IḶUAIAN 22:8 - Alkitab Singog In Mongondow Masa In Tanaa

⁸ Táe aka intau inta nonakow tatua diá nouḻí, dá intau inta pinotagúan kon doit ande barang tatua in musti diaan kon tampat pooibadaan, bo kon tua sia musti mongibot kon sia in diábí nonakow kon barang inta pinoki tagú kon inia.

IḶUAIAN 22:8 Iomraidhean Croise

ULANGAN 16:18

“Kon pomuḷoi in kotá inta inogoi i Tuhan Allahmu kon inimu, moiko in musti moduí kon hakim mita bo petugas mita ibanea sin mohakim kon rayat takin moadil.

IḶUAIAN 22:28

Dika mogodi-godimai kon i Allah bo kon itoi in bangusamu.

IḶUAIAN 21:6

dá ki tuangnea in mustidon modia kon inia kon tampat pooibadaan. Kon tua ata tatua pokisindogan bo umandoḷ kon ngara ande kon oigi in ḷoḻingkop tampat pooibadaan, bo ki tuangnea in musti momubú kon bongoḷannea, bo sia in mobaḻídon atanea modapot in sia matoi.

MAZMUR 82:1

Mazmur i Asap. Ki Allah in nodia kon sidang ilahi kon soroga, bo Sia in nobogoi kon simpod in singog:

TAWARIKH 1 23:4

Bo 24.000 in intau kon sigad monia tua in pinoki aidan in oaidan kon Baḷoi Tuhan, 6.000 in moindoi kon administrasi bo pelekara mita in pongadilan,

IḶUAIAN 22:9

Kon bayongan in yogogintaḷaan soaḷ kapunyaan, pinomayá sapi, keledai, domba, pakeang ande onuka in nobuḻi bo bui nouḻí, intau mita inta mongaku kitogi musti diaan kon tampat pooibadaan. Intau inta pinoniata i Allah mobaḻí intau inta kotaḷá, musti moguboḻi kon itoginea kodua ná inta nobuḻi.

DATU MITA IMITÁNEA 8:31

Aka intau tobatú pinoponapudan kon nogaid kon taḷá kon intau ibanea bo dinia kon mezbah-Mu kon bonu in baḷoi pososumbaan tanaa sin mongibot kon sia in diá kotaḷá,