kon i Tuhan bo poḷat noratá kon tongonumai in sapi sin pinokuruban nobaḻí kuruban dodamean.

IḶUAIAN 29:18

Poposumbadon in bayongan domba koḷakian tatua kon tudu in mezbah mobaḻí kuruban inta sinubá. Rongingi in kuruban tatua mokosanang kon gina-Ku.

IḶUAIAN 29:4

Potabádon in ki Harun bo ki adínea mita mamangoi kon ngara in Ḷoḷaigan-Ku bo mondarit kon awak.

IḶUAIAN 29:42

Duduiannea kon tua sigaḷa zaman, kuruban tubáan tatua musti posumba kon tayowon-Ku kon ngara in Ḷoḷaigan-Ku. Kon tuata in Akuoi mokipodungkuḷ kon umat-Ku bo mopoyaput in tosingogon kon inimu.

IḶUAIAN 32:6

Nopoikoḷomai kon singgai doḷo-doḷompa totok, intau mita Israel nodia kon tongonumai in biag sin baḻíon kuruban inta tubáan, bo tongonumai doman in biag inta mobaḻí kuruban dodamean. Mosia iḻimitú nongaan bo nonginum, bo sinimindog noposanang in gina.

IḶUAIAN 35:21

bo ki inekabí inta noḻiai in ginanea, nodia kon sosumba kon i Tuhan sin ponompia kon Ḷoḷaigan i Tuhan. Mosia in nodia doman kon bayongan inta motaau pakéon kon ibada bo touḷut inta pakéon kon pakeang in imang.

IḶUAIAN 35:29

Bayongan in intau Israel takin ibog monia tontaní nodia kon sosumba monia kon i Tuhan sin pakéon pogaid kon oaidan tatua inta pinotaau i Tuhan kon i Musa.

IḶUAIAN 35:5

Diadon in sosumba kon i Tuhan. Ki ine in moḻiai in ginanea, musti moposumba in buḷawan, saḷaka bo porunggu;

IḶUAIAN 36:3

Inogoi i Musa kon i monia in bayongan inta pinosalehe in intau Israel sin pakéon pogaid kon Ḷoḷaigan i Tuhan. Táe bangusa Israel umuranpabí doman modia mangoi kon sosumba kon i Musa muḷoi in doḷo-doḷom.

IḶUAIAN 38:1

Ki Bezaleel nogamá kon kayu akasia, bo pinomianea mezbah in kuruban tubáan. Mezbah tatua notonggopat, kobanat bo kooḷadnea in tumpaḷa tododoyowa nometer bo doyowa nopuḷú nosenti, koḷantudnea in tometer bo toḷu nopuḷú nosenti.

YESAYA 1:11

Ki Tuhan in noguman, “Kainimukamai dá moibogbí in Akuoi in bayongan kuruban inta umuranmu posumba kon i-Nakó? Mobúbí in Akuoi in domba mita kuruban pinayong bo ḷongó in ki adí in sapimu. Dugú in sapi koḷakian, domba bo bembé kinodoí-Kubí.

YEHEZKIEL 20:40

Sin kon butá in Israel, kon tudu totok in buḷud-Ku inta motusi, moiko komintan, bangusa in Israel in mosumbabí kon i-Nakó. Kon tua mosanangbí in gina-Ku kon inimu bo moibog motarima kon kurubanmu mita, sosumbamu mita inta totok in mopia bo oogoimu mita inta ain sinantú.

YEHEZKIEL 40:39

Kon yuang moḷoben tatua, oyúon in meja opat, tododoyowa kon batúan in sínea. Kon tudu in meja mita tatuata ratáan in mahaḷuk inta baḻíon kuruban payongon, andeka kuruban potobut kon dosa andeka kuruban toḻiu in karugian.

IMAMAT 1:10

Aka inta pinosumba tatua bo domba tobatú ande bembé, dá biag tatua musti koḷakian bo inta totok in mopia.

IMAMAT 14:10

Kon singgai noginwaḷu intau tatua musti modia kon ki adí in domba koḷakian doyowa bo ki adí in domba kobaayan tobatú inta umurdon totaong inta totok in mopia. Koḻikud intua doman topong toḷu nokilo inta ain binauian in ḷana zaitun noyoḷomboi monag in liter.

IMAMAT 16:7

Bembé koḷakian doyowa inta dinia in umat Israel musti diaan kon tayowon ngara in Ḷoḷaigan i Tuhan.

IMAMAT 17:8

Aka intau Israel tobatú ande intau ango-angoi tobatú inta nogutun notantú kon sigad in intau Israel moposumba in kuruban tubáan ande kuruban ibanea

IMAMAT 17:9

kon i Tuhan, yo musti posumbanea intua kon tayowon ngara in Ḷoḷaigan i Tuhan. Aka posumbanea intua kon tampat ibanea, yo sia in diádon motaau poyoiapon anggota in umat i Allah.

IMAMAT 23:12

Kon singgai moiko moposumba in gandum tatua, moiko musti moposumba doman in kuruban payongon ki adí in domba tobatú inta koḷakian inta umur totaong bo diá nobogit.

IMAMAT 23:18

Poyotakinon in roti tatua bangusa Israel musti moposumba in adí in domba pitu inta umur totaong, sapi koḷakian batánea tobatú bo bembé doyowa. Dikabí inta nobogit bo musti posumba mobaḻí kuruban payongon kon i Tuhan, takin kuruban oḷudon bo kuruban tubig in anggur. Rongingi in kuruban tatua mokosanang kon gina i Tuhan.

IMAMAT 3:1

Aka oyúon intau moposumba in sapi koḷakian tobatú sin pomiaan kuruban dodamean, dá sapi tatua motaaubí in koḷakian bo motaau doman in kobaayan, táe musti inta mopia totok.

IMAMAT 4:15

Tongguḷu mita in bangusa musti mopoukat in ḻima monia kon uḷu in mahaḷuk tatua, bodongka moratá kon mahaḷuk tatua kon tampat tatua.

IMAMAT 4:23

dá naonda in kotaauanneadon ḷagidon in sia mopokuruban in bembé koḷakian inta mopia totok sin pongampung kon dosanea.

IMAMAT 4:3

Aka inta dinosa tatua bo Imang Moḷoben, modapot in bangusa Israel in moitakin doman moitaḷá, dá sia musti mopokuruban in sapi koḷakian batánea tobatú inta mopia kon i Tuhan sinbá dosanea ampungandon.

IMAMAT 4:32

Aka intau tobatú mopokuruban in domba tobatú mobaḻí kuruban potobut kon dosanea, dá domba tatua musti kobaayan inta mopia.

IMAMAT 5:15

Aka intau tobatú takin diá sinumuod bo ain noiḷaut in nogaid kon dosa sin nokoḻiong nobogoi in sosumbanea mita inta ain sinantú ogoi kon i Tuhan, dá intau tatua in musti modia kon kuruban mobaḻí toḻiu in karugian. Kuruban tatua musti domba tobatú ande bembé koḷakian inta totok in mopia, bo iapon podudui kon boḻinea inta sinantú kon Ḷoḷaigan i Tuhan.

IMAMAT 5:18

Saḷaku kuruban ponoḻiu kon karugian dá sia in musti modia kon domba tobatú ande bembé koḷakian inta mopia totok bo boḻinea iapon podudui in boḻinea inta ain nobaḻí atorang kon Ḷoḷaigan i Tuhan. Imang mopokuruban in tua potobut kon dosa intau tatua, dá intau tatua ampungandon i Tuhan.

IMAMAT 6:2

Intau tobatú musti moposumba in kuruban aka sia nogaidon kon dosa kon i Tuhan pinopisí in sia doídon mopobui in kapunyaan intau inta pinoki tagúpa kon inia, ande sia nonguboḷdon kon intau, nonakow kon kapunyaan intau, ande ain nokouḻí kon kapunyaan intau inta ain nobuḻi, táe momayow poḷat doman mongibot.

IMAMAT 6:8

Ki Tuhan nopotabá kon i Musa

IMAMAT 7:16

Aka intau tobatú modia kon kuruban dodamean sin mogintompod kon dandinea, ande kuruban inta nomuká nongkon ginanea tontaní, diá bidon musti kodaiton kaanon kon singgai doman tatua. Ibanea in motaaubí kaanon mobangon monik.

IMAMAT 8:18

Onda intua ki Musa mogamá kon domba koḷakian sin baḻíon kuruban tubáan, bo ki Harun takin ki adínea mita mopoukat in ḻima monia kon uḷu in domba tatua.

IMAMAT 9:2

Guman i Musa kon i Harun, “Pogamádon kon sapi koḷakian batánea tobatú bo domba koḷakian tobatú, tumpaḷa mongopia. Posumbadon in mahaḷuk doyowa tatua kon i Tuhan, sapi koḷakian in posumba mobaḻí kuruban potobut kon dosa, bo domba koḷakian in kuruban tubáan.

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

MALEAKHI 1:14

Binaḷadon in ki inta motombuḻitok inta noposumba kon i-Nakó in biag inta diá mopia, bo inta munadon nopodandi in biag mopia kon sigad in biagnea mita sin posumba kon i-Nakó! Sin Akuoibí in ki Datu Inta Moḷantud, bo ihoromat in bayongan in bangusa.”

PINOGIAPAN 15:3

Pakéon kon kuruban payongon andeka kuruban poguboḻi kon dandi andeka kuruban ibog tontaní andeka kuruban kon porayaan inta biasa, motaaubí in moiko moposumba kon i Tuhan: sapi koḷakian, domba koḷakian, domba andeka bembé. Rongingi in kuruban tatua mokosanang kon gina i Tuhan.

PINOGIAPAN 15:8

Aka inta pokuruban tatua sapi koḷakian tobatú sin baḻíon kuruban inta payongon andeka kuruban poguboḻi kon dandi andeka kuruban pondamean,

PINOGIAPAN 19:2

mopotaau in atorang mita tanaa kon bangusa Israel: Gamá in sapi kobaayan tobatú inta nopura in batangannea bo diá nobogit bo diápa dodai onda in pinogaid.

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

PINOGIAPAN 23:27

Ki Balak in noguman, “Koḻigai mayá in kita kon tampat ibanea. Dikabo kon tampat tatua pomayádon mako i Allah iko mongutuk kon Israel sin motuḷung kon inakó.”

PINOGIAPAN 23:3

Bo ki Bileam noguman kon i Balak, “Sindogdon kon diug in kuruban payongon i Tuangku. Bo akuoi in mayápa moindoi mongo moibog in ki Tuhan moyodungkuḷku andeka doí. Bain pogumanku in bayongan inta poguman i Tuhan kon inakó.” Dá ki Bileam minayá tontaní kon tudu in buḷud tobatú,

PINOGIAPAN 23:30

Inaidan doman i Balak in onu inta pinoguman i Bileam. Sia nopokuruban in sapi koḷakian tobatú bo domba doman koḷakian tobatú kon batúan in mezbah tatua.

PINOGIAPAN 28:11

Kon singgai imitánea muḷoi in buḷan musti posumba kon i Tuhan in kuruban payongon ná sapi koḷakian doyowa inta batánea, domba koḷakian tobatú, bo pitu in adí in domba koḷakian inta umur totaong, inta diá nobogit.

PINOGIAPAN 28:19

Posumbadon kon i Tuhan in kuruban payongon inta ná sapi koḷakian doyowa inta batánea, domba koḷakian tobatú, bo ki adí in domba koḷakian pitu inta umur totaong, komintan inta diá nobogit.

PINOGIAPAN 28:31

Kuruban mita tatua takin kuruban in anggurnea nobaḻí indugang in kuruban payongon muḷoi in singgai bo kuruban oḷudon.

PINOGIAPAN 29:13

Kon singgai dungkuḷ posumbadon kon i Tuhan in kuruban payongon sapi koḷakian batánea mopuḷú bo toḷu, domba koḷakian batánea doyowa, bo adí in domba mopuḷú bo opat umur totaong, komintan inta diá in bogitnea. Rongingi in kuruban tatua in mokosanang kon gina i Tuhan.

PINOGIAPAN 29:2

Posumbadon kon i Tuhan in kuruban payongon, sapi koḷakian tobatú inta batánea, domba koḷakian tobatú, bo ki adí in domba pitu koḷakian inta umur totaong, komintan inta diá in bogitnea. Rongingi in kuruban tatua in mokosanang kon gina i Tuhan.

LUKAS 1:35

Dá tubag in malaekat tatua kon inia nanaa, “Roho i Allah takin kawasa-Nea inta totok in moḷantud mamangoi bo mongawasa kon inimu. Tuamain Adí inta polahirmu tua in tangoion Mokudus, ki Adí i Allah.

YOHANES 1:36

Naonda inontongnea in ki Yesus noitaḻib, Sia in noguman: “Indoiai! Tuata in Adí Domba i Allah.”

YOHANES 10:7

Tuamai ki Yesus in noguman bui “Poguman-Kudon kon i monimu, Akuoibí in ḷoḻingkop mayá kon domba mita tatua.

YOHANES 10:9

Akuoibí naa in ḷoḻingkop. Ki ine in tumuot mongin i-Nakó mosaḷamat in sia, sia in tuot ḷuaibí bo mokouḻí kon kaanon.

KORINTUS 2 8:12

Aka gina monimu bo motuḻidbí in mobogoi, dá tarimaanbí i Allah onu inta inogoi monimu tua, asaḷ bo onu inta inogoi monimu tua, pinodoyon kon onu inta oyúon kon i monimu, deemanbí pinodoyon kon onu inta diá in kon i monimu.

KORINTUS 2 9:7

Táe poigumonku mako moiko mobogoibí takin pia in gina, diá tongá pakisa, sin intaubí inta mobogoi takin pia in gina in kotabi i Allah.

EPESUS 2:18

Pinotonsigad kon i Kristus, kita komintan, intau Yahudi andeka deeman intau in Yahudi, takin totuḷung in Roho i Allah inta tobatú tua, kita in motaau dimiug kon i Amá.

EPESUS 5:27

Mangaḻenea kon tua, ki Kristus in noposadia in jamaat kinotompia kon tayowon i Allah, takin diá in gaatnea andeka inta motaau hojatan in intau ibanea.

ULANGAN 12:27

Kuruban payongon bo kuruban inta tapúnea kaanon in musti posumba kon tudu in mezbah i Tuhan Allahmu bo dugúnea in popobutak kon tudu in mezbah tatua.

ULANGAN 15:21

Táe aka bobiagon tatua nobogit, ná inta nopengkoḷ, nobilog ande bogit moḷoben ibanea, yo diábí motaau monimu posumba kon i Tuhan Allahmu.

ULANGAN 17:1

Dika moposumba in sapi ande domba inta nobogit kon i Tuhan Allahmu, sin kodoí-Neabí intua.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

IBRANI 9:14

Dá aka dugú bo ḷobud mokodarit kon onu inta nokotor kon intau mita tatua, yo bambíkabí dugú i Kristus! Pinongin Roho inta diá mato-matoi, ki Kristus ain noposumba in awak-Nea tontaní kon i Allah saḷaku kuruban inta nosompurna. Tuabí in nondarit kon gina naton nongkon upacara mita inta diá in baragunanea, sinbá kita umuran mosumba kon i Allah inta nobiag.