IḶUAIAN 3:4 - Alkitab Singog In Mongondow Masa In Tanaa

⁴ Inontong i Tuhan in ki Musa mamangoi dimiug kon tampat tatua, dá nomaḷú in ki Tuhan nongkon yua-yuak in ḻimbuyun tatua, “Musa! Musa!” “Ya Allah,” tubag i Musa.

IḶUAIAN 3:4 Iomraidhean Croise

KINOBAḺIAN 22:1

Diá noonggot kon tua, kotoindudui Abraham sinungkuḷan i Allah. Ki Allah in nogoiní, “Abraham!” Bo ki Abraham sinumubag, “Ya Tuhan.”

KINOBAḺIAN 22:11

Táe malaekat i Tuhan in nokuuk kon inia nongkon ḷangit, “Abraham, Abraham!” Tubag i Abraham, “Ya, Tuhan!”

KINOBAḺIAN 28:16

Bo ki Yakub in nobangondon nongkon pinosiugannea bo noguman, “Ki Tuhan oyúon kon naa, kon tampat tanaa, táe bain tanaa bo kinotaauanku!”

KINOBAḺIAN 46:2

Kon tobatú oontongon wakutu in doḷom, ki Allah noguman kon inia, “Yakub, Yakub!” “Ya, Tuhan,” tubagnea.

MAZMUR 62:11

Dikabí mongamang mako kon onu inta agowon, bo dika mopongata in pakakat inagow. Nodapot in aka kaoyúonanmu modugang, dikabí tongádon kon tua in ginamu.

IḶUAIAN 19:3

bo ki Musa in notakod kon buḷud tatua sin moyodungkuḷ i Allah. Ki Tuhan nosingog kon i Musa nongkon buḷud tatua bo nopotabá kon inia nopotaau kon intau mita Israel, buí i Yakub,

IḶUAIAN 3:2

Kon tua malaekat i Tuhan nokipogontong kon inia kon bonu in dokot in tuḷú inta iḻumuai nongkon yua-yuak in ḻimbuyun. Ki Musa in nokoontong kon bonok in ḻimbuyun tatua dinumokot, táe diábí nopokak.

IḶUAIAN 33:12

Kon singgai tobatú ki Musa noguman kon i Tuhan, “Tuhan, Iko nopotabádon kon inakó modia kon bangusa tanaa mayá in butá inta pinodandi-Mu. Táe diábí pinoguman-Mu mongo ki ine in potabá-Mu motuḷung kon inakó. Tuhan, Iko noguman kon kinotaauan-Mu bo kinoibog-Mu in akuoi.

IḶUAIAN 4:5

Guman i Tuhan, “Aidaidon in natua sinbá intau mita Israel mopirisaya kon Akuoi, ki Tuhan, Allah in mogoguyang monia, ki Allah i Abraham, i Ishak bo Yakub, aindon nokipogontong kon inimu.”

IMAMAT 1:1

Nongkon Ḷoḷaigan-Nea, ki Tuhan nogoiní kon i Musa bo nopotaau in atorang mita tatua kon inia

OUMAN IN RASUL MITA 10:13

Bo oyúon in singog in noguman kon inia nanaa, “Petrus, pobangon! Dait ratá in naa mita bo kaan!”

OUMAN IN RASUL MITA 10:3

Kon singgai tobatú, degá jam intoḷuneadon ḷoḷabungnea, inontongnea notarang in tobatú malaekat sinumuot kon baḷoinea bo nokuuk kon inia nanaa, “Kornelius!”

OUMAN IN RASUL MITA 9:4

Dá noumpag in sia kon butá bo dinongognea in singog noguman nanaa kon inia, “Saulus, Saulus! Nongonu sin momogutúbí in iko kon i-Nakó?”

ULANGAN 33:16

Igumon mako butánea in mopuḻing in bayongan in inta totok mopia, bo barakatan in kopopia i Tuhan inta nosingog nongkon ḻimbuyun inta nodokot. Igumon mako barakat tatua in moponag kon buí i Yusup, sin sia tua inta nobaḻí itoi kon sigad i utatnea mita.

SAMUEL 1 3:10

Onda intua namangoidon in ki Tuhan, bo sinimindog kon tampat tatua poḷat nogoiní bui, “Samuel, Samuel!” Bo ki Samuel in notubag, “Pogumandon, Tuhan, indongoganbí in mogogundoi-Mu naa.”

SAMUEL 1 3:4

ki Tuhan nogoiní kon i Samuel, bo ki Samuel notubag, “Ya, Amá!”

SAMUEL 1 3:6

Onda intua ki Tuhan bui nogoiní kon i Samuel, táe diábí kinotaauan i Samuel kon ki Tuhanbí in nogoiní kon inia tua, sin diápabí kon dodai in onda in ki Tuhan noyosingog takinnea. Tuamai in nobangon in sia, bo bui minayá kon i Eli bo noḻibó, “Nongonu Amá? Nongonu sin mogoiníbí in ki Amá kon inakó?” Ki Eli notubag, “Diábí in akuoi nogoiní kon inimu, adíku; posiugdon bui.”

SAMUEL 1 3:8

Kon intoḷuneadon ki Tuhan nogoiní kon i Samuel; bo nobangondon in ki Samuel bo minayá nokipodungkuḷ kon i Eli poḷat noḻibó, “Nongonu Amá? Nongonu sin mogoiní in ki Amá kon inakó?” Kon dodaidon intuata kinotaauandon i Eli kon ki Tuhanbí in nogoiní kon adí tatua.