IḶUAIAN 23:1 - Alkitab Singog In Mongondow Masa In Tanaa

¹ “Dika mopotáa-taau mako in habar diá totuu, bo dika motuḷung kon intau moraat inta nopoyaput in ouman diá totuu.

IḶUAIAN 23:1 Iomraidhean Croise

KINOBAḺIAN 39:17

Naonda in ki buḷoinea nobui, sia in bayá-bayádon noguman kon i buḷoinea, kainia, “Intau Ibrani inta diniamu tua, sinumuot kon gopotku sin mopoyagi-yagimai kon inakó.

SAMUEL 2 16:3

Bo noḻibó in ki datu kon inia, “Kon onda in ki Mepiboset ki ompu i tuangmu ki Saul?” “Tuapabí in sia kon Yerusalem,” tubag i Ziba, “sin noyakinbí in sia kon tanaa intau in Israel mopobuidon in dodatuan i Saul ki akinea kon inia.”

SAMUEL 2 19:27

Nodapot in pinoponapudannea akuoi in uboḷ kon i Tuang datu. Táe ki Tuang in naonda bo malaekat i Allah. Tuamai in pomiadon in onu inta mopia kon mata i Tuang datu.

MAZMUR 101:5

Intau inta umuni-uni moponapud in uboḷ in putúanbí. Intau inta moḷoḷatú bo motosiḷantud in diábí pomayáku mako.

MAZMUR 120:3

Ei mononompobaḻik, onu in aidan i Allah kon inimu? Onu in pohukum-Nea kon i monimu?

MAZMUR 15:3

inta diá noponapud in uboḷ kon tumpaḷa intau, diá mopoaid in moraat kon yobayat, bo diá moporaa-raatmai kon tangoi in topodiugneamai;

MAZMUR 27:12

Dikabí ogoi in akuoi kon ibog in musungku, inta nonubu kon inakó pinongin uboḷ bo gogondok.

MAZMUR 35:11

Sakusi mita inta moraat in sinimindog noḷawang kon inakó, bo noponapud kon akuoi in nogaid kon inta diá kinotaauanku.

IḶUAIAN 20:16

Dika moponapud in uboḷ kon intau ibanea.

IḶUAIAN 23:7

Poyayú mako in moponapud in uboḷ bo donaai mokopopisí kon intau inta diá kotaḷá hukumon matoi, sin kodoí-Kubí in intau inta momia kon moraat natua.

AMSAL 10:18

Intau inta mobuni kon yaat in gina yo sia in intaubí mouboḷ. Intau inta moponapud magí mako in uboḷ in intaubí dondunguḷ.

AMSAL 12:17

Takin moguman kon inta totuu, intau moposindog in inta moadil; pongin monguboḷ, intau mokopoangoi kon inta diá moadil.

AMSAL 14:5

Sakusi inta mojujur tantúbí moguman kon onu inta totuu, sakusi inta diá motaau pirisayaan tantúbí monguboḷ.

AMSAL 17:4

Intau moraat dumuduibí kon tonggina mita inta moraat, intau mouboḷ moibog mokidongog kon tosingogon mita uboḷ inta ponapud.

AMSAL 19:28

Mobogoi in sakusi inta diá totuu, tua in mangaḻenea moningkuḻe kon hukum; mopobodito kon intau, mopiabí kon intau moraat.

AMSAL 19:5

Intau inta monguboḷ kon pongadilan, diábí moisimparut kon hukuman.

AMSAL 19:9

Intau inta monguboḷ kon pongadilan notantú bidon kon hukumon bo yopúon.

AMSAL 21:28

Sakusi inta mouboḷ in diábí pirisayaan; táe tosingogon in intau inta nonotaau in kinobobaḻí in pelekara, in tarimaanbí.

AMSAL 24:28

Dikabí mobaḻí sakusi kon intau ibanea aka diá in dodoyonan inta morigon; dika doman monguboḷ kon tumpaḷa intau.

AMSAL 25:18

Moponapud in uboḷ in mokopatoibí, naonda bo kedang, popangkuḷ andeka piot inta moḷanit.

AMSAL 25:23

Tompot in utuan notantúbí kon mopoangoi in uyan; natua doman in rorebegan notantúbí kon mokopomuká kon rogenggeng.

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

IMAMAT 19:11

Dika monakow, monombodok ande monguboḷ.

IMAMAT 19:16

Dika moponapud magí-mako in uboḷ kon sigad in intau mita inta tobangusamu, sinbá iko in diá mokopopisí kon kopatoian in tumpaḷa intau. Akuoi in ki Tuhan.

MATIUS 19:18

Intau tatua in noḻibó bui kon i-Nia, “Parenta inta táonda?” Dá kai Yesus, “Donaai moḻimod, donaai monuaḻing, donaai monakow, donaai mongonguman kon uboḷ,

LUKAS 19:8

Kon baḷoinea tatua, ki Zakheus sinimindog bo noguman kon i Tuhan, “Tuhan, kapunyaanku tobotak ogoikudon kon intau mita bogá bo aka oyúon doman in intau inta pernadon inuboḷanku, yo pobuionkudon bui kon inia koopat noguntuḷ in kobayongnea!”

LUKAS 3:14

Oyúon doman in tontara in noḻibó, “Yo aka kami, onu in aidan nami?” Tubag i Yohanes, “Donaai mogagow bo donaai momakisa kon intau poḷat moponapud in inta diá mita totuu. Pakédon in gajimu tontaní!”

YOHANES 7:51

“Podudui in hukum i Musa, tobatú intau in diábí motaau in hukumon aka pelekaranea diápa kinotaauan bo oaidnea in diápa pinirikisa.”

SURAT I PAULUS KON JAMAAT RUM 3:8

Bo nongonu sin kita in diá doman motaau in moguman, “Koḻigai, kita in mogaid kon inta moraat sinbá momukádon in inta mopia?” Totuubí kon oyúonbí in intau mohojat kon inakó bo moguman kon akuoi ain nosingog kon natua. Intau mita natua in patusbí hukumon i Allah.

EPESUS 4:25

Manangka intua Utatku mita, dikadon moibog monguboḷ. Mokopojujurbí aka mobiag, sin kita komintan naa in tumpaḷabí anggota in awak i Kristus.

ULANGAN 5:20

Dika moposakusi in uboḷ kon intau ibanea.

TIMOTIUS 2 3:3

Diábí in tabi monia kon tumpaḷa intau, sahingga doíbí mongampung kon intau inta kotaḷá kon i monia, bo moibo-ibog in moporaatmai kon intau ibanea, bo diá doman mokotahang kon ibog, totok doman in morogi bo soaḷ inta mopia in kodoíbí monia.

PETRUS 1 3:16

Táe koaḷusbí in pototubag takin horomat. Ginamu in musti totu-totuu motuḻid, sinbá aka poponapudan uboḷ in moiko lantaran nobiag notompia saḷaku dumodudui i Kristus, dá intau inta noponapud in uboḷ tatua kon inimu buibí mooyá tontaní.

WAHYU 12:10

Bo akuoi in nokodongog kon singog noḷangon nongkon soroga inta noguman, “Tanaadon in wakutunea ki Allah moposaḷamat kon umat-Nea! Tanaadon in wakutunea ki Allah mopoontong in kawasa-Nea saḷaku Datu! Tanaa in Datu Mopoposaḷamat inta pinodandi tatua mopoontong domandon in kawasa-Nea! Sin ki inta moponapudmai doḷom bo singgai kon i utat naton ain pinoḷuai nongkon soroga.