Biblia Todo Logo
Bìoball air-loidhne

- Sanasan -




IḶUAIAN 8:1 - Alkitab Singog In Mongondow Masa In Tanaa

1 Bo ki Tuhan noguman kon i Musa, “Bayádon kon tayowon i datu bo potaaudon kon inia in koyow-Ku tanaa: ‘Ogoidon in umat-Ku tua mayá sin moibada kon i-Nakó.

Faic an caibideil Dèan lethbhreac




IḶUAIAN 8:1
15 Iomraidhean Croise  

Tumpaḷak maya-mayá mako kon butá monia, nodapot in sinumuot kon komaḻig i datu.


Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”


Umat-Ku in mokidongogbí kon tosingogonmu mita. Moiduduimai kon tua iko moyotakin in itoi mita Israel musti mayá tumayow kon i datu in Mesir bo moguman kon inia: ‘Tuhan, ki Allah intau Ibrani aindon namangoi nokipogontong kon inami. Tanaa ogoiaidon in wakutu kami mayá inta koyayúnea in toḷu nosinggai in bayáan mopobayá in padang gurun sin moposumba in kuruban kon i Tuhan, ki Allah nami.’ ”


bo iko ain pinarentaan-Ku sinbá mobogoi kon i adí-Ku tatua mayá sinbá sia in motaaudon mosumba kon i-Nakó, táe diá inogoimu. Tanaa in Akuoi moḻimodon kon i adímu inta guya-guyang.’ ”


Onda intua ki Musa bo ki Harun minayá kon tayowon i datu in Mesir bo noguman, “Nanaa in parenta i Tuhan, ki Allah Israel, ‘Ogoiaidon in kasampatan bangusa-Ku mayá sinbá mosia in motaau moibada kon i-Nakó kon padang gurun.’ ”


Ki Musa bo ki Harun in noguman, “Ki Allah intau Ibrani ain nokipogontong kon inami. Ogoiaipa in kasampatan in kami mayá in padang gurun inta koyayúnea in toḷu nosinggai in bayáan sinbá motaau moposumba in kuruban kon i Tuhan, ki Allah nami. Aka kami diá mogaid kon tua, yo kami in ḻimodon-Nea in takit ande parang.”


Pogumandon kon i datu tatua: Ki Tuhan, ki Allah intau Ibrani, nopotabá kon inakó sin mopotaau kon i Tuangku sinbá ogoimudon umat-Nea mayá mosumba kon i-Nia kon padang gurun. Táe umaain tanaa ki Tuangku doí mokidongog.


Pitudon nosinggai noitaḻib naonda in ki Tuhan nopouma in bodito kon Ongkag in Nil.


Aka diá duduianmu, yo butá tanaa in puḻinganku in tumpaḷak mobaḻí hukuman.


Ki Tuhan noguman kon i Musa, “Bayádon in ikoḷom doḷo-doḷom mododop totok mokipodungkuḷ kon i datu kon dodai in sia moponag kon ongkag, bo potaaudon kon inia in tosingogon-Ku tanaa: ‘Ogoidon in umat-Ku mayá moibada kon i-Nakó.


Ki Tuhan noguman kon i Musa, “Bayádon pokipodungkuḷai in ki datu, bo pogumandon kon inia kon ki Tuhan, Allah intau Ibrani, noguman: ‘Pomayádon mako in umat-Ku mayá sinbá mosia motaau mosumba kon i-Nakó.


Onda intua ki Tuhan noguman kon i Yosua, “Tonggó in tungkudmu bo popotundú kon Ai; kotá tatua in ogoi-Kudon kon inimu in tanaa mako.” Inaidan i Yosua onu in pinarenta i Tuhan kon inia.


Lean sinn:

Sanasan


Sanasan