IḶUAIAN 4:1 - Alkitab Singog In Mongondow Masa In Tanaa

¹ Bo ki Musa in noguman bui kon i Tuhan, “Táe naonda aka kuma bo intau mita in Israel doí mopirisaya bo diá doman mopandungmai kon tosingogonku mita? Onu in aidanku aka kuma bo mosia in moguman kon ki Tuhan in diábí nokipogontong kon inakó?”

IḶUAIAN 4:1 Iomraidhean Croise

DATU MITA IMITÁNEA 13:3

Guman i nabi noiduduimai, “Mezbah tanaa in morumbunbí, bo ḷobud inta kon tudunea in moitabud. Tua in poniataan kon akuoi in pinotabábí i Tuhan.”

IḶUAIAN 2:14

Intau tatua in notubag, “Ki ine in noduí kon inimu itoi bo hakim kon i nami? Degá ḻimodonmu doman in akuoi, ná intau in Mesir inta iḻimodmu tua?” Bo ki Musa inagíandon in ondok bo norai, “Mobodito! Oaidku tatua aindon kinotaauan.”

IḶUAIAN 3:15

Potaau domandon kon i monia kon Akuoi, Tuhan, ki Allah in mogoguyang monia, ki Allah i Abraham, i Ishak bo i Yakub, nopotabá kon inimu namangoi kon i monia. Akuoibí naa in ki Tuhan, tuata in tangoi-Ku mononoi. Tuata in ponangoi kon i-Nakó kon bayongan bangusa dapot in adí bo ompu.

IḶUAIAN 3:16

Bayá bo sipundon komintan in itoi mita Israel. Potaaudon kon i monia kon Akuoi, ki Tuhan, Allah in mogoguyang monia, Allah i Abraham, i Ishak bo i Yakub, aindon nokipogontong kon inimu. Potaau kon i monia kon Akuoi ain namangoi kon i monia bo ain nokoontong kon naonda in pinogogaid in bangusa Mesir kon i monia.

IḶUAIAN 3:18

Umat-Ku in mokidongogbí kon tosingogonmu mita. Moiduduimai kon tua iko moyotakin in itoi mita Israel musti mayá tumayow kon i datu in Mesir bo moguman kon inia: ‘Tuhan, ki Allah intau Ibrani aindon namangoi nokipogontong kon inami. Tanaa ogoiaidon in wakutu kami mayá inta koyayúnea in toḷu nosinggai in bayáan mopobayá in padang gurun sin moposumba in kuruban kon i Tuhan, ki Allah nami.’ ”

IḶUAIAN 4:10

Táe ki Musa in noguman, “O, Tuhan, akuoi naa intaubí inta diá motoḻindat in mosingog, koḻipod ande masai naa, naonda in ki Tuhan nosingog kon inakó. Mobogat in diláku, moḷaḷoi bo diá motoḻindat.”

IḶUAIAN 4:30

Ki Harun nopotaau kon i monia in bayongan inta pinoguman i Tuhan kon i Musa, bo ki Musa in nogaid kon bayongan inta mokoherang kon tayowon intau mita tatua.

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

IḶUAIAN 6:12

Natuata in pinopopotabá i Tuhan kon i Musa bo kon i Harun sin mopotaau kon bangusa Israel bo kon i datu in Mesir kon mosia in pinotabábí i Tuhan modia kon intau in Israel ḷumuai nongkon butá in Mesir.

YEREMIA 1:6

Akuoi in notubag, “O Tuhan Inta Totok in moḷantud, akuoi in diábí mopandoi mosingog sin akuoi in noiḻiupa in guod.”

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

OUMAN IN RASUL MITA 7:25

Iraineamai kino mangaḻeanbí i utatnea mita intau in Israel kon sia tua in pinakébí i Allah mopoḷuat kon i monia. Naanta yo diábí kino mangaḻean monia.

HAKIM MITA 6:17

Tubag i Gideon, “Aka akuoi totu-totuu kinoibog i Tuhan, yo tungkuḷaika ogoiai in tobatú tomponuot kon totuubí kon ki Tuhandon tontaní in nobogoi in parenta tatua kon inakó.