IḶUAIAN 8:3 - Alkitab Singog In Mongondow Masa In Tanaa

³ Ongkag in Nil in mopuḻingbí in tumpaḷak, dapot in mahaḷuk mita tatua ḷumuai nongkon tubig bo tumuot kon bonu in komaḻigmu, kon bonu in gopot potosiuganmu, kon bonu in baḷoi mita intau moḷoben bo rayat, modapot kon pototubáan kon roti bo pansi mita.

IḶUAIAN 8:3 Iomraidhean Croise

TAWARIKH 2 22:11

Ki Ahazia in kogutat kon bobay tobatú tangoinea in ki Yoseba inta notonibuḷoi takin in imang tobatú inta ki Yoyada in tangoinea. Takin inumuni-uni mako in ki Yoseba nogamá kon adí ḷoḷaki tobatú i Ahazia inta ki Yoas in tangoinea nongkon sigad in adí mita i datu inta pinoki ḻimod i Atalya. Adí tatua takin moḷoḷukadnea in binuninea kon gopot tobatú kon Baḷoi Tuhan. Tuata in inaidan i Yoseba sin moposaḷamat kon adí tatua dá diá iḻimod i Atalya.

MAZMUR 105:30

Tumpaḷak maya-mayá mako kon butá monia, nodapot in sinumuot kon komaḻig i datu.

IḶUAIAN 10:6

Komaḻigmu, baḷoi mita in pogawaimu bo baḷoi mita in rayat in mopuḻingdon in pangkoḷá. Bodito tanaa in motoya-toyang kon onu inta nokoimontandon pinouma kon mogoguyang monimu.’ ” Onda intua ki Musa nomurow bo minayá.

IḶUAIAN 12:34

Bo intau mita Israel nogamá kon pansi mita monia inta kon bonu in touḷut pomiaan roti inta diá iragian, binantaḷ monia, bo pinotaan.

IḶUAIAN 7:11

Tuamai ki datu in nogoiní doman kon intaunea mita inta mototaau bo inta mososihir, bo mosia in nogaid doman kon ná tua pinongin totaau monia tatua.

IḶUAIAN 8:11

Sia in momilatbí kon i Tuangku, kon pogawai mita moḷantud i Tuangku bo rayat nongkon tumpaḷak mita tatua. Diá bidon in tumpaḷak mita kon baḷo-baḷoiannea, koḻikud bidon in kon Ongkag in Nil.”

IḶUAIAN 8:2

Aka diá duduianmu, yo butá tanaa in puḻinganku in tumpaḷak mobaḻí hukuman.

IḶUAIAN 8:4

Tumpaḷak mita tatua in ḷumansik bo monomponik kon inimu, bo kon bayongan intau moḷobenmu bo rayat.’ ”