IḶUAIAN 11:7 - Alkitab Singog In Mongondow Masa In Tanaa

⁷ Táe aka kon intau Israel, pinomayá intau ande bobiagon diábí tuyayowon. Dá kotaauandon monimu kon Akuoi, ki Tuhan, in mopoyoposibí kon intau in Mesir bo intau in Israel.’ ”

IḶUAIAN 11:7 Iomraidhean Croise

AYUB 5:16

Tanaa in oyúonpa bui in kamang kon intau inta diá koonu bo onu. Bo intau moraat in tongádon kibio-biómai diádon moposingo-singog, sin pinomponandon i Allah in bibignea.

MAZMUR 7:12

Ki Allah in hakim inta moadil, inta pomuḷoi mako mohukum kon intau moraat.

IḶUAIAN 10:23

Intau in Mesir diádon mokoontong kon onu bo onu kon bonu in toḷu nosinggai tatua bo diádon tobatúmai intau minaya-mayá mako. Táe kon baḷoi intau mita Israel tantúbí nobayag.

IḶUAIAN 7:22

Táe intau mososihir mita kon Mesir nomia doman kon natua takin pongotahuan monia, dá ki datu tantú mokopotontogatpa doman kon gina. Ná inta ain pinoguman muna i Tuhan, kon datu in doí mokidongog kon i Musa bo kon i Harun

IḶUAIAN 8:19

dapot in mososihir mita tatua noguman kon i datu, “Naa in aidbí i Allah.” Táe ki datu tatua nokopotogatpa doman bui kon gina, bo ná inta ain muna pinoguman i Tuhan, ki datu tatua doí mopandungmai kon tosingogon i Musa bo i Harun.

IḶUAIAN 8:22

Táe taḻiban-Kubí butá in Gosyen, tampat pinogutunan in umat-Ku. Kon tua in diábí popoangoian-Ku in ḷangow, sinbá kotaauan monimu kon Akuoi, ki Tuhan, in nomia kon tua.

IḶUAIAN 9:26

Tongádon butá in Gosyen, tampat pinogutunan intau mita Israel, in diá kinoonagan in uyan eis.

IḶUAIAN 9:4

Poyoposion-Ku in bobiagon intau Israel bo bobiagon in intau Mesir. Bobiagon intau Israel in diá tobatúmai in matoi.

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”

KORINTUS 1 4:7

Diábí in inanggap totok moponting kon sigad monimu? Sin onu in kon i monimu, komintanbí nongkon i Allah? Manangka intua diábí motaau in dumodia, sin tua mita in diábí nouḻímu tontaní?

YOSUA 10:21

Onda intua bayongan in tontara i Yosua nobui mangoi kon i Yosua takin saḷamat kon pinononḷoḷaigan kon Makeda. Diá tobatúmai in intau kon butá tatua in mokobaḻí mosingog kon onu bo onu sin monontot kon intau in Israel.