IḶUAIAN 27:3 - Alkitab Singog In Mongondow Masa In Tanaa

³ Pomiaaidon kon rumping mita, sikop, palo mita, porok bo doḷuong. Komintan touḷut tatua musti pomiaan nongkon porunggu.

IḶUAIAN 27:3 Iomraidhean Croise

DATU MITA IMITÁNEA 7:40

Ki Huram in nomia doman kon rumping mita, sikop mita bo palo mita. Onda intua noḷapatdon in bayongan oaidannea kon i Datu Salomo sin kopontingan in Baḷoi Tuhan. Naa in pakakat mita inta ain pinomianea: Oigi moḷoben doyowa Tongguḷu in oigi doyowa inta ná batangan in palo inta inukat kon ḻimonik in oigi doyowa tatua Rante sinuḷapid inta kon batúan in tongguḷu in oigi Opat nogatut in delima bitú inta pinipid doyowa nopipid kon ḻibu in tuḷapidan in rante kon batúan in oigi totokanea Kereta mopuḷú Ḷodokan moḷoben mopuḷú Bejana bitú Sapi bitú mopuḷú bodoyowá inta noguntu kon bejana tatua Rumping mita, sikop mita bo palo mita. Bayongan touḷut in Baḷoi Tuhan tatua, inta pinomia i Huram kon i Datu Salomo, pinomia nongkon bitú, bo iradat nodapot in mopouḻi-uḻinag.

DATU MITA 2 25:14

Mosia in nodia doman kon pakakat mita tanaa: sikop mita, tampat in ḷobud kon mezbah, pakakat mita totuduan in togá, palo mita pososipunan kon dugú in biag inta iratá sin pokuruban, palo mita inta pototubáan kon dupa, bo bayongan in pakakat bitú ibanea inta pinaké kon upacara poibadaan.

DATU MITA 2 25:15

Pakakat mita buḷawan bo saḷaka, noitakin doman in palo mita mongointok bo pindan mita inta potuduanmai kon baga in ginamá i Nebuzaradan tontaní.

TAWARIKH 1 28:17

Bo topotundú doman kon soaḷ kobayong in buḷawan totokan inta musti pakéon pomiaan porok, palo bo sompoi, bo soaḷ kobayong in saḷaka bo buḷawan pomiaan pindan mita,

TAWARIKH 2 4:11

Ki Huram, tongguḷu in mogogimok mita tatua nomia kon kawaḻi mita, sikop mita bo palo mita. Dá nopaḷutdon in sia nomia kon bayongan touḷut in Baḷoi Tuhan podudui in dandinea kon i Datu Salomo. Tanaa in touḷut mita inta ain pinomianea tatua. Oigi moḷoben doyowa Tongguḷu in oigi doyowa inta ná palo inta inukat kon tudu in oigi doyowa tatua Tuḷapid in rante kon batúan in tongguḷu in oigi Opat nogatut in delima bitú inta ginuntuḷ kon doyowa nopipidan noiḻibu kon tuḷapidan kon batúan in tongguḷu in oigi Mopuḷú in kereta Mopuḷú in baskom moḷoben Kuyon bitú Mopuḷú bodoyowá in sapi bitú inta nobaba kon kuyon tatua Kawaḻi mita, sikop mita bo porok mita Bayongan in touḷut mita tatua inta pinomia i Huram sin pakéon kon Baḷoi Tuhan, pinomia nongkon bitú bo iradat nodapot in nopouḻi-uḻinag. Ki Huram in nomia kon bayongan intua pinodudui in parenta i Datu Salomo.

IḶUAIAN 24:6

Tosilai nongkon dugú in sapi tatua ginamá i Musa bo binonu kon tano-tano mita. Bo tosilai doman pinopobutaknea kon tudu in mezbah.

IḶUAIAN 27:19

Bayongan touḷut inta pinaké kon bonu in Ḷoḷaigan, patok mita in Ḷoḷaigan bo ḻeagnea musti pomiaan nongkon porunggu.”

IḶUAIAN 27:2

Kon sikunea mita kon ḻimonik musti pomiaan kon tungoi mita inta poyotobatúon in mezbah. Musti komintan oḻitan in porunggu.

IḶUAIAN 27:4

Pomiaaidon kon toḷatak nongkon porunggu bo ḷutudai in ḻingkit opat sin popobonuan in kayu pononombuḻigan kon sikunea opat kon dotá in ḻimonagnea.

IḶUAIAN 38:3

Pinomiaannea doman kon rumping mita, sikop, palo mita, porok mita bo pononontuḷúan. Bayongan touḷut tatua pinomia nongkon porunggu.

IMAMAT 16:12

musti in sia mogamá kon tampat in tuḷú nongkon mezbah bo bonuannea in baga in tuḷú kopuḻingon bo doyowa noyangkom in dupa moaḷus, bodongka diaannea tumuot kon Yuang Totok Motusi.

PINOGIAPAN 4:14

Bo kon tudunea tatua in musti pogukatan monia kon bayongan pakakat inta pakéon kon poibadaan kon mezbah tatua: tampat in tuḷú, porok, leper bo baskom. Bo bayongan tua musti koḷoban monia in kuḻit moaḷus tobatú bo popoḷutudan in kayu tombuḻigannea.