IḶUAIAN 3:2 - Alkitab Singog In Mongondow Masa In Tanaa

² Kon tua malaekat i Tuhan nokipogontong kon inia kon bonu in dokot in tuḷú inta iḻumuai nongkon yua-yuak in ḻimbuyun. Ki Musa in nokoontong kon bonok in ḻimbuyun tatua dinumokot, táe diábí nopokak.

IḶUAIAN 3:2 Iomraidhean Croise

KINOBAḺIAN 21:17

Ki Allah in nokodongog kon ombaḷ i Ismael, bo malaekat i Allah in noguman kon i Hagar nongkon ḷangit, kainia, “Onu in mokorobonoḷ kon dodobmu, Hagar? Dikadon moondok. Dinongogdon i Allah in ombaḷ i adímu.

KINOBAḺIAN 22:11

Táe malaekat i Tuhan in nokuuk kon inia nongkon ḷangit, “Abraham, Abraham!” Tubag i Abraham, “Ya, Tuhan!”

KINOBAḺIAN 48:16

Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

MAZMUR 66:12

Pinomayá-Mu mako in kami iyunta-yuntai in musung; kami in nongin ḷunud bo tuḷú. Táe tanaa in dinia-Mudon in kami kon tampat inta mopia totok.

IḶUAIAN 19:18

Buḷud in Sinai tatua komintandon kinokoḷoban in poyok, sin ki Tuhan noponag kon tudunea kon bonu in tuḷú. Poyok tatua nodondon naonda bo poyok pinonuruban, bo bayongan buḷud nodandú totok in noropot.

IḶUAIAN 23:20

“Akuoi in mopotabá kon malaekat-Ku umuna kon i monimu sin moḷukad kon i monimu kon bonu in binayáan bo modia kon i monimu mayá in tampat inta sinadia-Ku.

IḶUAIAN 3:16

Bayá bo sipundon komintan in itoi mita Israel. Potaaudon kon i monia kon Akuoi, ki Tuhan, Allah in mogoguyang monia, Allah i Abraham, i Ishak bo i Yakub, aindon nokipogontong kon inimu. Potaau kon i monia kon Akuoi ain namangoi kon i monia bo ain nokoontong kon naonda in pinogogaid in bangusa Mesir kon i monia.

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

DANIEL 3:27

Bayongan in oḻit i datu, gubernur mita, bupati, bo pogawai mita ibanea iḻimibu kon i nayatoḷu tatua bo nokoontong kon mosia in beresibí diá iḻiai in tuḷú. Buok monia in diábí nopokak, bo pakeang monia in diábí nobaḷui, nodapot in diábí in bó in poyok kon i monia.

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

MARKUS 12:26

Bo soaḷ intau minatoi mobiag bui, degá diápa kinobacaan monimu kon bonu in buk i Musa soaḷ díat inta nodokot tua? Kon bonu in tontagá mita tatua pinais kon ki Allah in noguman kon i Musa, ‘Akuoibí naa in ki Allah i Abraham, i Ishak bo i Yakub.’

LUKAS 20:37

Ki Musa tontaní aindon noguman kon intau minatoi in totu-totuubí kon biagon bui. Tua in pinaisnea kon Buk Motusi inta nongonguman kon onu in inontongnea kon yua-yuak in díat. Kon tua in ki Tuhan sinangoinea, ‘Ki Allah i Abraham, i Ishak bo i Yakub.’

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

SURAT I PAULUS KON JAMAAT RUM 8:3

Onu inta diá koaidan in hukum agama, sin kita intau ilo-ilow, yo tua ain inaidan i Allah. Ki Allah ain nonaḷow kon kawasa in dosa nongkon tabiat in intau takin aid nopotabá mangoi kon i Adí-Nea tontaní, inta namangoi ná kaadaan in intau baradosa, sin momopat kon dosa.

ULANGAN 33:16

Igumon mako butánea in mopuḻing in bayongan in inta totok mopia, bo barakatan in kopopia i Tuhan inta nosingog nongkon ḻimbuyun inta nodokot. Igumon mako barakat tatua in moponag kon buí i Yusup, sin sia tua inta nobaḻí itoi kon sigad i utatnea mita.

ULANGAN 4:20

Táe moiko in bangusa inta pinosaḷamat-Nea nongkon Mesir, tampat inta kinororigaan totok monimu. Moiko in dinia-Nea iḻumuai nongkon butá tatua, sinbá mobaḻí bangusa-Nea tontaní ná kaadaanmu tanaa mako.

TESALONIKA 2 1:7

Bo kon inimu inta tanaa mako noyoyiga – natua doman in kon inami – ki Allah in monginggamábí kon roriga tatua kon singgai ki Tuhan Yesus moponag nongkon soroga bo mokipogontong takin malaekat-Nea mita inta mongotorindog

HAKIM MITA 13:13

Tubag in malaekat i Tuhan tatua, “Ki buḷoimu in diábí motaau in monginum kon anggur andeka oinumon inta mokoḷoḷangu, bo diá doman motaau in mokaan kon onuka inta nongkon pangkoi in anggur, andeka onu inta pinoton kon hukum in agama. Musti aidannea in bayongan inta ain pinogumanku kon inia, bo ḷukadannea sinbá diá in kotaḻibannea.”