IḶUAIAN 11:3 - Alkitab Singog In Mongondow Masa In Tanaa

³ Binaḻídon i Tuhan in intau mita in Mesir mopia in gina kon intau Israel. Bo ki Musa nobaḻí intau inta totok in kinobangkaḷ in pogawai mita bo rayat in Mesir.

IḶUAIAN 11:3 Iomraidhean Croise

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 39:21

Táe ki Tuhan notuḷung kon i Yusup bo umuran motabi kon inia, dapot in itoi in ponjara motabi kon inia.

SAMUEL 2 7:9

Sinakinan-Ku in iko kon ondakabí in binayáanmu, bo bayongan in musungmu aindon sinoko yompat-Ku kon dodai in iko noparang. Iko in baḻíon-Kudon ponango-nangoian ná itoi mita inta totok in moḷoben kon dunia.

ESTER 9:4

Kon sinangkub in dodatuan, kinotaauan in intau mita kon ki Mordekhai tua in moḷobenbí totok in pongarunea kon komaḻig bo kodugang-kodugang domandon in kawasa nea.

MAZMUR 106:46

Binaḻí-Nea in mosia kinotabi in bayongan in intau inta nodakop kon i monia.

IḶUAIAN 12:35

Inaidan doman monia onu inta pinoguman i Musa, mosia noigum kon ḷambá buḷawan bo saḷaka takin pakeang mita kon intau in Mesir.

IḶUAIAN 12:36

Binaḻídon i Tuhan in intau mita in Mesir mopia in gina kon intau Israel, dá mosia nobogoi kon onu inta pinoigum monia. Pinongin natua intau Israel nodia kon kaoyúonan intau in Mesir iḻumuai nongkon butá tatua.

IḶUAIAN 3:21

Baḻíon-Ku intau Mesir mopia in gina kon i monimu, dá aka moiko mobuatdon, moiko in diábí mayá takin kaḷo-kaḷoi.

YESAYA 60:14

Adí mita in intau mita inta nondorot kon inimu in mamangoibí tumungkud, inta nokoimontandon noningkuḻe kon inimu in mohoromatbí, iko in tangoionbí ‘Kotá in Tuhan’, ‘Sion, Kotá i Allah Mokudus in Israel’.

OUMAN IN RASUL MITA 7:22

Bayongan in pongotahuan in bangusa Mesir nodait sinundú kon inia, sahingga in sia nobaḻí intau inta totok mokawasa kon soaḷ pososingog bo oaidnea.

ULANGAN 34:10

Kon Israel in diá bidon in nabi ná ki Musa inta nongonguman i Tuhan noyogintayowan.

ULANGAN 34:11

Diádon in mogaid kon mujizat mita bo inta mokoherang mita ná inta pinomia i Musa kon butá in Mesir, kon i datunea bo kon intaunea mita moḷoben podudui in parenta i Tuhan.

YOSUA 4:14

Kon singgai tatua ki Tuhan nomia kon soaḷ mita inta nopobaḻí kon bangusa Israel mohoromat kon i Yosua nobaḻí intau moḷoben. Kinoouput in kobiagannea mosia mohoromat kon inia ná pinohohoromat monia kon i Musa.

WAHYU 3:9

Toropdon in naa: Intau mita inta ain nobaḻí umat in Ibilis tua, in intaubí mita mongouboḷ inta mongaku intau mita in Yahudi bokaka deemanbí. Mosia tua in aidan-Kubí sahingga in mosia mamangoi tumungkud kon tayowonmu. Bo kotaauandon monia kon kotabi-Kubí in moiko.